Rhoi gwybod am weithgarwch amheus sy’n digwydd mewn cyfrif ar-lein CThEF
Dysgwch sut i roi gwybod am weithgarwch amheus sy’n digwydd mewn cyfrif ar-lein a sut i gadw’ch gwybodaeth bersonol yn ddiogel rhag twyll hunaniaeth.
Os oes rhywun wedi defnyddio’ch gwybodaeth bersonol i gael mynediad at eich cyfrif ar-lein neu wneud newidiadau heb eich caniatâd, twyll hunaniaeth yw hynny.
Os ydych chi’n meddwl bod rhywun wedi cael mynediad at eich cyfrif, dylech wneud y canlynol:
-
rhoi gwybod i CThEF ar unwaith
-
newid cyfrinair eich cyfrif ar-lein, os oes gennych fynediad ato o hyd
Y ffordd o adnabod gweithgarwch amheus
Dyma rai arwyddion i’ch helpu i adnabod gweithgarwch amheus:
-
codau mynediad yn cael eu hanfon i’ch ffôn pan nad ydych wedi ceisio mewngofnodi
-
methu cael mynediad at y cyfrif ar-lein oherwydd bod y cyfrinair wedi cael ei newid
-
newidiadau i gofnodion treth nad oeddech wedi’u gwneud
-
llythyrau neu daliadau annisgwyl gan CThEF
Y ffordd i roi gwybod am weithgarwch amheus
Os ydych yn unigolyn neu’n fusnes
Os oes gennych fynediad o hyd at eich cyfrif ar-lein, gallwch fewngofnodi i wasanaethau ar-lein CThEF a rhoi gwybod am weithgarwch amheus drwy ddefnyddio’r consol diogelwch.
Os nad ydych yn gallu defnyddio’r consol diogelwch, dylech ddefnyddio’r ffurflen hon i roi gwybod. Bydd angen y canlynol arnoch:
-
cyfeiriad e-bost
-
rhif cyswllt ac amserau cyfleus i gysylltu â chi
-
manylion y gweithgarwch amheus
Os busnes ydych, bydd angen eich cyfeirnod treth hefyd.
Os ydych yn asiant
Gallwch ddefnyddio’r ffurflen hon i roi gwybod am weithgarwch amheus.
Os ydych yn rhoi gwybod ar eich rhan eich hun, bydd angen y canlynol arnoch:
-
cyfeiriad e-bost
-
manylion y gweithgarwch amheus
Os ydych yn rhoi gwybod ar ran cleient, bydd angen y canlynol arnoch hefyd:
-
awdurdod i weithredu ar ran eich cleient
-
manylion eich cleient
Casglu’ch holl wybodaeth at ei gilydd cyn i chi ddechrau. Byddwch yn llenwi’r ffurflen hon ar-lein, ac ni fydd modd i chi gadw’ch cynnydd.
Yr hyn sy’n digwydd nesaf
Byddwn yn cynnal adolygiad cychwynnol ac yn anelu at gysylltu â chi dros y ffôn neu drwy e-bost cyn pen 10 diwrnod gwaith.
Cadw eich gwybodaeth bersonol yn ddiogel
Peidiwch â rhannu eich rhif Yswiriant Gwladol gydag unrhyw un nad oes ei angen arno — bydd hyn yn helpu atal twyll hunaniaeth. Dysgwch ragor ynghylch eich rhif Yswiriant Gwladol ac enghreifftiau o sefydliadau a allai fod angen ei wybod.
Mae gan Stop! Think Fraud gyngor ar ddiogelu eich hun rhag ymosodiadau gwe-rwydo a thwyll.
Gallwch hefyd ddysgu rhagor ynghylch sut i ddiogelu’ch manylion a beth mae CThEF yn ei wneud i’ch cadw’n ddiogel ar-lein.
Updates to this page
-
Guidance has been updated to include agents and businesses and to confirm that HMRC aims to contact you within 10 working days after submitting the form.
-
Added translation