Rheoli eich cyllid Cynllun Kickstart
Sut y bydd cyflogwyr yn cael cyllid y Cynllun Kickstart a newidiadau mae'n rhaid i chi ddweud wrthym amdanynt.
Applies to England, Scotland and Wales
Canllawiau cyflogwr
Mae ceisiadau Cynllun Kickstart wedi cau.
Gwiriwch y dyddiadau cau eraill ar gyfer cwblhau tasgau Cynllun Kickstart.
-
Rheoli eich cyllid
Os ydych yn borth Kickstart, gwiriwch y canllawiau ar gyfer pyrth.
Cyn y gallwch reoli eich cyllid Cynllun Kickstart
Mae’n rhaid i chi fod:
- wedi gwneud cais llwyddiannus ar-lein neu fod wedi gwneud cais trwy borth Kickstart am grant Cynllun Kickstart cyn hanner dydd ar 17 Rhagfyr 2021
- wedi llofnodi a dychwelyd eich cytundeb grant Cynllun Kickstart i DWP neu’ch porth Kickstart erbyn 11:59pm ar 7 Ionawr 2022
- dylech fod wedi cyflwyno eich swyddi gwag i DWP erbyn 11.59pm ar 31 Ionawr 2022
- wedi dechrau’r person ifanc yn y swydd ar neu cyn 31 Mawrth 2022
- wedi dweud wrthym erbyn 11:59pm ar 30 Tachwedd 2022 fod y person ifanc wedi dechrau ei swydd
Sut mae’r cyllid yn cael ei gyfrifo ar gyfer pob person ifanc
Mae cyfanswm y grant yn cynnwys:
- 25 awr bob wythnos ar Isafswm Cyflog Cenedlaethol neu Gyflog Byw Cenedlaethol (yn dibynnu ar eu hoedran ar ddiwedd y swydd) wedi’i luosi â 26 wythnos
- Cyfraniadau Yswiriant Gwladol a phensiwn yn y gweithle
-
yna ychwanegir y cyllid o £1,500 ar gyfer costau sefydlu at y swm hwn
- Er enghraifft, os yw person ifanc yn dechrau y swydd yn 17 oed ac yn 18 oed cyn diwedd y 26 wythnos, bydd y cyllid yn talu Isafswm Cyflog Cenedlaethol ar gyfer pobl 18 oed o ddiwrnod cyntaf eu swydd.
Sut y cewch gyllid Cynllun Kickstart
Os gwnaethoch gais ar-lein, bydd DWP yn anfon y cyllid yn uniongyrchol atoch chi.
Os gwnaethoch gais trwy borth Kickstart, bydd DWP yn anfon yr arian atynt hwy. Bydd porth Kickstart yn gyfrifol am anfon y cyllid atoch cyn pen 5 diwrnod gwaith o’i dderbyn gan DWP.
Cyllid o £1,500 ar gyfer costau sefydlu fesul swydd
Byddwch yn cael cyllid o £1,500 fesul swydd. Dylai hyn gael ei wario ar gostau sefydlu a chefnogi’r person ifanc i ddatblygu eu sgiliau cyflogadwyedd.
Er enghraifft:
- cefnogaeth hyfforddiant a chyflogadwyedd (a ddarperir gennych chi, porth Kickstart neu ddarparwr arall)
- offer a meddalwedd TG
- gwisg neu Offer Amddiffynnol Personol
Efallai bydd DWP yn gofyn i chi am eich cofnodion i ddangos eich bod wedi gwario’r cyllid ar gostau sefydlu ac yn cefnogi cyflogadwyedd y person ifanc.
Sut y cewch y £1,500
Os gwnewch gais yn uniongyrchol, telir y cyllid o £1,500 ar gyfer costau sefydlu pan ddywedwch wrthym fod y person ifanc wedi dechrau’r swydd (rhaid eich bod wedi gwneud hyn erbyn 11:59pm ar 30 Tachwedd 2022). Fe’ch hysbysir sut i wneud hyn yn yr e-bost a dderbyniwch pan fydd anogwr gwaith yn atgyfeirio person ifanc at eich swydd wag.
Os gwnewch gais trwy borth Kickstart, mae angen i chi ddweud wrthynt pryd mae’r person ifanc yn dechrau ei swydd. Yna gallant anfon y cyllid o £1,500 atoch ar ôl iddynt ei dderbyn gan DWP. Rhaid iddynt ddweud wrthym am ddechrau’r swydd erbyn 11:59pm ar 30 Tachwedd 2022.
Os yw porth Kickstart neu ddarparwr arall yn gwneud rhywfaint o’r cymorth sefydlu swyddi neu gyflogadwyedd i chi, gallwch ddefnyddio’r cyllid o £1,500 i dalu am hyn.
Cyflog a chostau perthnasol Cynllun Kickstart
Mae’r cyllid yn cwmpasu:
- 100% o’r Isafswm Cyflog Cenedlaethol neu’r Cyflog Byw Cenedlaethol yn dibynnu ar oed y sawl sy’n cymryd rhan) am 25 awr yr wythnos am gyfanswm o 6 mis
- cyfraniadau Yswiriant Gwladol cyflogwr cysylltiedig
- isafswm cyfraniadau pensiwn ymrestru awtomatig
Gall cyflogwyr dalu cyflog uwch ac am fwy o oriau, ond ni fydd y cyllid yn cwmpasu hyn.
Sut y cewch y cyllid ar gyfer cyflogau a chostau cysylltiedig
Bob 30 diwrnod rydym yn defnyddio gwybodaeth gan Gyllid a Thollau EM i wirio bod y person ifanc yn cael ei dalu trwy Talu Wrth Ennill (TWE).
Yna byddwn yn anfon y cyllid ar gyfer y cyflogau a’r costau cysylltiedig i dalu am y 30 diwrnod blaenorol o gyflogaeth.
Bob tro byddwch chi’n derbyn hysbysiad talu yn egluro’r hyn sydd gennych chi. Byddwch yn gallu adnabod y person ifanc yn y hysbysiad talu trwy ei ‘Cais ID’. Byddwn yn anfon cais ID atoch mewn e-bost pan fydd yr unigolyn yn cael ei atgyfeirio gan anogwr gwaith at eich swydd.
Amserlen cyllid
Mae’r tabl yn dangos pryd yr anfonir y cyllid at naill ai:
- atoch chi os gwnaethoch gais yn uniongyrchol
- eich porth (yna bydd angen iddynt drosglwyddo’r cyllid atoch o fewn 5 diwrnod gwaith)
| Math o gyllid | Pan fyddwn fel arfer yn prosesu’r cyllid | Pan fyddwch fel arfer yn derbyn yr arian |
|---|---|---|
| Costau sefydlu | Ar ôl i chi neu’ch porth ddweud wrth DWP, bod y person ifanc wedi dechrau (gwnewch hyn erbyn 11:59pm ar 30 Tachwedd 2022) | Hyd at 11 diwrnod gwaith ar ôl iddo gael ei brosesu |
| Taliad cyflog cyntaf | 6 wythnos ar ôl y dyddiad dechrau | Hyd at 11 diwrnod gwaith ar ôl iddo gael ei brosesu |
| Pob taliad cyflog arall | 30 diwrnod ar ôl y taliad cyflog blaenorol | Hyd at 11 diwrnod gwaith ar ôl iddo gael ei brosesu |
Y diwrnod olaf ar gyfer prosesu taliadau yw 30 Tachwedd 2022.
Diweddarwyd ddiwethaf ar 19 August 2022 + show all updates
-
The deadline for telling DWP that a young person has started their job is 30 November 2022.
-
Updated page because the deadline for telling us that the young person has started their job has now passed.
-
Updated page as the deadline for submitting vacancies has now passed.
-
Updated page as the deadline for grant agreements to be signed and returned has now passed.
-
Updated page to say applications for Kickstart Scheme funding closed at midday on 17 December 2021 and removed links to the apply guides.
-
Added deadlines for completing Kickstart Scheme tasks.
-
Added information about Kickstart Scheme applications closing on 17 December 2021.
-
First published.