Talu ffioedd rheoliadau gwyngalchu arian
Sut i dalu ffioedd gwyngalchu arian, a’r amser y mae’n ei gymryd i’ch taliad gyrraedd CThEF.
Mae’n rhaid i chi dalu ffioedd gwyngalchu arian (yn agor tudalen Saesneg) i CThEF pan fyddwch yn cofrestru ar gyfer goruchwyliaeth gwrth-wyngalchu arian.
Os na fyddwch yn talu’ch ffi goruchwylio flynyddol mewn pryd, gall CThEF ganslo’ch cofrestriad.
Pryd i dalu
Dylech dalu’ch ffioedd pan fyddwch yn gwneud cais i gofrestru gyntaf a phan fyddwch yn cwblhau’ch goruchwyliaeth flynyddol.
Os bydd y dyddiad cau ar y penwythnos neu ar ŵyl banc, gwnewch yn siŵr bod eich taliad yn dod i law CThEF erbyn diwedd y diwrnod gwaith blaenorol.
Os na fyddwch yn talu erbyn y dyddiad cau, efallai y bydd angen i chi dalu cosb, llog, neu’r ddau.
Yr hyn y bydd ei angen arnoch
Mae angen eich cyfeirnod 14 o gymeriadau arnoch sy’n dechrau gydag X. Bydd hwn yn cael ei gynhyrchu gan y gwasanaeth ar-lein. Mae’n rhaid i chi wneud nodyn o hyn a’i gadw’n ddiogel.
Anfonwch e-bost at MLRCIT@hmrc.gov.uk os nad oes gennych gyfeirnod eich taliad.
Os byddwch yn defnyddio cyfeirnod anghywir:
-
bydd oedi cyn i’r taliad gael ei ddyrannu’n gywir
-
byddwch yn cael nodyn i’ch atgoffa i wneud taliad
Talu ar-lein
Gallwch ddefnyddio un o’r dulliau canlynol i dalu ar-lein:
-
cymeradwyo taliad drwy’ch cyfrif banc ar-lein
-
cerdyn debyd neu gerdyn credyd corfforaethol
Talu ar-lein drwy’ch cyfrif banc
Gallwch dalu drwy gymeradwyo taliad drwy’ch cyfrif bancio ar-lein – gallwch wneud hyn drwy ddewis yr opsiwn i dalu drwy gyfrif banc.
Bydd gofyn i chi fewngofnodi i’ch cyfrif bancio ar-lein, neu’r cyfrif bancio ar eich ffôn symudol, i gymeradwyo’ch taliad.
Bydd angen i chi fod â’ch manylion bancio ar-lein wrth law er mwyn talu drwy’r dull hwn.
Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.
Talu â cherdyn debyd neu gerdyn credyd corfforaethol
Gallwch wneud taliad yn llawn ar-lein drwy ddefnyddio cerdyn debyd neu gerdyn credyd corfforaethol. Bydd ffi na ellir ei had-dalu yn cael ei chodi os byddwch yn defnyddio cerdyn debyd neu gredyd corfforaethol. Ni allwch dalu â cherdyn credyd personol.
Bydd eich taliad yn cael ei dderbyn gennym ar y dyddiad y byddwch yn ei wneud, ac nid y dyddiad y mae’n cyrraedd cyfrif CThEF (gan gynnwys penwythnosau a gwyliau banc).
Mae’n rhaid i chi sicrhau bod y manylion rydych wedi’u nodi’n cyd-fynd â’r rheini sydd gan eich banc neu ddarparwr y cerdyn. Er enghraifft, dylai’r cyfeiriad bilio gyd-fynd â’r cyfeiriad y mae’ch cerdyn wedi’i gofrestru iddo ar hyn o bryd.
Talu drwy drosglwyddiad banc
Os byddwch yn talu drwy CHAPS (System Dalu Awtomataidd y Tŷ Clirio) neu Daliadau Cyflymach, bydd eich taliad yn ein cyrraedd ar yr un diwrnod, neu’r diwrnod gwaith nesaf.
Os byddwch yn talu drwy Bacs (System Glirio Awtomataidd y Bancwyr), dylech ganiatáu 3 diwrnod gwaith i’ch taliad gyrraedd CThEF.
Cyn i chi dalu, rydym yn argymell eich bod yn gwirio amserau prosesu’ch banc a’i derfynau o ran trafodion mwyaf.
Manylion cyfrif i’w defnyddio os yw’ch cyfrif yn y DU ac rydych yn cofrestru neu wedi cofrestru ar-lein
Defnyddiwch y manylion canlynol i wneud taliad os yw’ch cyfrif yn y DU:
-
cod didoli — 08 32 10
-
rhif y cyfrif — 12001020
-
enw’r cyfrif — Shipley receipts
Manylion cyfrif i’w defnyddio os yw’ch cyfrif yn y DU ac nad ydych wedi adnewyddu ar-lein
Defnyddiwch y manylion canlynol i wneud taliad os yw’ch cyfrif yn y DU:
-
cod didoli — 08 32 40
-
rhif y cyfrif — 12000857
-
enw’r cyfrif — HMRC Money Services Receipts
Mae’n rhaid i chi nodi’ch rhif rheoliad gwyngalchu arian 8 cymeriad.
Gellir dod o hyd i hyn ar eich llythyr sy’n cymeradwyo neu’n penderfynu’r cofrestriad.
Manylion cyfrif i’w defnyddio os yw’ch cyfrif dramor ac rydych yn cofrestru neu wedi cofrestru ar-lein
Defnyddiwch y manylion canlynol i wneud taliad os yw’ch cyfrif dramor:
-
rhif y cyfrif (IBAN) — GB03 BARC 2011 4783 9776 92
-
Cod Adnabod y Busnes (BIC) — BARCGB22
-
enw’r cyfrif — HMRC Shipley receipts
Manylion cyfrif i’w defnyddio os yw’ch cyfrif dramor ac nad ydych wedi adnewyddu ar-lein
Defnyddiwch y manylion canlynol i wneud taliad os yw’ch cyfrif dramor:
-
rhif y cyfrif (IBAN) — GB60 BARC 2050 4610 3659 98
-
Cod Adnabod y Busnes (BIC) — BARCGB22
-
enw’r cyfrif — HMRC Money Services Receipts (HMRC MS RCTS)
Mae’n rhaid i chi wneud pob taliad mewn punnoedd sterling. Mae’n bosibl y bydd eich banc yn codi tâl arnoch os byddwch yn defnyddio unrhyw arian cyfred arall.
Os bydd angen, gallwch roi’r cyfeiriad canlynol fel cyfeiriad bancio CThEF i’ch banc chi:
Barclays Bank Plc
1 Churchill Place
London
Y Deyrnas Unedig
E14 5HP
Updates to this page
-
A Welsh translation has been added.
-
Bank details for customers who’ve not renewed online have been updated.
-
HMRC's sort code for use by customers who are registering or are already registered online has been updated.
-
Information about approving a payment through your online bank account and online debit or corporate credit card payments has been added.
-
Guidance on ways you can pay HMRC has been updated, as you can no longer pay by cheque in the post.
-
The information about making a payment by cheque through the post has been updated.
-
The sort code and account number details have been updated for customers who are registering or already registered online.
-
Overseas payment details updated.
-
First published.