Rheoli meddyginiaeth a monitro cyflwr iechyd: newidiadau i gyfraith PIP rhwng 28 Tachwedd 2016 a 15 Mawrth 2017
Diweddarwyd 4 April 2022
© Hawlfraint y Goron 2022
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/personal-independence-payment-changes/71b4bcf0-3896-4777-a44d-b04c7080bf55
1. Cefndir
Wrth wneud cais am Daliad Annibyniaeth Bersonol (PIP), mae’r Adran Gwaith a Phensiynau (DWP) yn ystyried eich gallu i reoli meddyginiaeth a monitro cyflwr iechyd.
2. Newid i gyfraith PIP
O 28 Tachwedd 2016 bu newid yn y ffordd yr ydym yn asesu’r angen am oruchwyliaeth, anogaeth neu gymorth i reoli meddyginiaeth a monitro cyflwr iechyd. Newidiwyd y gyfraith eto ar 16 Mawrth 2017.
Bydd DWP nawr yn edrych a oedd angen goruchwyliaeth, anogaeth neu gymorth arnoch i reoli meddyginiaeth a monitro cyflwr iechyd rhwng 28 Tachwedd 2016 a 15 Mawrth 2017 yn unig.
3. Beth mae hyn yn ei olygu i chi
Rydym yn edrych ar hawliadau PIP sydd, yn ein barn ni, yn fwyaf tebygol o gael eu heffeithio gan y newid hwn ac yn gymwys i gael mwy o gefnogaeth. Mae hyn yn cynnwys edrych eto ar rai hawliadau y gwnaethom benderfynu arnynt ar neu ar ôl 28 Tachwedd 2016 a chyn 16 Mawrth 2017 lle na wnaethom ddyfarnu PIP.
Ni fyddwn yn edrych eto ar hawliadau os dyfarnwyd cyfradd uwch rhan bywyd bob dydd i PIP:
- yn barhaus ers 28 Tachwedd 2016
- o ddechrau eich cais os gwnaethoch hawlio PIP ar ôl 28 Tachwedd
Os penderfynwn y dylech gael mwy o PIP yna bydd eich dyfarniad fel arfer yn cael ei ôl-ddyddio i 28 Tachwedd 2016, neu os gwnaethoch hawlio PIP ar ôl 28 Tachwedd 2016 wedi’i ôl-ddyddio i’r dyddiad y gwnaethoch ddechrau cael PIP.
Dim ond tan 15 Mawrth 2017 y gellir talu PIP ychwanegol gan fod cyfraith PIP wedi newid ar 16 Mawrth 2017.
Nid ydym yn bwriadu eich gwahodd i asesiad wyneb yn wyneb fel rhan o’r adolygiad hwn.
Mae’r newid i sut mae rheoli meddyginiaeth a monitro cyflwr iechyd yn cael ei ystyried yn ganlyniad i ddyfarniad Uwch Dribiwnlys. Newidiodd y dyfarniad hwn hefyd gyfraith PIP ar gyfer diet arbennig fel therapi o 28 Tachwedd. 2016.
4. Help gyda PIP
Gallwch gysylltu â sefydliad cymorth lleol neu Cyngor ar Bopeth i gael help i ddeall PIP.