Cydraddoldeb Ethnigrwydd yn y Swyddfa Eiddo Deallusol
Updated 5 November 2026
© Crown copyright 2026
This publication is licensed under the terms of the Open Government Licence v3.0 except where otherwise stated. To view this licence, visit nationalarchives.gov.uk/doc/open-government-licence/version/3 or write to the Information Policy Team, The National Archives, Kew, London TW9 4DU, or email: psi@nationalarchives.gov.uk.
Where we have identified any third party copyright information you will need to obtain permission from the copyright holders concerned.
This publication is available at https://www.gov.uk/government/publications/ethnicity-equality-at-the-ipo/cydraddoldeb-ethnigrwydd-yn-y-swyddfa-eiddo-deallusol
Cynrychiolaeth y gweithlu
Mae 8.3% o’n pobl wedi datgan eu bod yn dod o gefndir lleiafrif ethnig, gyda 4.56% yn Asiaidd, 1.46% yn Ddu ac 1.98% yn rhai o gefndir cymysg/arall.
Mae annog cydweithwyr i rannu gwybodaeth am amrywiaeth yn ein helpu i ddeall ein gweithlu’n well, nodi rhwystrau, a thargedu cymorth lle bod angen. Rydym am barhau i adeiladu gweithle lle gall pobl dalentog o bob cefndir deimlo eu bod yn perthyn a ffynnu. Rydym hefyd eisiau i’n gweithlu adlewyrchu’n fwy am yr amrywiaeth yn y cymunedau rydym yn recriwtio ohonynt.
Mae’r holl fesurau / ffigurau wedi’u cymryd o Arolwg Blynyddol Cyflogaeth y Gwasanaeth Sifil (ACSES) 2026.
Bwletin Bwlch Cyflog Ethnigrwydd y Gwasanaeth Sifil
Dileu gwahaniaethu, aflonyddu ac erledigaeth
Nid ydym yn goddef gwahaniaethu, aflonyddu na dioddef-driniaeth. Rydym yn cynnal polisïau, canllawiau a llwybrau adrodd sydd wedi’u llunio i gefnogi cydweithwyr ac i fynd i’r afael ag ymddygiad amhriodol pan fydd yn digwydd.
Rydym yn parhau i ddatblygu rheolwyr ac arweinwyr i greu amgylcheddau gwaith cynhwysol, ac i ymateb yn briodol i bryderon a godir gan ein pobl. Mae ystyriaethau cydraddoldeb wedi’u hymgorffori mewn datblygu polisi, gwneud penderfyniadau a newid sefydliadol, trwy ddefnyddio Asesiadau o’r Effaith ar Gydraddoldeb.
Hyrwyddo cyfle cyfartal
Rydym yn gweithio i nodi a lleihau rhwystrau a allai effeithio ar recriwtio, dilyniant gyrfa, datblygiad a chyfranogiad.
Mae ein gweithgareddau’n cynnwys:
-
monitro data a thueddiadau amrywiaeth y gweithlu
-
adolygu arferion recriwtio a dyrchafu
-
cefnogi talent a chyfleoedd datblygu cynhwysol
-
gweithio gyda rhwydweithiau staff i ddeall profiadau byw
-
gwella ansawdd data amrywiaeth er mwyn llywio penderfyniadau yn well
Rydym yn cydnabod pwysigrwydd deall ble mae rhwystrau’n bodoli, a chymryd camau sy’n seiliedig ar dystiolaeth i fynd i’r afael â nhw.
Meithrin perthnasoedd da
Ein nod yw creu amgylchedd lle mae pobl o bob cefndir yn teimlo eu bod yn cael eu gwerthfawrogi a’u parchu, ac yn gallu cyfrannu’n llawn.
Rydym yn cefnogi amrywiaeth o weithgareddau dysgu, ymwybyddiaeth ac ymgysylltu sy’n hyrwyddo dealltwriaeth o ddiwylliannau, profiadau a safbwyntiau gwahanol. Mae ein rhwydweithiau staff yn chwarae rhan bwysig wrth godi ymwybyddiaeth, darparu cymorth gan gymheiriaid, a’n helpu i wella ein polisïau a’n harferion.
Gwybodaeth bellach
Gallwch ddod o hyd i ragor o wybodaeth am ein hamcanion cydraddoldeb ar ein tudalen ar Ddyletswydd Cydraddoldeb yn y Sector Cyhoeddus, yn ogystal â gwybodaeth am ein gwaith fwy eang i hyrwyddo cynhwysiant a theimlad o berthyn ar draws yr IPO.