Awdurdodi ymgynghorydd i ddelio â’ch Tâl Treth Budd-dal Plant Incwm Uchel
Defnyddiwch y gwasanaeth ffurflen ar-lein neu ffurflen bost CH995 i ganiatáu i ymgynghorydd treth neu gyfrifydd weithredu ar eich rhan mewn perthynas â materion sy’n gysylltiedig â’r Tâl Treth Budd-dal Plant Incwm Uchel.
Dogfennau
Manylion
Gallwch awdurdodi ymgynghorydd treth (er enghraifft, cyfrifydd) i weithredu ar eich rhan i ddelio ag unrhyw faterion sy’n gysylltiedig â’ch Tâl Treth Budd-dal Plant Incwm Uchel.
Er mwyn awdurdodi ymgynghorydd treth drwy ddefnyddio’r gwasanaeth ar-lein, bydd angen Dynodydd Defnyddiwr (ID) a chyfrinair Porth y Llywodraeth arnoch. Os nad oes gennych Ddynodydd Defnyddiwr, gallwch greu un pan fyddwch yn defnyddio’r gwasanaeth.
Ar ôl iddo gael ei awdurdodi, bydd yn gallu cysylltu â’r Swyddfa Budd-dal Plant:
- ynghylch unrhyw daliadau Budd-dal Plant rydych wedi’u cael
- os byddwch yn penderfynu stopio neu ailddechrau’ch taliadau Budd-dal Plant
- i drafod materion mewn perthynas â’ch Budd-dal Plant ar eich rhan
Mae’n rhaid i’r person a hawliodd Fudd-dal Plant lenwi’r ffurflen.
Rhaid i chi roi gwybod i’r Swyddfa Budd-dal Plant ar unwaith os ydych am gael gwared â’ch ymgynghorydd treth enwebedig, neu ei newid, a chanslo’r awdurdodiad hwn.
Pan fyddwch yn defnyddio’r gwasanaeth ffurflen ar-lein
Rhoddir cyfeirnod i chi pan fyddwch yn cyflwyno’r ffurflen ar-lein. Gallwch ddefnyddio’r cyfeirnod hwn i ddilyn hynt y ffurflen.
Os byddwch yn defnyddio’r ffurflen argraffu ac anfon
Yn lle gwneud cais ar-lein, gallwch lenwi’r ffurflen ar y sgrin, ei hargraffu a’i hanfon atom.
Bydd angen i chi lenwi’r ffurflen yn ei chyfanrwydd cyn i chi allu’i hargraffu. Ni allwch gadw ffurflen sydd wedi’i llenwi’n rhannol, felly gwnewch yn siŵr bod gennych yr holl wybodaeth sydd ei hangen arnoch cyn i chi ddechrau ei llenwi.
Bydd angen y canlynol arnoch:
- eich rhif Yswiriant Gwladol (mae hwn i’w weld ar eich slip cyflog, P60 neu Ffurflen Dreth)
- enw cyntaf, cyfenw a dyddiad geni’ch plentyn
- enw neu enw busnes, a chyfeiriad eich ymgynghorydd treth
Anfonwch eich ffurflen i:
Swyddfa Budd-dal Plant
Gwasanaeth Cwsmeriaid Cymraeg CThEM
Tŷ Thedford
Stryd Fawr
Porthmadog
LL49 9BF
Os anfonwch y ffurflen drwy’r post, ni allwch ddilyn ei hynt ar-lein.
Os na allwch ddefnyddio’r gwasanaeth ar-lein, na llenwi’r ffurflen ar y sgrin, gallwch ei hargraffu, ei llenwi â llaw a’i hanfon i’r cyfeiriad uchod.
Cyn i chi ddechrau
Os ydych yn defnyddio hen borwr (er enghraifft Internet Explorer 8) bydd angen i chi ei ddiweddaru neu ddefnyddio porwr gwahanol. Rhagor o wybodaeth am borwyr. Os ydych yn defnyddio dyfais symudol (er enghraifft ffôn clyfar, iPad neu lechen arall) gwnewch yn siŵr eich bod yn gallu argraffu o’ch dyfais cyn dechrau.
Ffurflenni ac arweiniad cysylltiedig
Hawlio Budd-dal Plant a delio ag ef ar ran rhywun arall
Arweiniad ar sut i ddelio â’r Swyddfa Budd-dal Plant ar ran rhywun arall.
Diweddarwyd ddiwethaf ar 4 March 2021 + show all updates
-
The 'If you use the print and post form' section has been updated so that you no longer need your Child Benefit number to complete the print and post form when applying to authorise an adviser to deal with your High Income Child Benefit Charge.
-
A Welsh translation has been added.
-
Guidance has been updated to show you can no longer use form 64/8 to authorise a tax adviser.
-
A new tax adviser print and post form is available to use
-
A new online form is available to use.
-
Welsh translation added.
-
First published.