Guidance

Hysbysiad Preifatrwydd Cwsmer yn Gymraeg

Updated 11 November 2025

Applies to England and Wales

Pwy ydym ni a beth rydym yn ei wneud

Mae’r Arolygiaeth Gynllunio yn un o Asiantaethau Gweithredol y Weinyddiaeth Tai, Cymunedau a Llywodraeth Leol (MHCLG). Mae’r hysbysiad preifatrwydd hwn yn rhoi gwybod i chi ba ddata personol rydym yn ei gasglu, a sut rydym yn ei ddefnyddio, ei storio, ei rannu a’i waredu.

Mae’r Arolygiaeth wedi ymrwymo i warchod preifatrwydd a diogelwch gwybodaeth bersonol ein cwsmeriaid. 

Un o werthoedd sylfaenol yr Arolygiaeth yw ein hymrwymiad i fod yn agored ac yn dryloyw o ran ein rôl statudol i brosesu a phenderfynu ar waith achos cynllunio a chysylltiedig. 

Fe allai’r Hysbysiad Preifatrwydd hwn gael ei ddiweddaru a/neu ei ailgyhoeddi unrhyw bryd, a byddwn yn rhoi gwybod i chi am unrhyw ddiweddariadau o’r fath trwy wefannau GOV.UK a’r Arolygiaeth Gynllunio. 

Y Rheolydd Data

Yn ôl cyfraith Diogelu Data’r Deyrnas Unedig, mae’n ofynnol i “reolydd data” berchen ar eich data a’i reoli. Pan fydd yr Arolygiaeth yn defnyddio’ch data personol, y rheolydd at ddibenion diogelu data yw’r Weinyddiaeth Tai, Cymunedau a Llywodraeth Leol (MHCLG). Mae’r Arolygiaeth, sy’n un o asiantaethau’r MHCLG, yn gyfrifol am sicrhau bod y data personol a broseswn yn cydymffurfio â chyfraith Diogelu Data’r Deyrnas Unedig.

Rydym wedi’n cofrestru fel rheolydd data gyda Swyddfa’r Comisiynydd Gwybodaeth (ICO) a’n manylion cofrestru yw: 

Fry Building, 
2 Marsham Street, 
Llundain 
SW1P 4DF  

Rhif cofrestru â’r ICO: Z7123035

Swyddog Diogelu Data (DPO) yr MHCLG yw’r DPO ar gyfer yr Arolygiaeth Gynllunio, hefyd. Cewch gysylltu â’r DPO: 

Drwy anfon neges e-bost at dataprotection@communities.gov.uk

Drwy ysgrifennu at Swyddog Diogelu Data’r MHCLG yn y cyfeiriad uchod

Mae’r Arolygiaeth Gynllunio wedi penodi Uwch Reolwr Diogelu Data i gefnogi’r Swyddog Diogelu Data, y gellir cysylltu ag ef fel a ganlyn: 

Drwy anfon neges e-bost at dataprotection@planninginspectorate.gov.uk 

Drwy ysgrifennu at 

Yr Uwch Reolwr Diogelu Data (SDPM) yn: 
Temple Quay House, 
2 The Square, 
Temple Quay, 
Bryste, 
BS1 6PN 

Esboniwn yma pam rydym yn prosesu’ch data personol; pa ddata rydym yn ei brosesu; a sut rydym yn gwneud hynny.

Pam rydym yn prosesu’ch gwybodaeth bersonol?

Mae angen i ni brosesu’ch gwybodaeth bersonol i hwyluso’r broses gynllunio o dan Ddeddf Cynllunio Gwlad a Thref 1990, Deddf Cynllunio a Phrynu Gorfodol 2004, Deddf Cynllunio 2008 a deddfwriaeth arall berthnasol ar gyfer holl waith achos yr Arolygiaeth Gynllunio. 

Mae’r Arolygiaeth Gynllunio’n ymdrin â phob agwedd ar apeliadau cynllunio; ceisiadau cynllunio seilwaith cenedlaethol; archwiliadau o gynlluniau lleol; a gwaith achos arall sy’n gysylltiedig â chynllunio a gwaith achos arbenigol. Mae’r Arolygiaeth Gynllunio’n gwneud hyn ar ran Ysgrifenyddion Gwladol perthnasol yn Lloegr.

Efallai byddwn yn prosesu’ch data personol at ddibenion amrywiol a restrir yn y tabl isod.

Pa wybodaeth bersonol rydym yn ei phrosesu? 

Fe allai’r wybodaeth bersonol a broseswn gynnwys: 

• Eich enw 

• Eich cyfeiriad 

• Eich rhif ffôn

• cyfeiriadau e-bost a Phrotocol Rhyngrwyd

• Eich enw arddangos a delwedd ohonoch – os rhennir fideo

• gohebiaeth electronig a chopi caled 

• dogfennau cais 

Data Categori Arbennig 

Mae Rheoliad Cyffredinol ar Ddiogelu Data y Deyrnas Unedig (GDPR y DU) yn diffinio data personol mwy sensitif amdanoch fel data categori arbennig. Mae GDPR y DU yn diffinio’r data hwn fel data sy’n datgelu:

• Tarddiad hiliol neu ethnig
• Safbwyntiau gwleidyddol
• Credoau crefyddol neu athronyddol
• Aelodaeth ag undeb llafur
• Data genetig a biometrig
• Data yn ymwneud ag iechyd
• Data yn ymwneud â bywyd rhywiol neu gyfeiriadedd rhywiol

Ni fydd yr Arolygiaeth Gynllunio yn gofyn am ddata categori arbennig fel mater o drefn yn rhan o’n gweithgareddau prosesu.

Mewn rhai achosion, efallai y bydd angen i ni gasglu rhywfaint o ddata categori arbennig i’r graddau bod hyn yn berthnasol i’r achos. Fe allai hyn gynnwys neu ymwneud â gwybodaeth am y canlynol, er enghraifft:

• Statws (cefndir teuluol, perthnasoedd, a dibynyddion) sy’n datgelu, er enghraifft, tarddiad ethnig
• Trefniadau byw a allai ddatgelu anghenion iechyd neu gymorth penodol
• Anghenion iechyd a/neu addysgol

Pan fyddwch yn darparu data personol, fe allai hyn gynnwys gwybodaeth bersonol am unigolion eraill, fel cymydog, yn uniongyrchol neu’n anuniongyrchol ac fe all gynnwys data categori arbennig, fel gwybodaeth feddygol yn ymwneud â phartïon eraill. Bydd yr Arolygiaeth Gynllunio yn prosesu data o’r fath pan fydd angen a phan fydd ganddi’r sail gyfreithiol briodol i wneud hynny yn unig.  

Gwybodaeth am Blant 

Nid yw’r Arolygiaeth Gynllunio yn darparu gwasanaethau yn uniongyrchol i blant nac yn casglu eu gwybodaeth bersonol yn rhagweithiol. Fodd bynnag, rhoddir gwybodaeth i ni am blant weithiau yn rhan o’r prosesau apeliadau, ceisiadau, gorchmynion ac archwiliadau. Fe all hyn gynnwys data categori arbennig a ddarperir mewn sylwadau o bob agwedd ar waith achos. 

Bydd data plant a dderbynnir yn rhan o’r prosesau hyn yn cael ei wneud yn ddienw, lle  bo’n bosibl, ac ni fydd yn cael ei gyhoeddi na’i rannu’n fwriadol heb ganiatâd y rhiant neu’r gwarcheidwad.

Sut rydym yn casglu gwybodaeth bersonol? 

Fe allem dderbyn eich gwybodaeth bersonol yn uniongyrchol neu’n anuniongyrchol:

Uniongyrchol

Anuniongyrchol

- byddwch wedi rhoi gwybodaeth i ni’n uniongyrchol os byddwch yn gwneud neu’n cymryd rhan mewn apêl gynllunio, cais cynllunio neu archwiliad yn rhan o’n prosesau cynllunio  - fe allech hefyd roi data categori arbennig i ni os ydych yn darparu gwybodaeth yn ymwneud â’ch amgylchiadau personol (a allai hefyd gynnwys data categori personol ac arbennig testunau data eraill) yr ydych eisiau iddi gael ei hystyried o fewn y prosesau cynllunio - trwy ffurflen gyswllt - rydych yn dymuno mynychu un o Weminarau’r Arolygiaeth Gynllunio - rydych wedi gwneud cwyn neu ymholiad i’r sefydliad - rydych wedi gwneud cais am wybodaeth i’r sefydliad - rydych yn dymuno mynychu, neu wedi mynychu, digwyddiad, ymchwiliad neu wrandawiad cynllunio wyneb yn wyneb neu drwy ddigwyddiad rhithwir neu gyfunol. Cesglir gwybodaeth benodol ar gyfer Digwyddiadau Rhithwir a Digwyddiadau Cyfunol (Gweler pwynt 15 isod am fanylion llawn) - rydych yn unig fasnachwr sy’n llunio trefniant cytundebol â’r Arolygiaeth

- fel arfer, mae’n ofynnol i Awdurdodau Lleol (ALlau) roi gwybodaeth berthnasol i ni yn ymwneud â’r achos e.e. o ran apêl gynllunio, byddant yn anfon y sylwadau a gawsant yn ystod y cam cais cynllunio atom   - o ran Cynlluniau Lleol, bydd yr ALlau yn cyflwyno gwybodaeth i ni ynglŷn â’u cynllun lleol neu atodlen Ardoll Seilwaith Cymunedol arfaethedig, gan gynnwys y sylwadau a gawsant arno/arni - yn ystod yr archwiliad, bydd yr Arolygydd hefyd yn clywed sylwadau llafar gan y partïon ac yn ystyried unrhyw sylwadau ysgrifenedig ychwanegol a dderbynnir yn ystod yr archwiliad hwnnw  - bydd yr ALl yn darparu swyddog rhaglen i gynorthwyo’r Arolygydd, a bydd sylwadau’n cael eu cyfnewid rhwng yr ALl a chyfranogwyr eraill yn yr archwiliad a’r Arolygydd trwy’r swyddog rhaglen - bydd adrannau ac asiantaethau eraill y Llywodraeth yn darparu gwybodaeth berthnasol trwy gyfryngau cymdeithasol neu ein gwefannau, e.e. data cysylltu a anfonir at ein gweinydd gwe ni gan eich porwr chi pan fyddwch yn cysylltu â’n gwefan

Beth yw ein sail gyfreithiol dros brosesu’ch data?

Mae’r rhesymau pam y gallwn ddefnyddio neu gasglu’ch gwybodaeth bersonol wedi’u hamlinellu yn y gyfraith a byddant fel arfer oherwydd ei bod yn angenrheidiol i ni wneud ein gwaith fel corff cyhoeddus.

Amlinellir y seiliau cyfreithlon dros brosesu yn Erthygl 6 GDPR y DU.

Diben prosesu	Y sail gyfreithlon dros brosesu
Apeliadau, Ceisiadau, Archwiliadau a Gorchmynion	Erthygl 6(1)(c) – Mae’r prosesu’n angenrheidiol i gydymffurfio â rhwymedigaeth gyfreithiol y mae’r Arolygiaeth yn ddarostyngedig iddi Erthygl 6(1)(e) – Mae’r prosesu’n angenrheidiol i gyflawni tasg a gynhelir er budd y cyhoedd neu wrth arfer awdurdod swyddogol sydd wedi’i freinio yn yr Arolygiaeth Gynllunio Erthygl 9(2)(g) – Mae prosesu data categori arbennig yn angenrheidiol am resymau budd cyhoeddus sylweddol
Prosiectau Seilwaith o Arwyddocâd Cenedlaethol (NSIP)	Erthygl 6(1)(c) – Mae’r prosesu’n angenrheidiol i gydymffurfio â rhwymedigaeth gyfreithiol y mae’r Arolygiaeth yn ddarostyngedig iddi Erthygl 6(1)(e) – Mae’r prosesu’n angenrheidiol i gyflawni tasg a gynhelir er budd y cyhoedd neu wrth arfer awdurdod swyddogol sydd wedi’i freinio yn yr Arolygiaeth Gynllunio Erthygl 9(2)(g) – Mae prosesu data categori arbennig yn angenrheidiol am resymau budd cyhoeddus sylweddol
Ceisiadau Datblygu’r Goron Nad Ydynt yn Rhai Brys	Erthygl 6(1)(c) – Mae’r prosesu’n angenrheidiol i gydymffurfio â rhwymedigaeth gyfreithiol y mae’r Arolygiaeth yn ddarostyngedig iddi Erthygl 6(1)(e) – Mae’r prosesu’n angenrheidiol i gyflawni tasg a gynhelir er budd y cyhoedd neu wrth arfer awdurdod swyddogol sydd wedi’i freinio yn yr Arolygiaeth Gynllunio Erthygl 9(2)(g) – Mae prosesu data categori arbennig yn angenrheidiol am resymau budd cyhoeddus sylweddol
Gweithgareddau Marchnata a Chyfathrebu	Erthygl 6(1)(a) – Pan fydd testun y data wedi cydsynio i brosesu ei ddata at ddiben penodedig
Arolygon adborth cwsmeriaid ac ymchwil defnyddwyr	Erthygl 6(1)(a) Mae testun y data wedi cydsynio i’r prosesu at ddiben penodedig Erthygl 6(1)(f) Mae’r prosesu’n angenrheidiol at ddibenion buddiant dilys
Monitro Cyfryngau Cymdeithasol	Erthygl 6(1)(e) Mae’r prosesu’n angenrheidiol i gyflawni tasg a gynhelir er budd y cyhoedd neu wrth arfer awdurdod swyddogol sydd wedi’i freinio yn yr Arolygiaeth Gynllunio Erthygl 9(2)(e) Mae’r prosesu’n ymwneud â data personol a wnaed yn gyhoeddus gan destun y data Erthygl 9(2)(g) – Mae prosesu data categori arbennig yn angenrheidiol am resymau budd cyhoeddus sylweddol
Profi datrysiadau technolegol newydd fel Deallusrwydd Artiffisial	Erthygl 6(1)(e) Mae’r prosesu’n angenrheidiol i gyflawni tasg a gynhelir er budd y cyhoedd neu wrth arfer awdurdod swyddogol sydd wedi’i freinio yn yr Arolygiaeth Gynllunio Erthygl 6(1)(f) Mae’r prosesu’n angenrheidiol at ddibenion dilyn buddiant dilys
Monitro cydraddoldeb ac amrywiaeth	Erthygl 9(2)(g) Mae’r prosesu’n angenrheidiol am resymau budd cyhoeddus sylweddol a fydd yn gymesur ac yn darparu mesurau addas a phenodol i ddiogelu hawliau a rhyddidau sylfaenol testunau data

Beth yw eich hawliau yn gysylltiedig â’r prosesu hwn?

A chithau’n destun data, mae gennych hawliau ynglŷn â sut rydym yn defnyddio’ch gwybodaeth bersonol.

Gallwch bob amser:

• ofyn am gael gweld pa wybodaeth sydd gennym amdanoch
• gofyn i ni gywiro unrhyw wybodaeth sy’n anghywir

Mae’n bosibl y gallwch hefyd:

• ofyn i ni ddileu eich gwybodaeth
• gofyn i ni gyfyngu ar y ffordd rydym yn defnyddio’ch gwybodaeth
• gwrthwynebu’r ffordd rydym yn defnyddio’ch gwybodaeth
• gofyn i ni drosglwyddo’ch gwybodaeth i sefydliad arall

Bydd yr hawliau sy’n berthnasol yn dibynnu ar ein sail gyfreithlon dros brosesu.

Mae manylion ynglŷn â sut gallwch arfer pob un o’r hawliau hyn ar ein gwefan.

Cwynion

Ni waeth beth fo’r rheswm dros brosesu, mae gennych yr hawl i gwyno os ydych yn credu nad ydym wedi prosesu’ch data personol yn unol â deddfwriaeth berthnasol.

Mae gennym broses gwyno benodol ar gyfer cwynion data personol.

Byddwn yn ymateb i’ch cwyn heb oedi diangen ac o fewn 30 niwrnod.

Os ydych yn anfodlon ar ein hymateb, gallwch gysylltu â’n Swyddog Diogelu Data a Swyddfa’r Comisiynydd Gwybodaeth.

Gyda phwy rydym yn rhannu eich gwybodaeth a pha wybodaeth bersonol rydym yn ei chyhoeddi?

Bydd y wybodaeth rydym yn ei rhannu a’i chyhoeddi yn dibynnu ar y rheswm a’r sail gyfreithlon dros brosesu. Amlinellir y rhain yma:

1. Y Porth Gwaith Achos Apeliadau (ACP) a’r Gwasanaeth Apelio yn erbyn Penderfyniad Cynllunio

2. Y wefan Cynllunio Seilwaith Cenedlaethol ar gyfer Prosiectau Seilwaith o Arwyddocâd Cenedlaethol (NSIP)

3. Y wefan Dod o Hyd i Gais Datblygu’r Goron ar gyfer ceisiadau datblygu’r Goron nad ydynt yn rhai brys

4. Digwyddiadau Rhithwir a Digwyddiadau Cyfunol

5. Gweithgareddau Marchnata a Chyfathrebu

6. Arolygon Adborth Cwsmeriaid ac Ymchwil Defnyddwyr

7. Monitro Cyfryngau Cymdeithasol

8. Profi technoleg newydd fel Deallusrwydd Artiffisial (AI)

1. Y Porth Gwaith Achos Apeliadau (ACP) a’r gwasanaeth Apelio yn erbyn Penderfyniad Cynllunio 

Rydym yn defnyddio’r wybodaeth a ddarperir trwy’r ACP i brosesu achosion Apeliadau Cynllunio a Gorfodi. Mae gwybodaeth lawn am apeliadau cynllunio ac apeliadau cynllunio deiliaid tai yn cael ei chasglu gan y gwasanaeth Apelio yn erbyn Penderfyniad Cynllunio. 

Nid ydym yn derbyn sylwadau dienw na chyfrinachol. Fodd bynnag, cewch wneud sylwadau ar achos a gofyn i’ch enw gael ei gadw’n ôl. Os byddwch yn gwneud cais o’r fath, bydd eich sylwadau’n cael eu copïo i’r partïon a’u darparu i’r Arolygydd heb eich enw a’ch manylion cyswllt, ac fe allai’r Arolygydd roi llai o bwys iddynt o ganlyniad.

Mae telerau ac amodau’r ACP yn rhoi gwybodaeth benodol am sut rydym yn defnyddio’ch gwybodaeth bersonol os byddwch yn cofrestru ar gyfer cyfrif ACP

Gyda phwy y gallem rannu eich gwybodaeth:

• Yn amodol ar unrhyw olygu a allai fod yn angenrheidiol, byddwn yn rhannu’r ffurflen apêl a dogfennau ategol a gyflwynwyd gan yr apelydd neu ei asiant â’r awdurdod cynllunio lleol, partïon â buddiant a phrif bartïon eraill. Byddwn hefyd yn rhannu holiadur a dogfennau ategol yr awdurdod cynllunio lleol â’r apelydd a phrif bartïon eraill. Rhennir y wybodaeth hon er mwyn sicrhau tegwch a thryloywder i bawb sy’n gysylltiedig fel y gallant ymwneud yn llawn â’r broses

• Yn unol â’r rheolau statudol, mae sylwadau gwaith achos fel arfer yn cael eu copïo i’r apelydd/ymgeisydd, yr Awdurdod Lleol (ALl) a phartïon eraill statudol sy’n ymwneud â’r achos

• Mae hefyd yn ofynnol i’r ALl sicrhau bod sylwadau’r gwaith achos ar gael i unrhyw un sy’n dymuno eu gweld 

• Gan eu bod yn darparu cyd-destun i’ch sylwadau ac yn caniatáu ar gyfer cynnal yr achos yn effeithiol (e.e. caniatáu i bartïon sydd â safbwyntiau tebyg adnabod ei gilydd a chytuno i gyflwyno safbwyntiau ar y cyd mewn unrhyw wrandawiad neu ymchwiliad), mae’r sylwadau a dderbyniwn fel arfer yn cael eu cyfnewid rhwng y partïon heb olygu cynnwys na gwybodaeth gyswllt, ar yr amod bod yr Arolygiaeth Gynllunio yn penderfynu bod hynny’n angenrheidiol ac yn gymesur

• Gall y wybodaeth a ddarperir yn wirfoddol gynnwys gwybodaeth bersonol am unigolion eraill, yn uniongyrchol neu’n anuniongyrchol, ac fe all gynnwys data categori arbennig e.e. gwybodaeth feddygol am bartïon eraill (gweler y paragraff Data Categori Arbennig am ragor o wybodaeth). Bydd yr Arolygiaeth Gynllunio yn prosesu data o’r fath dim ond pan fydd cyfiawnhad iddo a phan fydd ganddi’r sail gyfreithiol briodol i wneud hynny 

• Os nad ydych eisiau cael eich adnabod o’ch sylwadau, dylech osgoi cynnwys gwybodaeth a allai ddangos pwy ydych

Bydd yr Arolygydd a benodwyd yn ystyried y wybodaeth a ddarparwyd yn y sylwadau ac yn gwneud ei benderfyniad. Bydd ei hysbysiad o benderfyniad yn rhoi canlyniad yr achos a’i resymeg

Y wybodaeth a gyhoeddwn: 

Rydym yn cyhoeddi manylion cryno am achosion a broseswn ar y Porth Gwaith Achos Apeliadau. 

• enw’r apelydd/ymgeisydd a chyfeiriad y safle

• rydym yn cyhoeddi’r penderfyniad Terfynol hefyd

• mae gennym bolisi golygu ac rydym yn dileu rhifau ffôn personol, cyfeiriadau e-bost a llofnodion, yn ogystal â gwybodaeth categori arbennig (fel gwybodaeth am iechyd unigolyn) 

• os oes gennych bryderon ynglŷn â chyhoeddi eich gwybodaeth, dylech drafod hyn gyda’r Swyddog Achos yn y lle cyntaf cyn cyflwyno’ch sylwadau 

• fodd bynnag, os bydd gennych bryderon pellach ynglŷn â phrosesu neu drin eich data personol, cysylltwch ag Uwch Reolwr Diogelu Data (SDPM) yr Arolygiaeth Gynllunio dataprotection@planninginspectorate.gov.uk

• er efallai na fyddwn yn cyhoeddi pob dogfen neu bob achos, mae gennym rwymedigaeth statudol i roi copi o sylwadau i’r partïon perthnasol. Mae’n ofynnol i’r ALl sicrhau eu bod ar gael i unrhyw un a allai ddymuno eu gweld, felly fe allech hefyd ddymuno gwirio pa wybodaeth maen nhw’n ei chyhoeddi

Mae’n rhaid i ddefnyddwyr yr ACP greu cyfrif gyda ni er mwyn cyflwyno apeliadau neu unrhyw sylwadau 

• bydd cofrestru gyda ni yn eich galluogi i gael at ein hystod lawn o wasanaethau apeliadau, gan gynnwys hafan bersonol

• hefyd, y ffordd orau o wneud sylwadau ar achos presennol yw cofrestru gyda ni yn gyntaf oherwydd bydd hynny’n ei gwneud yn haws i olrhain achosion a chyflwyno sylwadau

Cyfleuster mewngofnodi fel gwestai ar yr ACP 

• mae gennym gyfleuster mewngofnodi fel gwestai os ydych eisiau cyflwyno sylwadau heb greu cyfrif; chwiliwch am eich achos a chliciwch ar y botwm ‘Cyflwyno Sylwadau’ 

2. Y wefan Cynllunio Seilwaith Cenedlaethol ar gyfer Prosiectau Seilwaith o Arwyddocâd Cenedlaethol (NSIP) 

Defnyddir y wybodaeth a ddarperir ar gyfer NSIPau i helpu i archwilio ceisiadau o dan broses Deddf Cynllunio 2008.

Nid ydym yn derbyn sylwadau dienw na chyfrinachol

Mae gan yr Arolygiaeth Gynllunio swyddogaethau a dyletswyddau statudol o dan Ddeddf Cynllunio 2008 a’i rheolau a’i rheoliadau gweithdrefnol sy’n mynnu ein bod yn gwneud y canlynol: 

• sicrhau bod dogfennau a gwybodaeth penodol ar gael yn eang i gyfranogwyr eraill, a allai gynnwys gwybodaeth bersonol, gan gynnwys sicrhau bod y rhain ar gael yn gyhoeddus trwy gyhoeddi dogfennau a gwybodaeth ar y wefan Cynllunio Seilwaith Cenedlaethol

• yn unol â Rheol 21 Rheolau Cynllunio Seilwaith (Gweithdrefn Archwilio) 2010, mae’n rhaid i’r Arolygiaeth Gynllunio sicrhau bod yr holl Sylwadau Perthnasol, Sylwadau Ysgrifenedig a dogfennau eraill a gyflwynir mewn perthynas ag archwiliad o gais ar gael i’r cyhoedd

• o dan adran 39 Deddf Cynllunio 2008, mae’n ofynnol i ni hefyd sicrhau bod y dogfennau sy’n cynnwys pob cais am gydsyniad datblygu ar gael i’r cyhoedd. Yn y ddau achos, cyflawnir hynny trwy gyhoeddi’r dogfennau hyn ar y wefan Cynllunio Seilwaith Cenedlaethol 

• o dan adran 51 Deddf Cynllunio 2008, mae’n ofynnol i ni hefyd gyhoeddi unrhyw gyngor a roddwn ynglŷn â gwneud cais am Orchymyn Cydsyniad Datblygu; a gwneud sylwadau ar gais am Orchymyn Cydsyniad Datblygu

• bydd yr Awdurdod Archwilio yn ystyried y wybodaeth a ddarperir yn yr holl sylwadau yn ystod ei archwiliad ac wrth baratoi ei Adroddiad Argymhelliad 

• anfonir yr adroddiad hwn at yr Ysgrifennydd Gwladol, a fydd yn gwneud y penderfyniad terfynol ar geisiadau o dan Ddeddf Cynllunio 2008 

Y wybodaeth a gyhoeddwn ar-lein 

O dan Ddeddf Cynllunio 2008 a’r rheolau a’r rheoliadau gweithdrefnol statudol, mae’n ofynnol i ni gyhoeddi: 

• dogfennau cais 

• Sylwadau Perthnasol, Sylwadau Ysgrifenedig, a dogfennau eraill ar y wefan Cynllunio Seilwaith Cenedlaethol

• bydd y cofnodion cyhoeddedig hyn yn cynnwys enw’r unigolyn a gyflwynodd y ddogfen

• yr Arolygydd neu’r Arolygwyr a benodwyd i gynnal yr archwiliad o gais 

• cyn cyhoeddi’r rhan fwyaf o ddogfennau, byddwn yn golygu (neu’n ‘cuddio’) manylion personol penodol e.e. rhifau ffôn; cyfeiriadau; cyfeiriadau e-bost; llofnodion a gwybodaeth bersonol sensitif (data categori arbennig) 

• byddwn hefyd yn golygu unrhyw gynnwys yr ystyriwn ei fod yn enllibus, o bosibl

• ni fyddwn yn golygu unrhyw wybodaeth bersonol mewn dogfennau a gynhyrchwyd gan ymgeiswyr pan fyddai hynny’n rhwystro archwilio cais yn effeithiol e.e. yn rhwystro’r Arolygiaeth Gynllunio rhag cyflawni ei thasg gyhoeddus. Er enghraifft, mae rhai dogfennau a gyhoeddir (e.e. y Llyfr Cyfeirio) yn cynnwys enwau a chyfeiriadau Partïon â Buddiant oherwydd byddai’r Datblygiad Arfaethedig yn effeithio ar dir neu hawliau’r Partïon hynny â Buddiant

• byddwn hefyd yn cyhoeddi Adroddiad Argymhelliad yr Awdurdod Archwilio a phenderfyniad yr Ysgrifennydd Gwladol, y gallai’r ddau ohonynt gynnwys gwybodaeth bersonol, heb eu golygu, fel arfer, ond yn ddarostyngedig i’n rhwymedigaethau diogelu data

Nid oes angen cyfrif ar gyfranogwyr Prosiectau Seilwaith o Arwyddocâd Cenedlaethol (NSIPau) i gael at wybodaeth ar y wefan. 

• os hoffech gofrestru buddiant mewn unrhyw NSIP, bydd rhaid i chi lenwi ffurflen gofrestru

• os hoffech gael gwybod am gynnydd parhaus cais, gallwch danysgrifio i wasanaeth hysbysiadau e-bost 

• mae’r ffurflen gofrestru a’r cyfleuster i wneud cais am hysbysiadau e-bost wedi’u lleoli ar y dudalen NSIP

Y Porth Cyflwyniadau Seilwaith Cenedlaethol

Gall Partïon â Buddiant wneud cyflwyniadau ysgrifenedig i archwiliadau trwy’r wefan Cynllunio Seilwaith Cenedlaethol bellach. Os nad yw Partïon â Buddiant yn dymuno neu’n gallu defnyddio’r porth i wneud sylwadau ysgrifenedig, gallant wneud hynny yn y ffordd draddodiadol trwy anfon cyflwyniadau at fewnflwch e-bost y prosiect perthnasol. Bydd unrhyw ddiwygiadau i brosesu data personol yn cael eu hadlewyrchu mewn fersiwn wedi’i diweddaru o’n Hysbysiad Preifatrwydd Cwsmeriaid. 

3. Y wefan Dod o Hyd i Gais Datblygu’r Goron ar gyfer Ceisiadau Datblygu’r Goron nad ydynt yn frys

Defnyddir y wybodaeth a ddarperir ar gyfer Ceisiadau Datblygu’r Goron i helpu i archwilio ceisiadau a wneir o dan y llwybr Ceisiadau Datblygu’r Goron nad ydynt yn frys (Adrannau 293D i 293J Deddf Cynllunio Gwlad a Thref 1990). Mae’n darparu gwybodaeth am y math o wybodaeth bersonol y caiff yr Arolygiaeth Gynllunio ei chasglu wrth gyflawni ein dyletswyddau a’n cyfrifoldebau o dan Ddeddf Cynllunio Gwlad a Thref 1990.

Nid ydym yn derbyn sylwadau dienw na chyfrinachol

Mae’n bwysig nodi bod gan yr Arolygiaeth Gynllunio swyddogaethau a dyletswyddau statudol o dan Ddeddf Cynllunio Gwlad a Thref 1990 a’i rheolau a’i rheoliadau gweithdrefnol sy’n mynnu ein bod yn gwneud y canlynol: 

• sicrhau bod dogfennau a gwybodaeth penodol ar gael yn eang i gyfranogwyr eraill, a allai gynnwys gwybodaeth bersonol, gan gynnwys sicrhau bod y rhain ar gael yn gyhoeddus 

• rydym yn gwneud hyn trwy gyhoeddi dogfennau a gwybodaeth ar y wefan Dod o Hyd i Gais Datblygu’r Goron 

• os bydd gennych ymholiadau neu bryderon penodol ynglŷn â phrosesu’ch data personol, cysylltwch â’r swyddog achos perthnasol yn y lle cyntaf i drafod yr arweiniad a’ch pryderon 

• yn unol ag Erthygl 26 Gorchymyn Cynllunio Gwlad a Thref (Ceisiadau Datblygu’r Goron) (Gweithdrefn a Sylwadau Ysgrifenedig) 2025, mae’n rhaid i’r Arolygiaeth Gynllunio sicrhau bod yr holl Sylwadau Ysgrifenedig a dogfennau eraill a gyflwynir mewn perthynas â’r archwiliad o gais ar gael i’r cyhoedd 

• o dan Erthygl 16(2a), mae’n ofynnol i ni hefyd sicrhau bod y dogfennau sy’n cynnwys pob cais am gydsyniad datblygu ar gael i’r cyhoedd. Yn y ddau achos, cyflawnir hynny trwy gyhoeddi’r dogfennau hyn ar y wefan Dod o Hyd i Gais Datblygu’r Goron 

• bydd yr Arolygydd/Arolygwyr archwilio yn ystyried y wybodaeth a ddarperir yn yr holl sylwadau yn ystod eu harchwiliad ac wrth baratoi eu Hadroddiad Argymhelliad a/neu Benderfyniad 

• o ran Ceisiadau a adferwyd, anfonir yr adroddiad hwn at yr Ysgrifennydd Gwladol, a fydd yn gwneud y penderfyniad terfynol ar geisiadau o dan Ddeddf Cynllunio Gwlad a Thref 1990 

Y wybodaeth a gyhoeddwn ar-lein 

O dan Orchymyn Cynllunio Gwlad a Thref (Ceisiadau Datblygu’r Goron) (Gweithdrefn a Sylwadau Ysgrifenedig) 2025, mae’n ofynnol i ni gyhoeddi: 

• dogfennau cais

• Sylwadau Ysgrifenedig, a dogfennau eraill ar y wefan Dod o Hyd i Gais Datblygu’r Goron 

• bydd y cofnodion cyhoeddedig hyn yn cynnwys enw’r unigolyn a gyflwynodd y ddogfen

• cyn cyhoeddi’r rhan fwyaf o ddogfennau, byddwn yn golygu (neu’n ‘cuddio’) manylion personol penodol e.e. rhifau ffôn; cyfeiriadau; cyfeiriadau e-bost; llofnodion a gwybodaeth bersonol sensitif (data categori arbennig) 

• byddwn hefyd yn golygu unrhyw gynnwys yr ystyriwn ei fod yn enllibus, o bosibl

• ni fyddwn yn golygu unrhyw wybodaeth bersonol mewn dogfennau a gynhyrchwyd gan ymgeiswyr pan fyddai hynny’n rhwystro archwilio cais yn effeithiol e.e. yn rhwystro’r Arolygiaeth Gynllunio rhag cyflawni ei thasg gyhoeddus. Er enghraifft, mae rhai dogfennau a gyhoeddir (e.e. y Llyfr Cyfeirio) yn cynnwys enwau a chyfeiriadau Partïon â Buddiant oherwydd byddai’r Datblygiad Arfaethedig yn effeithio ar dir neu hawliau’r Partïon hynny â Buddiant

• byddwn hefyd yn cyhoeddi Adroddiad Argymhelliad a Phenderfyniad yr Arolygydd, y gallai’r ddau ohonynt gynnwys gwybodaeth bersonol, heb eu golygu, fel arfer, ond yn ddarostyngedig i’n rhwymedigaethau diogelu data

• pan na fydd yr Arolygydd/Arolygwyr wedi gwneud y Penderfyniad, byddwn hefyd yn cyhoeddi’r penderfyniad a wnaed gan yr Ysgrifennydd Gwladol, y gallai’r ddau ohonynt gynnwys gwybodaeth bersonol, heb eu golygu, fel arfer, ond yn ddarostyngedig i’n rhwymedigaethau diogelu data 

4. Digwyddiadau Rhithwir a Digwyddiadau Cyfunol

Nid yw diben Digwyddiadau Rhithwir a Chyfunol yn wahanol i weithdrefnau arferol a bydd angen i’r Arolygydd ystyried y dystiolaeth a gyflwynwyd, ac i bartïon â buddiant rannu eu safbwyntiau o hyd. 

Mewn Digwyddiad Rhithwir, ni fydd pobl yn mynychu wyneb yn wyneb. Bydd yr holl fynychwyr yn cymryd rhan yn rhithwir, naill ai trwy fideogynadledda neu dros y ffôn. 

Mewn Digwyddiad Cyfunol, fe allai fod cyfuniad o fynychwyr wyneb yn wyneb (mewn un neu fwy o leoliadau) yn ogystal ag elfen rithwir (lle y gall cyfranogwyr ymuno naill ai trwy fideogynadledda neu dros y ffôn). Nid oes angen i’r ddwy elfen ddigwydd ar yr un pryd, a gellid eu trefnu am yn ail, o bosibl, ar yr amod bod y trafodion yn cael eu darlledu a’u bod ar gael i’r rhai na allant gymryd rhan mewn un o’r digwyddiadau. 

Pa wybodaeth bersonol a gesglir mewn Digwyddiadau Rhithwir a Chyfunol? 

• gofynnir am gyfeiriad e-bost yn y gwahoddiad i’r digwyddiad

• rhifau ffôn – Os bydd y cyfranogwr yn ymuno dros y ffôn, byddai ei rif ffôn yn weladwy i’r holl gyfranogwyr (gall yr unigolyn ei guddio trwy ddiffodd y cyfleuster Adnabod Galwr, a wneir fel arfer trwy ddeialu 141, a byddai rhif ar hap yn cael ei arddangos)

• cyfeiriad IP – Bydd cysylltiadau â Microsoft Teams yn casglu cyfeiriad IP y cyfranogwr 

• enw arddangos – Cesglir hwn o fanylion ymuno’r cyfranogwyr

• hunanddelwedd – Cesglir hwn pan fydd y cyfranogwr yn troi ei gamera ymlaen

• cyfeiriad IP, gwybodaeth cyfrif ymuno (cyfeiriad e-bost) 

Recordio / Ffrydio’n Fyw Digwyddiadau a gynhelir gan yr Arolygiaeth Gynllunio

Weithiau, bydd yn ofynnol i’r Arolygiaeth Gynllunio recordio digwyddiad neu ei ffrydio’n fyw, yn enwedig os yw o gryn ddiddordeb i’r cyhoedd ac i sicrhau mynediad at y broses a thegwch y broses. Defnyddir y recordiadau ar gyfer hyfforddiant ac ymwybyddiaeth yn y lle cyntaf, yn ogystal ag ymateb i her bosibl. 

Defnyddir ffrydiau byw i sicrhau bod y cyhoedd yn cael mynediad at y broses a bydd meddalwedd gymeradwy’r Arolygiaeth Gynllunio yn cael ei defnyddio i ffrydio i amgylchedd cynnal cymeradwy’r Arolygiaeth Gynllunio (YouTube ar gyfer Digwyddiadau nad ydynt yn ymwneud â Seilwaith Cenedlaethol neu i’r Porth Seilwaith Cenedlaethol). 

Yr Arolygiaeth Gynllunio yw’r unig Reolydd Data ar gyfer y recordiadau/ffrydiau byw hyn. 

Recordiadau Trydydd Parti ar gyfer Digwyddiadau na chynhelir gan yr Arolygiaeth Gynllunio 

Mae’r Arolygiaeth Gynllunio yn gweithio gydag Awdurdodau Lleol a phartïon eraill. Os bydd y partïon hyn yn recordio’r digwyddiadau/gwrandawiadau hyn neu’n eu ffrydio’n fyw, bydd hynny’n derbyn sylw yn eu Hysbysiad Preifatrwydd.

Fe allai’r Arolygiaeth Gynllunio gael copi o unrhyw recordiad o’r fath ar gyfer prosesu, a fydd yn cael ei lywodraethu o fewn cytundebau rhannu data perthnasol ar gyfer Rheolyddion ar y Cyd. Fodd bynnag, y trydydd partïon fydd yn gyfrifol am y recordiadau/ffrydiau byw o hyd.

Caiff unigolion neu sefydliadau heblaw am yr Arolygiaeth Gynllunio neu’r ALl recordio’r sesiynau gwrandawiad a/neu eu ffrydio’n fyw. Yn yr achos hwn, ni fydd yr Arolygiaeth Gynllunio yn ymwneud ag unrhyw agwedd ar y recordiad neu’r ffrwd fyw, a’r rheolydd data fydd yr unigolyn neu’r sefydliad a drefnodd y recordiad/ffrwd fyw. 

Cofrestru i fynychu un o Weminarau’r Arolygiaeth Gynllunio

Byddwn yn casglu gwybodaeth bersonol gennych pan fyddwch yn cofrestru i wylio un o’n gweminarau neu’n cofrestru i gael ein rhybuddion newyddion a digwyddiadau. Byddwn yn defnyddio’r wybodaeth hon i sicrhau y gallwch ymuno â’r weminar a darparu gwybodaeth ddilynol yn ymwneud â’r weminar, fel cyfarwyddiadau ymuno neu werthusiad ar ôl digwyddiad. 

Os ydych wedi tanysgrifio i’n rhybuddion newyddion a digwyddiadau, efallai byddwn yn anfon diweddariadau atoch am ddigwyddiadau, newyddion a chyhoeddiadau gwasanaeth. Gallwch ddatdanysgrifio unrhyw bryd trwy’r ddolen yn y neges e-bost. 

• diben unrhyw gwestiynau ychwanegol a ofynnwn yw taflu goleuni ar bwnc y weminar. Fe allai’r wybodaeth hon gael ei chyflwyno yn ystod y weminar a’i defnyddio i wella ein gwasanaethau

• efallai y dywedwn eich enw yn ystod y weminar os ydych wedi cyflwyno cwestiynau i’w gofyn ymlaen llaw 

• rydym yn defnyddio Microsoft Forms i gasglu’r wybodaeth y mae arnom ei hangen i’ch cofrestru fel mynychwr neu danysgrifio i’n rhybuddion newyddion a digwyddiadau, a Microsoft Teams i gynnal y weminar

• bydd y cynnwys ym Microsoft Forms, yn ogystal â’r wybodaeth defnyddiwr terfynol, yn aros o fewn ein rheolaeth uniongyrchol fel gweinyddwr a defnyddiwr terfynol. Ni fyddwn yn rhannu eich gwybodaeth bersonol â thrydydd partïon

• mae Microsoft yn prosesu data ar ran cwsmeriaid i ddarparu’r gwasanaeth y gofynnwyd amdano, fel yr amlinellir yn ei Delerau Gwasanaethau Ar-lein 

Pa ddata a gasglwn a sut rydym yn ei gasglu? 

Pan fyddwch yn cofrestru i gymryd rhan yn un o’n gweminarau, gofynnwn am eich enw llawn, cyfeiriad e-bost, sefydliad a theitl eich swydd. 

Pan fyddwch yn ymuno â’r weminar, byddwn yn casglu eich:

• rhif ffôn – os byddwch yn ymuno dros y ffôn, byddai eich rhif ffôn yn weladwy i’r holl gyfranogwyr (gallwch ei guddio trwy ddiffodd y cyfleuster Adnabod Galwr, a wneir fel arfer trwy ddeialu 141, a byddai rhif ar hap yn cael ei arddangos. Bydd rhifau ffôn yn cael eu dileu o’r recordiad cyhoeddedig

• cyfeiriad IP – bydd cysylltiadau â Microsoft Teams yn casglu cyfeiriad IP y cyfranogwr 

• enw arddangos – cesglir hwn o fanylion ymuno’r cyfranogwyr 

• math o borwr – os defnyddir porwr yn lle Ap Teams

• hunanddelwedd (os rhennir fideo) 

• sain (os defnyddir microffon) 

Ble bydd eich data’n cael ei storio? 

Bydd eich cyfeiriad e-bost, rhif ffôn, enw arddangos a delwedd yn cael eu storio yn yr ystafell gyfarfod rithwir, o fewn Exchange Online ac MS Stream (Recordio Fideo).

Bydd eich Cyfeiriad IP a Metadata yn cael eu storio yn y Cofnod Archwilio.

Bydd eich gwybodaeth bersonol yn cael ei chadw am 1 mis ar y mwyaf ar ôl y weminar ac ni chaiff ei rhannu ag unrhyw drydydd partïon. Cynhelir y weminar ar Microsoft Teams.

Yn ystod gweminar, gallwch ffrydio’ch fideo a’ch sain a gallwch ddiffodd eich camera a/neu dawelu eich microffon os ydych eisiau.

Efallai y gwnawn recordiad o’r weminar a allai gael ei gyhoeddi ar ein sianeli cyfryngau cymdeithasol. 

Fe allai aelodau o’r wasg fod yn bresennol yn ystod gweminar ac fe allent ddewis defnyddio elfennau o’r weminar fyw neu’r recordiad at eu dibenion newyddiadurol eu hunain ar ôl y digwyddiad. 

Mae gan Microsoft Teams swyddogaeth sgwrsio, a bydd unrhyw sylwadau a wnewch yn ystod gweminar yn weladwy i’r cyfranogwyr yn ystod ac ar ôl y digwyddiad. Ni fydd modd gweld sylwadau sgwrsio yn y recordiad. 

Rydym yn defnyddio Microsoft Teams i gyflwyno ein gweminarau a’n digwyddiadau darlledu byw. 

Rydym yn defnyddio YouTube i gyhoeddi’r recordiadau o rai digwyddiadau. 

5. Gweithgareddau Marchnata a Chyfathrebu

Efallai byddwn yn casglu gwybodaeth bersonol, gan gynnwys manylion cyswllt fel cyfeiriadau e-bost, rhifau ffôn ac unrhyw wybodaeth arall sy’n berthnasol i’n gweithgareddau cyfathrebu. Cesglir y wybodaeth hon i gyfathrebu, ymgysylltu, a rhoi diweddariadau a gwybodaeth berthnasol i chi am ein gwasanaethau, ein newyddion, ein digwyddiadau, a’n gweithgareddau. 

Rydym yn defnyddio’r wybodaeth a gesglir at y dibenion canlynol: 

• Ymgysylltu â chi trwy blatfformau cyfryngau cymdeithasol ac ymateb i’ch ymholiadau neu’ch sylwadau. 

• Monitro a dadansoddi rhyngweithiadau cyfryngau cymdeithasol i wella ein gwasanaethau a’n cyfathrebu. 

• Anfon cyfathrebiadau marchnata, cylchlythyrau, neu wybodaeth atoch am ddigwyddiadau neu wasanaethau a allai fod o ddiddordeb i chi. Rheoli a chymedroli cofnodion ar ein gwefan allanol. 

• Ymateb i ymholiadau gan y cyfryngau a hwyluso cyfathrebu â’r wasg.
• Rheoli a chynnal ein cronfa ddata ymgysylltu â rhanddeiliaid.
• Efallai y defnyddiwn eich manylion cyswllt i roi gwybod i chi am wasanaethau newydd a gynigir gan yr Arolygiaeth Gynllunio i wella profiad cwsmeriaid a darparu gwasanaeth mwy effeithlon.
• Ni fyddwn byth yn gwerthu eich data personol na’i drosglwyddo fel arall i unrhyw drydydd parti arall at ddibenion marchnata.
• Gallwch ddewis peidio â derbyn cyfathrebiadau marchnata unrhyw bryd trwy ddilyn y ddolen datdanysgrifio yn ein negeseuon e-bost neu drwy gysylltu â ni’n uniongyrchol.

6. Arolygon adborth cwsmeriaid ac ymchwil defnyddwyr

O bryd i’w gilydd, bydd yr Arolygiaeth Gynllunio yn cynnal arolygon cwsmeriaid i geisio eich adborth ar y gwasanaethau a ddarparwyd gennym.

Rydym hefyd yn casglu, defnyddio, a rhannu data cyfanredol, fel data ystadegol neu ddemograffig, yn fewnol a chydag adrannau eraill y llywodraeth. Fe allai data cyfanredol ddeillio o’ch data personol, ond nid yw’n cael ei ystyried yn ddata personol yn ôl y gyfraith gan nad yw’r data hwn yn eich adnabod yn uniongyrchol nac yn anuniongyrchol.

Er enghraifft, efallai byddwn yn cydgrynhoi’r data arolwg a gasglwyd i gynnal ymchwil y farchnad ac ymchwil ystadegol. Fodd bynnag, os byddwn yn cyfuno neu’n cysylltu data cyfanredol fel y gall eich adnabod yn uniongyrchol neu’n anuniongyrchol, byddwn yn trin y data cyfunol fel data personol a ddefnyddir yn unol â’r hysbysiad preifatrwydd hwn.

7. Monitro Cyfryngau Cymdeithasol

Rydym yn defnyddio offeryn gwrando ar gyfryngau cymdeithasol i fonitro a dadansoddi cynnwys sydd ar gael yn gyhoeddus ar draws platfformau cyfryngau cymdeithasol fel y gallwn fonitro barn gyhoeddus am wasanaethau, penderfyniadau a pholisi’r Arolygiaeth Gynllunio; amlygu materion a phryderon sy’n dod i’r amlwg; cefnogi cyfathrebu strategol; ymgysylltu â rhanddeiliaid yn well; a darparu gwasanaethau’n well trwy gael gwybodaeth am brofiadau a disgwyliadau defnyddwyr.

Fe allai hyn gynnwys casglu dyfeisiau adnabod ar-lein a fydd, mewn rhai achosion, yn cynnwys enwau unigol. Fe allai hyn hefyd gasglu categorïau arbennig o ddata personol sy’n ymddangos mewn postiadau cyhoeddus, fel safbwyntiau gwleidyddol.

8. Deallusrwydd Artiffisial (AI)

Fe allai’r Arolygiaeth Gynllunio ddefnyddio Deallusrwydd Artiffisial i wella effeithlonrwydd a chywirdeb ein gwasanaethau. Pan ddefnyddir offer Deallusrwydd Artiffisial, byddwn yn sicrhau’r canlynol:

• Byddwn yn rhoi gwybod i chi ein bod yn defnyddio Deallusrwydd Artiffisial
• Bydd pobl yn goruchwylio pob penderfyniad allweddol
• Ni fydd unrhyw benderfyniadau sy’n effeithio ar unigolion yn cael eu gwneud trwy ddulliau awtomataidd yn unig
• Bydd data personol yn cael ei brosesu’n deg, yn gyfreithlon ac yn unol â GDPR y DU, Deddf Diogelu Data 2018 a Deddf Data (Defnydd a Mynediad) 2025

Rydym yn archwilio posibiliadau newydd i brofi’r dechnoleg hon mewn meysydd lle nad yw wedi cael ei defnyddio eto, ar yr un pryd ag asesu a rheoli’r risgiau cysylltiedig.

Weithiau, efallai byddwn yn defnyddio’ch gwybodaeth bersonol i helpu i brofi a datblygu ein systemau, ein gwasanaethau a’n cynhyrchion. Gwneir hyn i wella eich profiad ac ansawdd ein gwasanaethau. Pryd bynnag y bo’n bosibl, byddwn yn defnyddio data dienw neu fathau eraill o ddata personol nad yw’n adnabyddadwy at y dibenion hyn. 

Prosesyddion trydydd parti

Efallai byddwn yn defnyddio darparwyr gwasanaeth trydydd parti i brosesu gwybodaeth ar ein rhan. Pan fyddwn yn gwneud hynny, bydd contractau ar waith i sicrhau bod eich gwybodaeth bersonol yn cael ei phrosesu yn unol â’n cyfarwyddiadau yn unig (oni bai bod y gyfraith yn mynnu fel arall), a bod mesurau priodol ar waith i sicrhau diogelwch gwybodaeth. 

A fydd eich data’n mynd allan o’r Deyrnas Unedig?

Mae’r data ar gyfer y rhan fwyaf o’n systemau yn cael ei brosesu o fewn y Deyrnas Unedig a gwledydd y ceir cytundeb digonolrwydd â nhw. Byddwn yn defnyddio prosesyddion data y tu allan i’r gwledydd hyn dim ond pan fydd hynny’n gwbl angenrheidiol a byddwn yn cymryd pob cam rhesymol i sicrhau nad yw’r lefel diogelu data yn sylweddol is nag o dan gyfraith y Deyrnas Unedig.  

A allwch chi ddewis peidio â rhoi eich gwybodaeth bersonol i ni?

Nid ydym yn derbyn sylwadau dienw na chyfrinachol ar gyfer unrhyw fath o waith achos yr Arolygiaeth Gynllunio. Byddwn yn trin eich gwybodaeth yn gyfrinachol os gofynnwch yn benodol i ni wneud hynny, ond fe allai’r Arolygydd roi llai o bwys i’ch sylwadau o ganlyniad. Bydd yn ofynnol i ni rannu eich data yn ôl y gyfraith hefyd mewn rhai amgylchiadau.

• Apelyddion/Asiantiaid Os ydych yn apelydd/asiant ac nid ydych yn darparu’r wybodaeth statudol sy’n angenrheidiol i ddilysu eich achos, o fewn y cyfnodau penodedig, ni fyddwn yn gallu ystyried eich achos ac fe allai gael ei farnu’n annilys. 

• Partïon â Buddiant Nid oes rhwymedigaeth statudol ar bartïon â buddiant i gymryd rhan mewn achos, ond os ydych yn Barti â Buddiant arall ac nid ydych yn rhoi eich enw a/neu enw’r sefydliad neu’r grŵp rydych yn ei gynrychioli, mae’n bosibl na fyddwn yn gallu derbyn eich sylwadau. 

• Archwiliad Cynllun Lleol O ran Cynlluniau Lleol, mae’n ofynnol i’r Arolygydd archwilio p’un a yw’r cynllun yn gadarn ac yn cydymffurfio â’r gyfraith. Wrth wneud hynny, mae’n rhaid iddo ystyried unrhyw sylwadau a dogfennau eraill a gyflwynwyd gan yr Awdurdod Lleol (ALl). Dylai’r rhai sy’n cymryd rhan mewn archwiliad cynllun lleol nodi y bydd yr ALl yn sicrhau bod eu sylwadau ar gael yn unol â’r Rheoliadau, gan gynnwys eu cyhoeddi ar wefan yr ALl.

Fel Rheolydd Data, fe allai’r ALl benderfynu golygu, neu beidio, rhywfaint o’r wybodaeth bersonol a gynhwysir mewn sylwadau a dogfennau eraill sydd ar gael, neu’r cyfan ohoni. Er mwyn sicrhau archwiliad agored a theg, mae’n bwysig bod yr Arolygydd a’r holl gyfranogwyr eraill yn y broses archwilio yn gwybod pwy sydd wedi gwneud sylwadau ar y cynllun a chynnwys y sylwadau hynny.  

Am ba mor hir y byddwn yn cadw’ch gwybodaeth bersonol? 

Byddwn yn cadw’ch gwybodaeth bersonol am gyn hired ag sy’n angenrheidiol yn unig i ddarparu ein gwasanaethau a bodloni ein rhwymedigaethau cyfreithiol a rheoleiddiol. Rydym yn cynnal polisïau a gweithdrefnau penodol ar gyfer rheoli a chadw cofnodion, fel bod gwybodaeth bersonol yn cael ei hadolygu a’i dileu ar ôl cyfnod rhesymol yn unol â’r meini prawf canlynol: 

• y diben neu’r gweithgarwch busnes y mae angen prosesu eich gwybodaeth ar ei gyfer 

• p’un a oes gennym unrhyw rwymedigaeth gyfreithiol i barhau i brosesu eich gwybodaeth 

• p’un a oes gennym unrhyw sail gyfreithiol o dan y gyfraith diogelu data i barhau i brosesu eich gwybodaeth (e.e. Tasg Gyhoeddus) 

• unrhyw arferion sector perthnasol y cytunwyd arnynt ynglŷn â pha mor hir y dylid cadw gwybodaeth 

• er mwyn amddiffyn yn erbyn heriau cyfreithiol a rheoleiddiol

Cwcis

Ffeiliau testun bach yw cwcis sy’n cael eu gosod ar eich cyfrifiadur pan fyddwch yn ymweld â gwefannau. Fe’u defnyddir yn helaeth i wneud i wefannau weithio, neu weithio’n fwy effeithlon, yn ogystal â darparu gwybodaeth i berchnogion y safle. 

Nid yw’r Arolygiaeth Gynllunio yn defnyddio ei thechnoleg na’i lle storio ei hun i greu, cyflwyno neu gasglu cwcis na dadansoddeg tywysydd gwe.

Cesglir cwcis gan Ddatganiad Preifatrwydd Microsoft

Atodiad – Mathau o Waith Achos a wneir gan yr Arolygiaeth Gynllunio – Lloegr

Rhestr lawn o’r Apeliadau, Ceisiadau, Archwiliadau a Gorchmynion y mae’r Hysbysiad Preifatrwydd hwn yn ymdrin â nhw: holl Waith Achos yr Arolygiaeth Gynllunio. 

Darperir / Ar Gael trwy’r Wefan a Dulliau Eraill	Math o Waith Achos	Diben Prosesu
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Gorfodi – Hysbysiad Adeilad Rhestredig
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Gorfodi – Hysbysiad Ardal Gadwraeth
Porth Gwaith Achos Apeliadau (ACP)	Apeliadau	Hysbysiad Gorfodi
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Gorfodi – Tystysgrif Datblygiad Cyfreithlon
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Cynllunio – Dirwyn Hysbyseb i Ben
Porth Gwaith Achos Apeliadau (ACP)	Apeliadau	Cynllunio – Apêl Hysbysebu
Porth Gwaith Achos Apeliadau (ACP)	Apeliadau A78	Cynllunio – Gwasanaeth Apeliadau Masnachol (CAS)
Porth Gwaith Achos Apeliadau (ACP), gwasanaeth apelio yn erbyn penderfyniad cynllunio ac E-bost/Post/Partïon Allanol	Apeliadau A78	Cynllunio – Gwasanaeth Apeliadau Deiliaid Tai (HAS)
Porth Gwaith Achos Apeliadau (ACP) ac E-bost/Post/Partïon Allanol	Apeliadau A78	Cymeradwyaeth Ymlaen Llaw
Porth Gwaith Achos Apeliadau (ACP) ac E-bost/Post/Partïon Allanol	Apeliadau A78	Cynllunio – Cytundeb Adran 106
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Cynllunio – Apêl Cydsyniad Adeilad Rhestredig a Chydsyniad Ardal Gadwraeth
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Apeliadau Barnu’n Annilys
Porth Gwaith Achos Apeliadau (ACP), gwasanaeth apelio yn erbyn penderfyniad cynllunio ac E-bost/Post/Partïon Allanol	Apeliadau A78	Apêl Gynllunio (pob gweithdrefn)
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Hysbysiadau Prynu Arbenigol
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Apeliadau Systemau Draenio Cynaliadwy (SuDS)
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Proses sgrinio’r Ddeddf Cynllunio Gwlad a Thref
Porth Gwaith Achos Apeliadau (ACP) ac E-bost/Post/Partïon Allanol	Apeliadau	Proses adolygu Asesu Effeithiau Amgylcheddol (EIA) y Ddeddf Cynllunio Gwlad a Thref
Porth Gwaith Achos Apeliadau (ACP) ac E-bost/Post/Partïon Allanol	Ceisiadau yn ystod prosesu gan yr Arolygiaeth	Penderfyniadau ar Gostau
E-bost/Post/ Partïon Allanol	Apeliadau	Arbenigol – Gwrychoedd Uchel
E-bost/Post/ Partïon Allanol	Apeliadau	Arbenigol – Gorchymyn Cadw Coed
E-bost/Post/ Partïon Allanol	Apeliadau	Arbenigol – Hysbysiadau Ailblannu Coed
E-bost/Post/ Partïon Allanol	Apeliadau	Apêl Drafnidiaeth HS2
E-bost/Post/ Partïon Allanol	Apeliadau	Rheoliadau Trwyddedu Amgylcheddol
E-bost/Post/ Partïon Allanol	Apeliadau	Apeliadau Safle o Ddiddordeb Gwyddonol Arbennig (SoDdGA)
E-bost/Post/ Partïon Allanol	Apeliadau	Tir Halogedig
E-bost/Post/ Partïon Allanol	Apeliadau	Trwyddedu Morol
E-bost/Post/ Partïon Allanol	Apeliadau	Rheoli Gwastraff
E-bost/Post/ Partïon Allanol	Apeliadau	Tynnu Dŵr
E-bost/Post/ Partïon Allanol	Apeliadau	Apeliadau Sylweddau Peryglus
E-bost/Post/ Partïon Allanol	Apeliadau	Apeliadau Hysbysiad
E-bost/Post/ Partïon Allanol	Apeliadau	Arbenigol – Gwrychoedd
E-bost/Post/ Partïon Allanol	Apeliadau	Apeliadau Cyfyngiad
E-bost/Post/ Partïon Allanol	Apeliadau	Arbenigol – Hawliau Tramwy – Atodlen 14
E-bost/Post/ Partïon Allanol	Ceisiadau	Deddf Cynllunio Gwlad a Thref 1990 (Adran 62A)
Gwefan Cynllunio Seilwaith Cenedlaethol (NIP) ac E-bost/Post/ Partïon Allanol	Ceisiadau	Cais am Orchymyn Cydsyniad Datblygu (DCO)
Gwefan Cynllunio Seilwaith Cenedlaethol (NIP) ac E-bost/Post/ Partïon Allanol	Ceisiadau yn Uniongyrchol at yr Ysgrifennydd Gwladol (SoS)	Cais am gael gwneud Newid Ansylweddol/ Sylweddol i Orchmynion Cydsyniad Datblygu (DCO)
Gwefan Cynllunio Seilwaith Cenedlaethol (NIP) ac E-bost/Post/ Partïon Allanol	Ceisiadau	Prosesau Trawsffiniol Deddf Cynllunio 2008
Gwefan Cynllunio Seilwaith Cenedlaethol (NIP) ac E-bost/Post/ Partïon Allanol	Gwneud Cais neu Sylwadau ynglŷn â DCO	Cyngor a51 y Ddeddf Cynllunio
E-bost/Post/ Partïon Allanol	Ceisiadau	Arbenigol – Tir Comin o dan y deddfwriaethau isod: Deddf Tiroedd Comin 2006: Adran 16, Deddf Tiroedd Comin 2006: Adran 38, Deddf Tiroedd Comin 2006: Rhan 1, Deddf Caffael Tir 1981: Adran 19 ac Atodlen 1, Deddf yr Ymddiriedolaeth Genedlaethol 1971: Adran 23, Gorchymyn Parciau a Mannau Agored Llundain Fwyaf 1967, Cymeradwyo Cyfraddau’r Ardoll Tir Comin, Adran 15 Mesur Plwyfi Newydd 1943, Adran 193 Deddf Cyfraith Eiddo 1925, Cynlluniau rheoli o dan Ddeddf Tiroedd Comin 1899, Adran 9 Deddf Cefn Gwlad 1968, Deddfau Cau Tir, Deddfau lleol amrywiol a Deddfau Cadarnhau Gorchymyn Dros Dro (sy’n cynnwys codi ffioedd)
Gwefan Dod o Hyd i Gais Datblygu’r Goron ar gyfer ceisiadau datblygu’r Goron nad ydynt yn frys
E-bost/Post/ Partïon Allanol	Ceisiadau neu wneud sylwadau	Archwilio ceisiadau a wnaed o dan y llwybr Datblygiad y Goron nad yw’n frys o dan a293D ac a293J Deddf Cynllunio Gwlad a Thref 1990
E-bost/Post/ Partïon Allanol	Ceisiadau	Arbenigol – Hawliau Tramwy – Cyfarwyddiadau Atodlen 14
E-bost/Post/ Partïon Allanol	Ceisiadau	Ceisiadau A36 (Deddf Trydan 1989)
E-bost/Post/ Partïon Allanol	Ceisiadau – Argymhellion	Trwyddedau Sychder
E-bost/Post/ Partïon Allanol	Ceisiadau am Gostau ar gyfer Gwaith Achos a Dynnwyd yn Ôl	Penderfyniadau ar Gostau
E-bost/Post/ Partïon Allanol	Ceisiadau (Apeliadau)	Cynllunio – Cais Cynllunio a Alwyd i Mewn
E-bost/Post/ Partïon Allanol	Ceisiadau	Arbenigol – Fforddfreintiau Angenrheidiol a Thocio Coed
E-bost/Post/ Partïon Allanol	Ceisiadau	Tynnu Dŵr
E-bost/Post/ Partïon Allanol	Ceisiadau	Proses Gwmpasu Deddf Cynllunio 2008
E-bost/Post/ Partïon Allanol	Ceisiadau	Proses Sgrinio Deddf Cynllunio 2008
E-bost/Post/ Partïon Allanol	Ceisiadau	Deddf Cynllunio 2008 (Adran 52) – Cael gwybodaeth am fuddiannau mewn tir
E-bost/Post/ Partïon Allanol	Ceisiadau	Deddf Cynllunio 2008 (Adran 53) – Hawliau Mynediad
E-bost/Post/ Partïon Allanol	Archwiliadau	Cynlluniau Rheoli Adnoddau Dŵr
E-bost/Post/ Partïon Allanol/Trosglwyddiad Digidol	Archwiliadau	Cynlluniau Lleol
E-bost/Post/ Partïon Allanol/Trosglwyddiad Digidol	Archwiliadau	Ardoll Seilwaith Cymunedol (CIL)
E-bost/Post/ Partïon Allanol/Trosglwyddiad Digidol	Archwiliadau	Strategaeth Datblygu Gofodol
E-bost/Post/ Partïon Allanol	Gorchmynion	Gorchmynion Diwygio Harbyrau
E-bost/Post/ Partïon Allanol	Gorchmynion	Gorchmynion Sychder
E-bost/Post/ Partïon Allanol	Gorchmynion	Gorchmynion y Ddeddf Trafnidiaeth a Gweithfeydd
E-bost/Post/ Partïon Allanol	Gorchmynion	Gorchmynion y Ddeddf Priffyrdd
E-bost/Post/ Partïon Allanol	Gorchmynion	Awdurdod Cynllunio Lleol (ACLl) – Gorchmynion Rheoleiddio Traffig
E-bost/Post/ Partïon Allanol	Gorchmynion	Awdurdod Cynllunio Lleol (ACLl) – Gorchmynion Cau Bwrdeistrefi Llundain
E-bost/Post/ Partïon Allanol	Gorchmynion	Gorchmynion Tollau Fferïau a Phontydd
E-bost/Post/ Partïon Allanol	Gorchmynion	Gorchmynion Llwybrau Beicio
E-bost/Post/ Partïon Allanol	Gorchmynion	Gorchmynion Cau
E-bost/Post/ Partïon Allanol	Gorchmynion	Yr Adran Drafnidiaeth (DfT) – Gorchymyn Prynu Gorfodol (CPO)
E-bost/Post/ Partïon Allanol	Gorchmynion	Gorchmynion Ffyrdd Ymyl
E-bost/Post/ Partïon Allanol	Gorchmynion	Adran yr Amgylchedd, Bwyd a Materion Gwledig (DEFRA) – Gorchymyn Prynu Gorfodol (CPO)
E-bost/Post/ Partïon Allanol	Gorchmynion	Adolygu Hen Ganiatadau Mwynau (ROMPau) a Mwynau ad-hoc
E-bost/Post/ Partïon Allanol	Gorchmynion	Hysbysebion – Achosion yr Ysgrifennydd Gwladol (SoS)
E-bost/Post/ Partïon Allanol	Gorchmynion	Addasu a Dirymu Caniatâd Cynllunio
E-bost/Post/ Partïon Allanol	Gorchmynion	Busnes, Ynni a Strategaeth Ddiwydiannol (BEIS) – Gorchmynion Prynu Gorfodol (CPO)
E-bost/Post/ Partïon Allanol	Gorchmynion	Yr Adran Ffyniant Bro, Tai a Chymunedau (DLUHC) – Cynllunio – Gorchmynion Prynu Gorfodol (CPO)
E-bost/Post/ Partïon Allanol	Gorchmynion	Gorchmynion Hawliau Tramwy o dan y Deddfwriaethau isod: Deddf Bywyd Gwyllt a Chefn Gwlad 1981, Deddf Priffyrdd 1980, Deddf Cynllunio Gwlad a Thref 1990, Deddf Caffael Tir 1981
E-bost/Post/ Partïon Allanol	Adroddiadau Mynediad i’r Arfordir	Mynediad i’r Arfordir
E-bost/Post/ Partïon Allanol	Archwiliadau, Gorchmynion a Cheisiadau Amrywiol	Adran yr Amgylchedd, Bwyd a Materion Gwledig (DEFRA) – Ceisiadau ad-hoc
E-bost/Post/ Partïon Allanol	Archwiliadau, Gorchmynion a Cheisiadau Amrywiol	Yr Adran Drafnidiaeth (DfT) – Ceisiadau ad-hoc
E-bost/Post/ Partïon Allanol	Archwiliadau, Gorchmynion a Cheisiadau Amrywiol	Yr Adran Drafnidiaeth (DfT) – Meysydd Awyr
E-bost/Post/ Partïon Allanol	Archwiliadau, Gorchmynion a Cheisiadau Amrywiol	Yr Adran Ffyniant Bro, Tai a Chymunedau (DLUHC) – Ceisiadau ad-hoc