Rhoi gwybod am weithgarwch amheus yn eich cyfrif ar-lein CThEF
Dysgwch sut i roi gwybod am weithgarwch amheus sy’n digwydd yn eich cyfrif ar-lein a sut i gadw’ch gwybodaeth bersonol yn ddiogel rhag twyll hunaniaeth.
Enghreifftiau o weithgarwch amheus
Mae arwyddion i’ch helpu i adnabod gweithgarwch amheus yn cynnwys:
-
codau mynediad yn cael eu hanfon i’ch ffôn pan nad ydych wedi ceisio mewngofnodi
-
methu cael mynediad at eich cyfrif ar-lein oherwydd bod eich cyfrinair wedi’i newid
-
newidiadau i’ch cofnodion treth nad oeddech wedi’u gwneud
-
llythyrau neu daliadau annisgwyl gan CThEF
Os oes rhywun wedi defnyddio’ch gwybodaeth bersonol i gael mynediad at eich cyfrif ar-lein neu wneud newidiadau heb eich caniatâd, twyll hunaniaeth yw hynny.
Os ydych chi’n meddwl bod rhywun wedi cael mynediad at eich cyfrif, dylech wneud y canlynol:
-
rhoi gwybod i CThEF ar unwaith
-
newid cyfrinair eich cyfrif ar-lein, os oes gennych fynediad ato o hyd
Rhoi gwybod am weithgarwch amheus
Os ydych chi’n unigolyn ac mae gennych fynediad o hyd at eich cyfrif ar-lein, gallwch fewngofnodi i wasanaethau ar-lein CThEF a rhoi gwybod am weithgarwch amheus drwy ddefnyddio’r consol diogelwch. Nid yw’r consol diogelwch ar gael i asiantau ar hyn o bryd.
Defnyddio’r ffurflen i roi gwybod
Bydd angen i chi ddarparu’r canlynol:
- eich rhif Yswiriant Gwladol
- cyfeiriad e-bost
- rhif cyswllt gyda’r amserau cyfleus i gysylltu â chi
- manylion y gweithgarwch amheus
Cadw eich gwybodaeth bersonol yn ddiogel
Peidiwch â rhannu eich rhif Yswiriant Gwladol gydag unrhyw un nad oes ei angen arno — bydd hyn yn helpu i atal twyll hunaniaeth. Dysgwch ragor ynghylch eich rhif Yswiriant Gwladol ac enghreifftiau o sefydliadau a allai fod angen ei wybod.
Mae gan Stop! Think Fraud gyngor ar ddiogelu eich hun rhag ymosodiadau gwe-rwydo a thwyll.
Gallwch hefyd ddysgu rhagor ynghylch sut i ddiogelu’ch manylion a beth mae CThEF yn ei wneud i’ch helpu i gadw’n ddiogel ar-lein.