Skip to main content
Canllawiau

Gwneud cais i dŷ amlfeddiannaeth (HMO) gael ei brisio fel un eiddo

Defnyddiwch y ffurflen hon os ydych chi’n berchen ar Dŷ Amlfeddiannaeth (HMO) neu’n byw mewn tŷ amlfeddiannaeth sy’n cael ei brisio fel mwy nag un eiddo.

Gan:
Cyllid a Thollau EF
Cyhoeddwyd
1 Rhagfyr 2023
Diweddarwyd ddiwethaf
4 Mehefin 2026 — Gweld pob diweddariad

Yn berthnasol i Loegr a Chymru

Mae Tŷ Amlfeddiannaeth (HMO) yn eiddo sy’n cael ei rentu gan sawl person o wahanol aelwydydd, ond sy’n rhannu cyfleusterau fel ystafell ymolchi a chegin. At ddibenion Treth Gyngor, mae eiddo yn cael ei ystyried i fod yn dŷ amlfeddiannaeth os caiff ei rentu gan:

  • 2 neu fwy o bobl o wahanol aelwydydd, os yw’r eiddo yn Lloegr

  • 3 neu fwy o bobl o wahanol aelwydydd, os yw’r eiddo yng Nghymru

Mae’r Swyddfa Brisio’n prisio’r rhan fwyaf o Dai Amlfeddiannaeth fel un eiddo at ddibenion Treth Gyngor, ac wedi gwneud hynny ers:

  • 1 Rhagfyr 2023 yn Lloegr

  • 3 Mehefin 2026 yng Nghymru 

Pryd i wneud cais

Gallwch wneud cais i Dŷ Amlfeddiannaeth gael ei brisio fel un eiddo os oeddech chi’n berchen arno neu’n byw ynddo ers:

  • 1 Rhagfyr 2023 yn Lloegr

  • 3 Mehefin 2026 yng Nghymru

Nid oes angen i chi fod yn berchen ar y Tŷ Amlfeddiannaeth nac yn byw ynddo ar hyn o bryd i wneud cais.

Gallwch herio band Treth Gyngor y tŷ amlfeddiannaeth rydych chi’n berchen arno ar hyn o bryd, neu’n byw ynddo ar hyn o bryd, os ydych chi’n meddwl ei fod yn anghywir.

Sut i lenwi’r ffurflen

Bydd angen i chi wneud y canlynol:

  1. Lawrlwytho’r ffurflen a’i chadw ar eich cyfrifiadur.

  2. Agor y ffurflen gan ddefnyddio’r fersiwn ddiweddaraf o Adobe Reader sy’n rhad ac am ddim.

  3. Llenwi’r ffurflen ar y sgrin.

Efallai na fydd y ffurflen yn gweithio os byddwch yn ceisio’i hagor yn eich porwr rhyngrwyd. Os nad yw’r ffurflen yn agor, cysylltwch â gwasanaeth cwsmeriaid Cymraeg CThEF.

Ffurflen gynnig ar gyfer Tai Amlfeddiannaeth (HMO)

PDF, 284 KB, 3 o dudalennau

Efallai na fydd y ffeil hon yn addas ar gyfer defnyddwyr technoleg gynorthwyol.

Gwneud cais am fformat hygyrch.
Os ydych chi'n defnyddio technoleg gynorthwyol (er enghraifft, rhaglen darllen sgrin) a bod angen fersiwn o'r ddogfen hon arnoch mewn fformat mwy hygyrch, e-bostiwch different.format@hmrc.gov.uk. Rhowch wybod i ni pa fformat sydd ei angen arnoch. Bydd yn ein helpu ni os byddwch chi'n dweud pa dechnoleg gynorthwyol rydych chi'n ei defnyddio.

Efallai na fydd y ffeil hon yn addas ar eich cyfer os ydych yn defnyddio technoleg gynorthwyol (megis darllenydd sgrin). Os oes angen fformat mwy hygyrch arnoch, e-bostiwch gwasanaeth.cymraeg@hmrc.gov.uk a rhowch wybod i ni pa fformat sydd ei angen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffurflenni CThEF (yn agor tudalen Saesneg).

I ble i anfon y ffurflen

Anfon drwy e-bost

Anfonwch y ffurflen wedi’i llenwi mewn e-bost at ctinbox@hmrc.gov.uk.

Anfon drwy’r post

Os na allwch e-bostio’r ffurflen, gallwch anfon y ffurflen wedi’i llenwi at:

Swyddfa Brisio
Wycliffe House
Green Lane
Durham
DH1 3UW

Updates to this page

Cyhoeddwyd ar 1 Rhagfyr 2023
Diweddarwyd ddiwethaf ar 4 Mehefin 2026 Show all updates

  1. The Houses in Multiple Occupation (HMO) proposal form has been added. Also, information on how to fill in the form and where to send the form. A Welsh translation has been added.

  2. The content has been revised per new guidelines.

  3. Changes to wording under Licensed HMOs

  4. The content has been updated.

  5. The content has been revised slightly.

  6. First published.

Argraffu'r dudalen hon

Cynnwys