Canllawiau

Talu Treth Tollau Stamp Wrth Gefn

Sut i dalu’ch Tollau Stamp Wrth Gefn, a faint o amser mae’n ei gymryd i’ch taliad gyrraedd CThEF.

Gan:
Cyllid a Thollau EF
Cyhoeddwyd
30 Hydref 2014
Diweddarwyd ddiwethaf
30 Ebrill 2026 — Gweld pob diweddariad

Telir Tollau Stamp Wrth Gefn (SDRT) ar brynu cyfranddaliadau’n ddi-bapur.

Ni ddylid ei gymysgu â thalu un o’r canlynol:

Y ddau fath o daliad SDRT yw stociau a chyfranddaliadau a wneir:

  • drwy system ’CREST’ — cofrestr gyfrifiadurol o gyfranddaliadau a pherchnogion cyfranddaliadau

  • y tu allan i CREST — taliadau ‘oddi ar y farchnad’

Mae’r dyddiadau cau ar gyfer talu, cyfeirnodau talu a manylion cyfrif banc CThEF yn wahanol ym mhob achos.

Yr hyn y mae angen i chi ei wneud

Taliadau CREST stociau a chyfranddaliadau

Mae CREST yn didynnu SDRT yn awtomatig o fasnachau trethadwy ac yn talu’r dreth i CThEF. Nid oes angen taliad â llaw na hysbysiad.

Taliadau stociau a chyfranddaliadau y tu allan i CREST

Os gwnewch fasnach y tu allan i CREST, taliadau ‘oddi ar y farchnad’, mae’n rhaid i chi anfon hysbysiad ysgrifenedig at CThEF (yn agor tudalen Saesneg) sy’n cynnwys:

  • manylion y prynwr a’r gwerthwr

  • pa warantau sydd wedi’u trosglwyddo a faint ohonynt

  • unrhyw ryddhad neu esemptiad, neu’r ddau, a hawlir

  • manylion y taliad neu gyfnewidiad arall, gan gynnwys gwerth ariannol, a wnaed

  • cyfeirnod, a ddewisir gennych, fel y gall CThEF adnabod y taliad

Lle mae sawl trafodiad wedi digwydd mewn cyfnod adrodd, mae’n rhaid i chi ddarparu manylion pob trafodyn unigol.

Dylech ganiatáu 3 diwrnod gwaith i’ch hysbysiad gyrraedd CThEF.

Pryd i dalu

Os gellid bod wedi gwneud y taliad drwy CREST ond na wnaed hynny, y dyddiad cau ar gyfer y taliad a’r hysbysiad yw 14 diwrnod o ddyddiad y fasnach.

Os na ellid bod wedi gwneud y taliad drwy CREST, y dyddiad cau ar gyfer y taliad a’r hysbysiad yw’r 7fed diwrnod o’r mis ar ôl y mis calendr y digwyddodd y cytundeb ynddo.

Os bydd y dyddiad cau ar y penwythnos neu ar ŵyl banc, gwnewch yn siŵr bod eich taliad yn dod i law CThEF erbyn diwedd y diwrnod gwaith blaenorol.

Os na fyddwch yn talu erbyn y dyddiad cau, efallai y bydd angen i chi dalu cosb neu log, neu’r ddau (yn agor tudalen Saesneg).

Yr hyn y bydd ei angen arnoch

Mae angen y cyfeirnod a ddarparwyd gennych ar eich hysbysiad talu oddi ar y farchnad arnoch.

Os ydych yn defnyddio cyfeirnod anghywir, bydd oedi cyn i’r taliad gael ei ddyrannu’n gywir.

Talu drwy drosglwyddiad banc

Os byddwch yn talu drwy CHAPS (System Dalu Awtomataidd y Tŷ Clirio) neu Daliadau Cyflymach, gallwch gyflwyno’ch taliad ar yr un diwrnod, neu’r diwrnod nesaf.

Os byddwch yn talu drwy Bacs (System Glirio Awtomataidd y Bancwyr), dylech ganiatáu 3 diwrnod gwaith i’ch taliad gyrraedd CThEF.

Cyn i chi dalu, rydym yn argymell eich bod yn gwirio amserau prosesu’ch banc a’i derfynau o ran trafodion mwyaf.

Y manylion cyfrif i’w defnyddio os yw’ch cyfrif yn y DU

Defnyddiwch y manylion canlynol i wneud taliad os yw’ch cyfrif yn y DU:

  • cod didoli — 08 32 10

  • rhif y cyfrif — 12237210

  • enw’r cyfrif — HMRC Stamp Office Shares Unit

Y manylion cyfrif i’w defnyddio os yw’ch cyfrif dramor

Defnyddiwch y manylion canlynol i wneud taliad os yw’ch cyfrif dramor:

  • rhif y cyfrif (IBAN) — GB89 BARC 2011 4733 7025 96

  • Cod Adnabod y Busnes (BIC) — BARCGB22

  • enw’r cyfrif — HMRC SDRT

Mae’n rhaid i chi wneud pob taliad mewn punnoedd sterling (GBP). Mae’n bosibl y bydd eich banc yn codi tâl arnoch os byddwch yn defnyddio unrhyw arian cyfred arall.

Os bydd angen, gallwch roi’r cyfeiriad canlynol fel cyfeiriad bancio CThEF i’ch banc chi:

Barclays Bank plc
1 Churchill Place
London
Y Deyrnas Unedig
E14 5HP

 Peidiwch â phostio taliad siec atom. Os na allwch dalu’n electronig, dylech gysylltu â ni (yn agor tudalen Saesneg).

Updates to this page

Cyhoeddwyd ar 30 Hydref 2014
Diweddarwyd ddiwethaf ar 30 Ebrill 2026 show all updates

  1. A Welsh translation has been added.

  2. Temporary measures used for Stamp Duty Reserve Tax payments due to coronavirus (COVID-19) have now ended.

  3. Bank details have been updated for paying Stamp Duty Reserve Tax by online or telephone banking, CHAPS and Bacs.

  4. Temporary measures have been put in place to stop the spread of coronavirus (COVID-19) - you must now pay Stamp Duty Reserve Tax electronically by Faster Payment, Bacs or CHAPS.

  5. The address to send payments by cheque has been added to the 'Ways to pay' section.

  6. Overseas payment details updated.

  7. Overseas payment details updated.

  8. First published.

Argraffu'r dudalen hon

Cynnwys

Cynnwys cysylltiedig