ਅੱਖਾਂ, ਦਿਲ, ਕੂਲ੍ਹੇ ਅਤੇ ਟੈਸਟੀਜ਼ (ਸਰੀਰਕ ਜਾਂਚ) (Punjabi)
ਅੱਪਡੇਟ ਕੀਤਾ 3 ਜੂਨ 2026
Applies to England
©ਕ੍ਰਾਊਨ ਕਾਪੀਰਾਈਟ 2026
ਇਹ ਪ੍ਰਕਾਸ਼ਨ ਓਪਨ ਗਵਰਨਮੈਂਟ ਲਾਇਸੈਂਸ v3.0 ਦੀਆਂ ਸ਼ਰਤਾਂ ਦੇ ਅਧੀਨ ਲਾਇਸੈਂਸਸ਼ੁਦਾ ਹੈ, ਸਿਵਾਏ ਜਿੱਥੇ ਹੋਰ ਨਹੀਂ ਕਿਹਾ ਗਿਆ ਹੈ। ਇਸ ਲਾਇਸੈਂਸ ਨੂੰ ਦੇਖਣ ਲਈ, nationalarchives.gov.uk/doc/open-government-licence/version/3 ਜਾਂ ਸੂਚਨਾ ਨੀਤੀ ਟੀਮ, ਦਿ ਨੈਸ਼ਨਲ ਆਰਕਾਈਵਜ਼, ਕੇਵ, ਲੰਡਨ TW9 4DU, ਜਾਂ ਈਮੇਲ ਨੂੰ ਲਿਖੋ: psi@nationalarchives.gov.uk।
ਜਿੱਥੇ ਅਸੀਂ ਕਿਸੇ ਤੀਜੀ ਧਿਰ ਦੀ ਕਾਪੀਰਾਈਟ ਜਾਣਕਾਰੀ ਦੀ ਪਛਾਣ ਕੀਤੀ ਹੈ ਤੁਹਾਨੂੰ ਸਬੰਧਤ ਕਾਪੀਰਾਈਟ ਧਾਰਕਾਂ ਤੋਂ ਇਜਾਜ਼ਤ ਲੈਣ ਦੀ ਜ਼ਰੂਰਤ ਹੋਏਗੀ।
ਇਹ ਪ੍ਰਕਾਸ਼ਨ https://www.gov.uk/government/publications/screening-tests-for-you-and-your-baby-stfyayb/62b41ec2-18fd-4f33-bca2-4cc6ea4b6341 ਤੇ ਉਪਲਬਧ ਹੈ
ਇਹ ਛੋਟੀ ਵੀਡੀਓ ਨਵਜੰਮੇ ਬੱਚਿਆਂ ਵਿੱਚ ਅੱਖਾਂ, ਦਿਲ, ਕੁੱਲ੍ਹਿਆਂ ਅਤੇ ਅੰਡਕੋਸ਼ਾਂ ਦੀ ਸਕ੍ਰੀਨਿੰਗ ਬਾਰੇ ਦੱਸਦੀ ਹੈ।
ਅੱਖਾਂ, ਦਿਲ, ਕੂਲ੍ਹੇ ਅਤੇ ਟੈਸਟੀਜ਼ (ਸਰੀਰਕ ਜਾਂਚ)
ਸਕ੍ਰੀਨਿੰਗ ਦਾ ਉਦੇਸ਼
ਜਨਮ ਦੇਣ ਦੇ 72 ਘੰਟਿਆਂ ਦੇ ਅੰਦਰ, ਤੁਹਾਨੂੰ ਆਪਣੇ ਬੱਚੇ ਲਈ ਇੱਕ ਟਾਪ-ਟੂ-ਟੋਅ ਸਰੀਰਕ ਜਾਂਚ ਦੀ ਪੇਸ਼ ਕੀਤੀ ਜਾਵੇਗੀ। ਇਸ ਵਿੱਚ ਇਹ ਪਤਾ ਕਰਨ ਲਈ 4 ਵਿਸ਼ੇਸ਼ ਸਕ੍ਰੀਨਿੰਗ ਟੈਸਟ ਸ਼ਾਮਲ ਹੋਣਗੇ ਕਿ ਕੀ ਤੁਹਾਡੇ ਬੱਚੇ ਨੂੰ ਆਪਣੀਆਂ ਅੱਖਾਂ, ਦਿਲ, ਕਮਰ ਜਾਂ ਲੜਕਿਆਂ ਵਿੱਚ, ਉਨ੍ਹਾਂ ਦੇ ਟੈਸਟੀਜ਼ ਵਿੱਚ ਸ਼ੱਕੀ ਸਮੱਸਿਆ ਹੈ, ਜੋ ਸ਼ੁਰੂਆਤੀ ਜਾਂਚ ਅਤੇ ਸੰਭਾਵਤ ਇਲਾਜ ਨਾਲ ਲਾਭਵੰਦ ਹੋਣਗੇ। ਜੇਕਰ ਕਿਸੇ ਸਮੱਸਿਆ ਦਾ ਸ਼ੱਕ ਹੁੰਦਾ ਹੈ, ਤਾਂ ਬੱਚਿਆਂ ਨੂੰ ਛੇਤੀ ਜਾਂਚ ਅਤੇ ਸੰਭਾਵੀ ਇਲਾਜ ਤੋਂ ਲਾਭ ਹੁੰਦਾ ਹੈ।
ਇਹ ਸਕ੍ਰੀਨਿੰਗ ਟੈਸਟ ਦੁਬਾਰਾ ਉਦੋਂ ਕੀਤੇ ਜਾਂਦੇ ਹਨ ਜਦੋਂ ਤੁਹਾਡਾ ਬੱਚਾ 6 ਤੋਂ 8 ਹਫ਼ਤਿਆਂ ਦੀ ਉਮਰ ਦਾ ਹੁੰਦਾ ਹੈ, ਆਮ ਤੌਰ ‘ਤੇ ਤੁਹਾਡੀ GP ਪ੍ਰੈਕਟਿਸ ਵਿੱਚ। ਇਹ ਇਸ ਲਈ ਹੈ ਕਿਉਂਕਿ ਕੁਝ ਸਮੱਸਿਆਵਾਂ ਉਦੋਂ ਤੱਕ ਵਿਕਸਿਤ ਨਹੀਂ ਹੁੰਦੀਆਂ ਜਾਂ ਉਹਨਾਂ ਦੀ ਪਛਾਣ ਨਹੀਂ ਕੀਤੀ ਜਾ ਸਕਦੀ।
ਇਨ੍ਹਾਂ ਹਾਲਤਾਂ ਬਾਰੇ
ਸਰੀਰਕ ਪਰੀਖਿਆ ਦਾ ਹਰ ਭਾਗ ਵੱਖ-ਵੱਖ ਅਵਸਥਾਵਾਂ ਲਈ ਵੇਖਦਾ ਹੈ।
ਅੱਖਾਂ
ਇੰਗਲੈਂਡ ਵਿੱਚ, ਹਰ 10,000 ਵਿੱਚੋਂ ਲਗਭਗ 2 ਤੋਂ 3 ਬੱਚੇ ਮੋਤੀਆਬਿੰਦ ਨਾਲ ਪੈਦਾ ਹੁੰਦੇ ਹਨ। ਇਹ ਉਦੋਂ ਹੁੰਦਾ ਹੈ ਜਦੋਂ ਅੱਖ ਦੇ ਅੰਦਰਲਾ ਪਾਰਦਰਸ਼ੀ ਲੈਂਜ਼ ਧੁੰਦਲਾ ਹੋ ਜਾਂਦਾ ਹੈ। 50% ਤੋਂ ਵੱਧ ਮਾਮਲਿਆਂ ਵਿੱਚ, ਦੋਵੇਂ ਅੱਖਾਂ ਪ੍ਰਭਾਵਿਤ ਹੁੰਦੀਆਂ ਹਨ।
ਸਕ੍ਰੀਨਿੰਗ ਦਾ ਮੁੱਖ ਕਾਰਨ ਇਸ ਸਮੱਸਿਆ ਦੀ ਪਛਾਣ ਕਰਨਾ ਹੈ। ਇਹ ਜਾਂਚ ਤੁਹਾਡੇ ਬੱਚੇ ਦੀਆਂ ਅੱਖਾਂ ਦੀ ਦਿੱਖ ਦੀ ਜਾਂਚ ਕਰਦੀ ਹੈ, ਪਰ ਇਹ ਨਹੀਂ ਦੱਸ ਸਕਦੀ ਕਿ ਤੁਹਾਡਾ ਬੱਚਾ ਕਿੰਨੀ ਚੰਗੀ ਤਰ੍ਹਾਂ ਦੇਖ ਸਕਦਾ ਹੈ।
ਦਿਲ
ਜਮਾਂਦਰੂ ਦਿਲ ਦਾ ਰੋਗ (ਕੰਜੈਨੀਟਲ ਹਾਰਟ ਡਿਜ਼ੀਜ਼) (CHD) ਉਹਨਾਂ ਦਿਲ ਦੀਆਂ ਸਮੱਸਿਆਵਾਂ ਲਈ ਇੱਕ ਸ਼ਬਦ ਹੈ ਜੋ ਜਨਮ ਵੇਲੇ ਮੌਜੂਦ ਹੁੰਦੀਆਂ ਹਨ। ਇਹ ਸਮੱਸਿਆਵਾਂ ਦਿਲ ਦੀ ਬਣਤਰ, ਕੰਮਕਾਜ ਅਤੇ ਧੜਕਣ ਨੂੰ ਪ੍ਰਭਾਵਿਤ ਕਰਦੀਆਂ ਹਨ।
CHD UK ਵਿੱਚ ਸਭ ਤੋਂ ਆਮ ਸਮੱਸਿਆਵਾਂ ਵਿੱਚੋਂ ਇੱਕ ਹੈ ਜਿਸ ਨਾਲ ਬੱਚੇ ਪੈਦਾ ਹੁੰਦੇ ਹਨ। ਲਗਭਗ 1,000 ਵਿੱਚੋਂ 8 ਬੱਚਿਆਂ ਨੂੰ ਦਿਲ ਜਾਂ ਖੂਨ ਦੇ ਦੌਰੇ ਨਾਲ ਸਬੰਧਤ ਸਮੱਸਿਆ ਹੋਵੇਗੀ।
ਸਕ੍ਰੀਨਿੰਗ ਦਾ ਮੁੱਖ ਕਾਰਨ CHD ਦੇ ਸ਼ੁਰੂਆਤੀ ਸੰਕੇਤਾਂ ਅਤੇ ਲੱਛਣਾਂ ਦੀ ਪਛਾਣ ਕਰਨਾ ਹੈ। ਇਹ ਸਕ੍ਰੀਨਿੰਗ ਦਿਲ ਦੀ ਧੜਕਣ ਦੇ ਨਾਲ ਸੁਣਾਈ ਦੇਣ ਵਾਲੀ ਇੱਕ ਅਸਧਾਰਣ ਆਵਾਜ਼ ਤੋਂ ਲੈ ਕੇ ਮਾਹਰ ਦੇਖਭਾਲ ਜਾਂ ਇਲਾਜ ਦੀ ਲੋੜ ਵਾਲੀ ਸਮੱਸਿਆ ਤੱਕ ਹੋ ਸਕਦੀ ਹੈ। ਮਰਮਰ ਇੱਕ ਅਜਿਹੀ ਅਵਾਜ਼ ਹੈ ਜਿਹੜੀ ਲਹੂ ਦਿਲ ਵਿੱਚੋਂ ਨਿੱਕਦੇ ਹੋਏ ਬਣਾਉਂਦਾ ਹੈ। ਤਕਰੀਬਨ ਸਾਰੇ ਕੇਸਾਂ ਵਿੱਚ ਜੱਦ ਵੀ ਮਰਮਰ ਦੀ ਅਵਾਜ਼ ਸੁਣਦੀ ਹੈ, ਦਿਲ ਠੀਕ ਹੀ ਹੁੰਦਾ ਹੈ। ਬੱਚਿਆਂ ਵਿੱਚ ਮਰਮਰ (ਦਿਲ ਦੀ ਅਸਾਧਾਰਨ ਆਵਾਜ਼) ਆਮ ਹਨ, ਪਰ ਇਸਦਾ ਹਮੇਸ਼ਾ ਇਹ ਮਤਲਬ ਨਹੀਂ ਹੁੰਦਾ ਕਿ ਕੋਈ ਸਮੱਸਿਆ ਹੈ।
ਕੂਲ੍ਹੇ
ਬੱਚੇ ਅਜਿਹੇ ਕੂਲ੍ਹਿਆਂ ਦੇ ਜੋੜਾਂ ਸਮੇਤ ਪੈਦਾ ਹੋ ਸਕਦੇ ਹਨ, ਜਿੰਨ੍ਹਾਂ ਦੀ ਬਣਤਰ ਸਹੀ ਨਹੀਂ ਹੁੰਦੀ ਅਤੇ ਜੇ ਇਨ੍ਹਾਂ ਦਾ ਇਲਾਜ ਨਹੀਂ ਕੀਤਾ ਜਾਂਦਾ, ਤਾਂ ਇਹ ਲੰਗੜੇਪਨ ਅਤੇ ਜੋੜਾਂ ਦੀਆਂ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦਾ ਹੈ।
ਹਰ 1,000 ਵਿੱਚੋਂ ਲਗਭਗ 3 ਤੋਂ 5 ਨਵਜੰਮੇ ਬੱਚਿਆਂ ਨੂੰ ਇੱਕ ਹਾਰਨੈੱਸ ਨਾਲ ਇਲਾਜ ਦੀ ਲੋੜ ਪੈ ਸਕਦੀ ਹੈ।
ਹਰ 1,000 ਵਿੱਚੋਂ ਲਗਭਗ 1 ਤੋਂ 2 ਨਵਜੰਮੇ ਬੱਚਿਆਂ ਨੂੰ ਸਰਜਰੀ ਦੀ ਲੋੜ ਪੈ ਸਕਦੀ ਹੈ।
ਟੈਸਟੀਜ਼
ਛੋਟੇ ਲੜਕਿਆਂ ਦੀ ਇਹ ਯਕੀਨੀ ਬਣਾਉਣ ਲਈ ਜਾਂਚ ਕੀਤੀ ਜਾਂਦੀ ਹੈ ਕਿ ਉਹਨਾਂ ਦੇ ਅੰਡਕੋਸ਼ ਸਹੀ ਥਾਂ ‘ਤੇ ਹਨ। ਇਹ ਇਸ ਲਈ ਹੈ ਕਿਉਂਕਿ ਕਈ ਵਾਰ ਇੱਕ ਜਾਂ ਦੋਵੇਂ ਅੰਡਕੋਸ਼ ਹੇਠਾਂ ਅੰਡਕੋਸ਼ ਦੀ ਥੈਲੀ (ਸਕ੍ਰੋਟਮ) (ਉਹ ਥੈਲੀ ਜਿਸ ਵਿੱਚ ਅੰਡਕੋਸ਼ ਹੁੰਦੇ ਹਨ) ਵਿੱਚ ਨਹੀਂ ਉੱਤਰਦੇ।
ਹੇਠਾਂ ਨਾ ਉੱਤਰੇ ਹੋਏ ਅੰਡਕੋਸ਼ ਦੋ ਤਰ੍ਹਾਂ ਦੇ ਹੁੰਦੇ ਹਨ:
-
ਜਿੱਥੇ ਇੱਕ ਜਾਂ ਦੋਵੇਂ ਅੰਡਕੋਸ਼ਾਂ ਨੂੰ ਮਹਿਸੂਸ ਕੀਤਾ ਜਾ ਸਕਦਾ ਹੈ ਪਰ ਉਹ ਗਲਤ ਥਾਂ ‘ਤੇ ਹੁੰਦੇ ਹਨ (ਪੈਲਪੇਬਲ)
-
ਜਿੱਥੇ ਇੱਕ ਜਾਂ ਦੋਵੇਂ ਅੰਡਕੋਸ਼ਾਂ ਨੂੰ ਬਿਲਕੁਲ ਵੀ ਮਹਿਸੂਸ ਨਹੀਂ ਕੀਤਾ ਜਾ ਸਕਦਾ (ਇਮਪੈਲਪੇਬਲ)
ਅੰਡਕੋਸ਼ਾਂ ਨੂੰ ਹੇਠਾਂ ਉੱਤਰਨ ਵਿੱਚ ਕਈ ਮਹੀਨੇ ਲੱਗ ਸਕਦੇ ਹਨ।
ਲਗਭਗ 100 ਵਿੱਚੋਂ 4 ਛੋਟੇ ਲੜਕੇ (4%) ਇਸ ਸਮੱਸਿਆ ਨਾਲ ਪੈਦਾ ਹੁੰਦੇ ਹਨ। ਸਮੇਂ ਤੋਂ ਪਹਿਲਾਂ ਪੈਦਾ ਹੋਣਾ (ਗਰਭ-ਅਵਸਥਾ ਦੇ 37ਵੇਂ ਹਫ਼ਤੇ ਤੋਂ ਪਹਿਲਾਂ), ਜਨਮ ਵੇਲੇ ਘੱਟ ਵਜ਼ਨ ਹੋਣਾ ਅਤੇ ਪਰਿਵਾਰ ਵਿੱਚ ਹੇਠਾਂ ਨਾ ਉੱਤਰੇ ਹੋਏ ਅੰਡਕੋਸ਼ਾਂ ਦਾ ਇਤਿਹਾਸ ਹੋਣ ਨਾਲ ਕਿਸੇ ਲੜਕੇ ਦੇ ਇਸ ਸਮੱਸਿਆ ਨਾਲ ਪੈਦਾ ਹੋਣ ਦੀ ਸੰਭਾਵਨਾ ਵੱਧ ਸਕਦੀ ਹੈ।
ਸਕ੍ਰੀਨਿੰਗ ਟੈਸਟ
ਇੱਕ ਸਿੱਖਿਅਤ ਸਿਹਤ ਪੇਸ਼ੇਵਰ ਤੁਹਾਡੇ ਬੱਚੇ ਦੀ ਸਰੀਰਕ ਜਾਂਚ ਕਰੇਗਾ ਅਤੇ ਤੁਹਾਡੇ ਬੱਚੇ ਦੇ ਆਮ ਤੰਦਰੁਸਤੀ ਬਾਰੇ ਤੁਹਾਡੇ ਤੋਂ ਸਵਾਲ ਪੁੱਛੇਗਾ।
ਬੱਚੇ ਦੇ ਕੱਪੜੇ ਉਤਾਰਨੇ ਪੈਣਗੇ। ਪਰੀਖਿਆ ਦਰਮਿਆਨ, ਸਿਹਤ ਸੰਬੰਧੀ ਪੇਸ਼ਾਵਰ: ਇਸ ਪਰੀਖਿਆ ਦੇ ਭਾਗ ਵੱਜੋ ਤੁਹਾਡੇ
- ਤੁਹਾਡੇ ਬੱਚੇ ਦੀਆਂ ਅੱਖਾਂ ਦੀ ਦਿੱਖ ਦੀ ਜਾਂਚ ਕਰਨ ਲਈ ਉਹਨਾਂ ਵਿੱਚ ਦੇਖੇਗਾ
- ਦਿਲ ਦੀਆਂ ਆਵਾਜ਼ਾਂ ਦਾ ਪਤਾ ਲਗਾਉਣ ਲਈ ਤੁਹਾਡੇ ਬੱਚੇ ਦੇ ਦਿਲ ਦੀ ਧੜਕਣ ਸੁਣੇਗਾ
- ਤੁਹਾਡੇ ਬੱਚੇ ਦੇ ਕੁੱਲ੍ਹਿਆਂ ਦੀ ਜਾਂਚ ਕਰੇਗਾ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਜੋੜ ਸਹੀ ਢੰਗ ਨਾਲ ਵਿਕਸਿਤ ਹੋਏ ਹਨ ਅਤੇ ਸਹੀ ਢੰਗ ਨਾਲ ਕੰਮ ਕਰ ਰਹੇ ਹਨ
- ਛੋਟੇ ਲੜਕਿਆਂ ਦੀ ਇਹ ਜਾਂਚ ਕਰੇਗਾ ਕਿ ਕੀ ਉਹਨਾਂ ਦੇ ਅੰਡਕੋਸ਼ ਸਹੀ ਥਾਂ ‘ਤੇ ਹਨ
ਟੈਸਟ ਦੀ ਸੁਰੱਖਿਆ
ਇਸ ਟੈਸਟ ਨਾਲ ਕੋਈ ਵੀ ਖ਼ਤਰੇ ਸੰਯੁਕਤ ਨਹੀਂ ਹਨ।
ਸਕ੍ਰੀਨਿੰਗ ਕਰਵਾਉਣਾ ਤੁਹਾਡੀ ਚੋਣ ਹੈ
ਤੁਸੀਂ ਆਪਣੇ ਬੱਚੇ ਦੀ ਕਿਸੇ ਵੀ ਜਾਂ ਸਾਰੀਆਂ ਸਮੱਸਿਆਵਾਂ ਲਈ ਜਾਂਚ ਅਤੇ ਸਕ੍ਰੀਨਿੰਗ ਕਰਵਾਉਣ ਦਾ ਫੈਸਲਾ ਕਰ ਸਕਦੇ ਹੋ। ਜਾਂਚ ਦਾ ਉਦੇਸ਼ ਕਿਸੇ ਵੀ ਸਮੱਸਿਆ ਦੀ ਛੇਤੀ ਪਛਾਣ ਕਰਨਾ ਹੈ, ਤਾਂ ਜੋ ਜਲਦੀ ਤੋਂ ਜਲਦੀ ਇਲਾਜ ਸ਼ੁਰੂ ਕੀਤਾ ਜਾ ਸਕੇ। ਤੁਹਾਡੇ ਬੱਚੇ ਲਈ ਸਕ੍ਰੀਨਿੰਗ ਦੀ ਸਿਫਾਰਸ਼ ਕੀਤੀ ਜਾਂਦੀ ਹੈ।
ਟੈਸਟ ਨਾ ਕਰਵਾਉਣਾ
ਜੇਕਰ ਤੁਸੀਂ ਸਕ੍ਰੀਨਿੰਗ ਟੈਸਟ ਨਾ ਕਰਵਾਉਣ ਦੀ ਚੋਣ ਕਰਦੇ ਹੋ, ਜਾਂ ਤੁਹਾਨੂੰ ਕੋਈ ਚਿੰਤਾ ਹੈ, ਤਾਂ ਤੁਹਾਨੂੰ ਆਪਣੀ ਦਾਈ (ਮਿਡਵਾਈਫ) ਅਤੇ ਜਾਂਚ ਦੀ ਪੇਸ਼ਕਸ਼ ਕਰਨ ਵਾਲੇ ਸਿਹਤ ਸੰਭਾਲ ਪੇਸ਼ੇਵਰ (ਹੈਲਥਕੇਅਰ ਪ੍ਰੋਫੈਸ਼ਨਲ) ਨਾਲ ਗੱਲ ਕਰਨੀ ਚਾਹੀਦੀ ਹੈ।
ਸੰਭਵ ਨਤੀਜੇ
ਜੇਕਰ ਕਿਸੇ ਸਮੱਸਿਆ ਦਾ ਸ਼ੱਕ ਹੁੰਦਾ ਹੈ, ਤਾਂ ਜੇਕਰ ਉਚਿਤ ਹੋਵੇ, ਤੁਹਾਡੇ ਬੱਚੇ ਨੂੰ ਹੋਰ ਮੁਲਾਂਕਣ ਅਤੇ ਟੈਸਟਾਂ ਲਈ ਰੈਫਰ ਕੀਤਾ ਜਾਵੇਗਾ। ਇਸ ਵਿੱਚ ਕੁੱਲ੍ਹੇ ਦੇ ਅਲਟਰਾਸਾਊਂਡ ਸਕੈਨ ਲਈ ਰੈਫਰਲ, ਜਾਂ ਬੱਚੇ ਦੇ ਦਿਲ, ਅੱਖਾਂ ਜਾਂ ਅੰਡਕੋਸ਼ਾਂ ਦੀ ਜਾਂਚ ਕਰਨ ਵਾਲੀਆਂ ਮਾਹਿਰ ਟੀਮਾਂ ਨੂੰ ਰੈਫਰਲ ਸ਼ਾਮਲ ਹੋ ਸਕਦਾ ਹੈ।
ਮੇਰੇ ਨਤੀਜੇ ਪ੍ਰਾਪਤ ਕਰਨਾ
ਸਿਹਤ ਸੰਬੰਧੀ ਪੇਸ਼ਾਵਰ ਜਿਹੜਾ ਪਰੀਖਿਆ ਕਰਦਾ ਹੈ ਉਹ ਤੁਹਾਨੂੰ ਨਤੀਜੇ ਉਸੇ ਸਮੇਂ ਦੇ ਦਵੇਗਾ। ਜੇਕਰ ਵਧੇਰੇ ਮੁਲਾਂਕਣ ਦੀ ਲੋੜ ਹੋਵੇ, ਇਸ ਬਾਰੇ ਪਰੀਖਿਆ ਦੇ ਸਮੇਂ ਤੁਹਾਡੇ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ।
ਨਤੀਜੇ ਤੁਹਾਡੇ ਬੱਚੇ ਦੇ ਮੈਡੀਕਲ ਰਿਕਾਰਡ ਅਤੇ ਨਿੱਜੀ ਬਾਲ ਸਿਹਤ ਰਿਕਾਰਡ (‘ਰੈੱਡ ਬੁੱਕ’) ਵਿੱਚ ਦਰਜ ਕੀਤੇ ਜਾਣਗੇ। ਤੁਹਾਨੂੰ ਰੈੱਡ ਬੁੱਕ ਨੂੰ ਸੁਰੱਖਿਅਤ ਰੱਖਣ ਦੀ ਲੋੜ ਹੋਵੇਗੀ। ਇਹ ਯਕੀਨੀ ਬਣਾਓ ਕਿ ਜਦੋਂ ਵੀ ਤੁਹਾਡਾ ਬੱਚਾ ਕਿਸੇ ਸਿਹਤ ਸੰਭਾਲ ਪੇਸ਼ੇਵਰ (ਹੈਲਥਕੇਅਰ ਪ੍ਰੋਫੈਸ਼ਨਲ) ਨੂੰ ਮਿਲਦਾ ਹੈ ਤਾਂ ਇਹ ਉਪਲਬਧ ਹੋਵੇ।
NHS.UK ’ਤੇ ਸਹਾਇਤਾ ਸਮੂਹਾਂ ਬਾਰੇ ਵਧੇਰੇ ਜਾਣਕਾਰੀ ਅਤੇ ਵੇਰਵੇ ਦੇਖੋ।