Rhoi manylion TAW eich partneriaeth, neu ddiweddaru’r manylion hynny
Defnyddiwch ffurflen VAT2 i roi gwybod i CThEF am bartneriaeth newydd, neu i ddiweddaru manylion partner.
Pryd i ddefnyddio ffurflen VAT2
Gallwch ddefnyddio ffurflen VAT2 i wneud y canlynol:
- rhoi manylion partneriaid pan fyddwch yn cofrestru ar gyfer TAW
- diweddaru manylion partner
- ychwanegu partneriaid a’u tynnu
- cadarnhau bod y partneriaid yn cytuno i newid manylion banc y bartneriaeth
Gallwch ychwanegu manylion hyd at 8 o bartneriaid i bob ffurflen VAT2. Os oes gennych fwy o bartneriaid, bydd angen i chi anfon ffurflenni ychwanegol.
Yr hyn y bydd ei angen arnoch
Bydd angen y canlynol arnoch:
- eich rhif cofrestru TAW, os oes gennych un
- enw’ch busnes
- manylion y partneriaid, gan gynnwys dyddiadau geni a rhifau Yswiriant Gwladol
- llofnodion y partneriaid
Sut i lenwi’r ffurflen a’i hanfon i CThEF
-
Nodwch y rhif cofrestru (os yw’n hysbys), enw’r busnes a’ch rheswm dros lenwi’r ffurflen.
-
Gofynnwch i bob partner nodi eu manylion a llofnodi un o’r 8 adran sydd ar gael.
-
Gallwch wedyn uwchlwytho’r ffurflen pan fyddwch yn cofrestru ar gyfer TAW, neu ei phostio i Wasanaeth Cwsmeriaid Cymraeg CThEF.
Efallai na fydd y ffurflen hon yn addas ar eich cyfer os ydych yn defnyddio technoleg gynorthwyol (megis darllenydd sgrin). Os oes angen fformat mwy hygyrch arnoch, e-bostiwch gwasanaeth.cymraeg@hmrc.gov.uk a rhowch wybod i ni pa fformat sydd ei angen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffurflenni CThEF (yn agor tudalen Saesneg).
Ar ôl i chi anfon eich ffurflen
Ar ôl i ni wirio’ch ffurflen, byddwn yn rhannu’r canlyniad â chi naill ai drwy’r post neu ar-lein drwy’ch cyfrif treth busnes.
Gallwch wirio pryd y gallwch ddisgwyl ateb gan CThEF.