Guidance

Support in England and Wales after a positive Conclusive Grounds decision (Albanian accessible)

Published 22 January 2026

Applies to England and Wales

Mbështetje në Angli dhe Uells pas një vendimi pozitiv mbi Baza Përfundimtare

Ju keni marrë një vendim pozitiv mbi Baza Përfundimtare dhe aktualisht jeni duke marrë mbështetje nëpërmjet Kontratës së Kujdesit për Viktimat e Skllavërisë Moderne (MSVCC) të financuar nga qeveria, e cila ofrohet nga Salvation Army dhe organizata të tjera mbështetëse që punojnë me të.

Mbështetja që merrni do të ndryshojë tani që ka një vendim Pozitiv mbi Baza Përfundimtare.

Si ndryshon mbështetja tani?

Tani jeni në një periudhë tranzicioni që zgjat të paktën 45 ditë. Gjatë kësaj kohe, punonjësi që ju mbështet do t’ju ndihmojë të ndërmerrni hapat e mëtejshëm në procesin e rimëkëmbjes dhe që të dilni në mënyrë të sigurt nga mbështetja e ofruar nga MSVCC.

Ju mund të merrni mbështetje për një periudhë më të gjatë se 45 ditë nëse nevojat tuaja për rimëkëmbjen nuk mund të përmbushen nga shërbimet jashtë MSVCC. Për ta shqyrtuar këtë, punonjësi që ju mbështet do t’ju ofrojë të kryejë një Vlerësim të Nevojave të Rimëkëmbjes (RNA).

Ju nuk jeni i detyruar të merrni pjesë në këtë vlerësim. Ju mund të zgjidhni të mos merrni mbështetje nga MSVCC pas 45 ditëve ose më herët. Punonjësi që ju mbështet do t’ju ndihmojë në lidhje me këtë nëse vendosni ta bëni këtë.

Çfarë është Vlerësimi i Nevojave për Rimëkëmbjen?

A RN identifikon nëse keni nevojë të vazhdueshme për mbështetje. Nëse e bëni këtë, mund të rekomandojë mbështetje të vazhdueshme nga MSVCC për një periudhë kohore të caktuar. Ai gjithashtu identifikon shërbime të tjera që mund t’ju ndihmojnë me nevojat tuaja për rimëkëmbjen dhe si t’i përdorni ato.

Këto rekomandime janë pjesë e Planit të Tranzicionit, i cili ju ndihmon të kaloni në një jetë të pavarur jashtë MSVCC.

Si përdoret Vlerësimi i Nevojave për Rimëkëmbjen?

Zyra e Brendshme e përdor atë për të vendosur nëse keni nevojë për më shumë se 45 ditë mbështetje nga MSVCC për tranzicion .

Në rast se nuk keni nevojë për kohë shtesë për mbështetje nga MSVCC, ju do të dilni pas 45 ditësh.

Në rast se keni nevojë për kohë shtesë për mbështetje nga MSVCC, kjo zakonisht do të vazhdojë derisa të keni akses në shërbime të tjera të

përshtatshme me ndihmën e punonjësit që ju mbështet. Ju do të dilni nga ky shërbim kur të përfundojë koha shtesë për të cilën është rënë dakord. Në rast se pas këtij afati keni ende nevojë për më shumë mbështetje, punonjësi që ju mbështet mund të bëjë një aplikim tjetër për RNA dhe ju do të vazhdoni të merrni mbështetje derisa të merret një vendim.

Si do të vendosë Zyra e Brendshme se kur duhet të dilni nga marrja e mbështetjes?

Zyra e Brendshme do të vendosë se ju duhet të dilni nga marrja e mbështetjes kur RNA të tregojë se:

• Nuk keni më nevoja për rimëkëmbje për shkak të skllavërisë moderne; ose

• Nevojat tuaja për rimëkëmbje janë duke u plotësuar nga shërbimet jashtë MSVCC; ose

• Ju mund të merrni mbështetjen e duhur jashtë MSVCC, por nuk po ndërmerrni hapat e nevojshëm për të marrë atë mbështetje pa një arsye të vlefshme.

Cili është roli juaj në Vlerësimin e Nevojave për Rimëkëmbjen?

RNA kërkon që ju të jepni informacion në mënyrë që të merrni mbështetjen që ju nevojitet. Mund t’ju kërkohet të paraqisni deklarata bankare ose dokumente të tjera për të treguar hapat që po ndërmerrni për të marrë mbështetje tjetër.

Në rast se klasifikoheni për të marrë mbështetje tjetër për plotësimin e nevojave tuaja, duhet të ndiqni veprimet e shpjeguara në Planin e Tranzicionit nga punonjësi juaj mbështetës për të marrë këtë mbështetje. Nëse nuk i kryeni këto veprime, një pjesë e mbështetjes suaj mund të tërhiqet, ose mbështetja që merrni nga MSVCC mund të ndërpritet.

Në rast se ekziston një arsye e vlefshme pse nuk mund t’i kryeni hapat e përfshirë në Planin tuaj të Tranzicionit për të marrë mbështetje tjetër, duhet të informoni punonjësin që ju mbështet në mënyrë që kjo të regjistrohet në RNA-në tuaj dhe të vlerësohet nga Zyra e Brendshme.

Çfarë ndodh nëse nuk jeni dakord me vendimin e Zyrës së Brendshme?

Punonjësi që ju mbështet mund t’ju ndihmojë të paraqisni një kërkesë për rivlerësim. Kërkesa për rivlerësim duhet të merret nga Zyra e Brendshme brenda 28 ditëve kalendarike nga data në të cilën vendimi fillestar i është njoftuar Salvation Army.

A keni të drejtë të merrni mbështetje në bazë të MSVCC pasi të dilni prej saj?

Pasi të dilni nga MSVCC e gjithë mbështetja që merrni në bazë të MSVCC përfundon. Këtu përfshihet strehimi, mbështetja financiare dhe kontakti me punonjësin që ju mbështet.

Megjithatë, mund të merrni ndihmë në vazhdim nëpërmjet shërbimit Reach-in duke telefonuar Salvation Army në numrin 0800 808 3733 ose duke dërguar me email formularin e plotësuar të referimit nga faqja e internetit e Salvation Army në adresën mstsupport@salvationarmy.org.uk

(www.salvationarmy.org.uk/modern-slavery/new-victim-care-contract).

Dalja nga mbështetja e MSVCC pas një vendimi pozitiv mbi Baza Përfundimtare nuk ndikon në të drejtën tuaj për marrjen e shërbimeve të tjera në Mbretërinë e Bashkuar për të cilat keni të drejtë.

Në rast se nevojat tuaja ndryshojnë, mund të kërkoni të përfshiheni sërish në programin e mbështetjes në bazë të MSVCC.

Flisni me punonjësin që ju mbështet për të mësuar më shumë rreth shërbimeve të Reach-in dhe Re-entry.