Newyddion y Comisiwn Elusennau: Hydref 2025
Diweddarwyd 24 Hydref 2025
Yn berthnasol i Loegr a Chymru
© Hawlfraint y Goron 2025
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/charity-commission-news/newyddion-y-comisiwn-elusennau-hydref-2025
Cyfrif i lawr i Wythnos yr Ymddiriedolwyr 3-7 Tachwedd 2025
Mae Wythnos yr Ymddiriedolwyr yn ddathliad blynyddol o’r effaith anhygoel a wneir gennych chi a’ch cyd-ymddiriedolwyr - gan gynnwys y bron i filiwn o ymddiriedolwyr o bob cwr o’r DU.
Cymerwch ran trwy gofrestru ar gyfer ystod eang o ddigwyddiadau ar draws yr wythnos, sy’n cefnogi ymddiriedolwyr gyda themâu fel sut i feithrin eich hyder, llywio argyfwng ac ymdrin â risg. Gall eich elusen hefyd gymryd rhan trwy lawrlwytho postiadau creadigol o’n pecyn cymorth digidol i’w rhannu ar draws eich sianeli cyfathrebu.
Mynd i wefan Wythnos yr Ymddiriedolwyr
Risgiau allweddol sy’n wynebu elusennau - adroddiad newydd
Y mis diwethaf cyhoeddwyd yr Asesiad Risg Sector Elusennau blynyddol cyntaf, a gynhyrchwyd i gefnogi ymddiriedolwyr ac arweinwyr elusennau i ddeall y dirwedd risg a chefnogi eu prosesau gwneud penderfyniadau. Gan dynnu ar ystod o ddata a gwybodaeth o ffurflenni blynyddol a’n gwaith achos, mae’n nodi risgiau systemig fel i wydnwch ariannol ac i fudd y cyhoedd. Rydym yn annog elusennau i ystyried yr adroddiad wrth iddynt adolygu eu risgiau eu hunain. Mae’n cyfeirio at ystod o’n canllawiau perthnasol i’ch cefnogi chi.
Darllen adroddiad asesiad risg y sector elusennol 2025
Cymorth i reoli eich cyllid
Gyda thystiolaeth gynyddol o bwysau ariannol ar draws y sector, mae ein canllawiau rheoli ariannol yma i’ch cefnogi. Cyfrifoldeb pob ymddiriedolwr yw cyllid, nid y trysorydd yn unig, ac mae’n bwysig bod yn barod ar gyfer unrhyw sefyllfaoedd a all godi. Rydym wedi tynnu ynghyd amrywiaeth o offer ac adnoddau i roi cymorth ymarferol i chi gan gynnwys rhestrau gwirio, canllawiau perthnasol a gwiriwr iechyd ariannol.
Pecyn Cymorth Cyllid Ymddiriedolwyr
SORP – y rheolau cyfrifyddu elusennol
Cyn cyhoeddi’r SORP Elusen 2026 newydd, a ddisgwylir yn ddiweddarach y mis hwn, mae’r corff sy’n gwneud SORP wedi cyhoeddi blog diweddaru.
Mae hefyd am atgoffa elusennau bod angen iddynt baratoi ar gyfer rhai newidiadau hanfodol i ofynion sy’n cael eu cyflwyno i safon gyfrifyddu’r DU a fydd yn berthnasol i’r rhai sy’n cynhyrchu cyfrifon SORP.
Cod Ymarfer Codi Arian Newydd
Fe ddaw Cod Ymarfer Codi Arian newydd y Rheoleiddiwr Codi Arian i rym ar 1 Tachwedd 2025. Mae’r cod diwygiedig yn gliriach, yn fwy hyblyg ac yn fwy addas ar gyfer codi arianmewn modd modern. Er mwyn cefnogi sefydliadau i gymhwyso’r cod newydd, maent wedi cyhoeddi set o ganllawiau cymorth. I gael gwybod rhagor am gyfrifoldebau allweddol ymddiriedolwyr a sut mae’r cod newydd yn rhyngweithio â gwaith y Comisiwn Elusennau, cofrestrwch ar gyfer gweminar y Rheoleiddiwr Codi Arian ar 6 Tachwedd 2025.
Nodiadau Atgoffa
Ffurflenni Blynyddol – gwnewch yn siŵr eich bod wedi paratoi cyn dyddiad cau ffeilio eich elusen. Darllenwch ein canllawiau ar sut i gyflwyno eich ffurflen flynyddol. Gallwch fewngofnodi i’r gwasanaeth ar-lein i ffeilio eich ffurflen flynyddol.
Dyddiad ar gyfer eich dyddiadur – Wythnos Ymwybyddiaeth Twyll Elusennau 8-12 Rhagfyr 2025.