માર્ગદર્શન

સર્વાઈકલ સ્ક્રીનીંગ કે ગર્ભાશયના નીચેના ભાગને લગતી તપાસ: આમંત્રણો (Gujarati)

અપડેટ થયેલ 23 May 2025

Applies to England

અમે તમને NHS સર્વાઈકલ સ્ક્રીનીંગ એટલેકે ગર્ભાશયના મુખની તપાસ (જે અગાઉ સ્મિઅર ટેસ્ટ તરીકે કહેવામાં આવતુ હતું) માટે આમંત્રિત કરવા પત્ર લખી રહ્યા છીએ. અમે 25 થી 64 વર્ષની ઉંમરની સર્વિકસવાળા કે ગર્ભાશય ગ્રીવાવાળી બધીજ મહિલાઓ અને લોકોને તપાસ કરવાની ઓફર કરીએ છીએ, કે જે સર્વાઈકલ કેન્સર અટકાવી જીવનો બચાવવા માટે મદદ કરે છે.

વૈકલ્પિક રચનામાં આ કાગળ મેળવવા માટે, ઈમેઈલ મોકલો england.contactus@nhs.net અથવા 0300 311 22 33 પર ફોન કરો. એપોઈન્ટમેન્ટ બુક કરવા અથવા તમારા પરિણામો માટે પૂછવા આ વિગતોનો ઉપયોગ કરશો નહિ, કારણ કે તમારા ફોન અથવા ઈમેઈલનો જવાબ આપતા સ્ટાફ મદદ કરી શકશે નહિ.

તમારી એપોઈન્ટમેન્ટ કેવી રીતે બુક કરવી

 સર્વાઈકલ સ્ક્રીનીંગ એપોઈન્ટમેન્ટ બુક કે નોંધાવા માટે તમારી જીપી (GP) સર્જરિનો સંપર્ક કરો.

અમુક લૈંગિક કે સેકસ્યુઅલ આરોગ્ય ક્લિનિકસ પણ સર્વાઈકલ સ્ક્રીનીંગ ઓફર કરે છે. વધારે જાણવા માટે તમારી સ્થાનિક સેકસ્યુઅલ આરોગ્ય ક્લિનિકનો સંપર્ક કરો: https://www.nhs.uk/sexual-health-clinic-finder

મારે શા માટે એપોઈન્ટમેન્ટ બુક કરવી જોઈએ?

ચોકકસ પ્રકારોના મનુષ્યને લગતા પેપિલોમાવાઈરસ (papillomavirus) (HPV) માટે સર્વાઈકલ સ્ક્રીનીંગ તપાસ કરે છે. આવા ‘ઉચ્ચ જોખમ’ પ્રકારોના HPV 99% થી વધારે સર્વાઇકલ કેન્સરમાં મળી શકે છે. જો અમને તમારા સ્ક્રીનીંગ નમૂનામાં આમાંથી કોઈ એક HPV પ્રકારો મળે તો, અમે અસામાન્ય કોષ ફેરફારો માટે તપાસ કરીશું. કોઈ પણ ફેરફારોને વહેલાસર જાણી અને સારવાર કરવાથી, આપણે સર્વાઈકલ કેન્સરના મોટા ભાગના કિસ્સાઓ અટકાવી શકીએ.

પહેલી વખત તમે જાતીય સંપર્ક કરવાથી તમને HPV થઈ શકે, અને તે મેળવવા માટે તમારે જાતીય સંભોગ કરવાની જરૂર નથી. તમને તે થઈ શકે પછી ભલે તમારી પાસે એકજ સરખા લૈંગિક સાથીદાર લાંબા સમયથી હોય અથવા ઘણા વર્ષો માટે લૈંગિકરીતે સક્રિય રહ્યા ન હોય. તમારા જાતીય અભિગમ કે સંસ્કરણને ધ્યાનમાં લીધા સિવાય અથવા જો તમે HPV રસી લીધી હોય તો હજી પણ તમને HPV થઈ શકે.

જો તમે સર્વાઈકલ સ્ક્રીનીંગ વિષે ચિંતિત હો તો સપોર્ટ કે ટેકો

સર્વાઈકલ સ્ક્રીનીંગ એપોઈન્ટમેન્ટો ફકત 5 થી 10 મિનિટોનો સમય લે છે, પણ જો તમને વધારે સમય જોઈતો હોય તો તમે લાંબા સમય માટે વિનંતી કરી શકો. તમે કોઈ એક મહિલા નર્સ અથવા ડોકટર માટે પણ વિનંતી કરી શકો અને તમારા સપોર્ટ માટે કોઈ એક વ્યક્તિને રૂમમાં લાવી શકો. તમારી એપોઈન્ટમેન્ટ દરમિયાન, તમે જુદી સ્થિતિમાં સૂવાની અને તમારા માટે વધારે આરામદાયક કસોટી કરવા વધારે નાની સ્પેકયુલમ કે પારદર્શક યંત્રની વિનંતી કરી શકો.

HPV અને સર્વાઈકલ કેન્સરની એપોઈન્ટમેન્ટ દરમિયાન શું બને છે તે વિષે, આ સાથે વધારે માહિતીની પત્રિકા બીડેલ છે. તમને ડિજિટલ, સરળ વાંચન અને બીજી ભાષામાં વૃતાન્તો મળી શકે https://www.gov.uk/cervical-screening-guide

જો તમને ચિંતિત લાગે અથવા સર્વાઈકલ સ્ક્રીનીંગમાં હાજર રહેવા માટે, મદદની જરૂર રહે તો સલાહ અને સપોર્ટ મળી રહે છે https://www.gov.uk/cervical-screening-support

વધારે માહિતી

તમારી સ્ક્રીનીંગ ટેસ્ટ કરતા ડોકટર અથવા નર્સ તમને જણાવશે કે કેવી રીતે અને કયાં તમે તમારું પરિણામ મેળવવાની અપેક્ષા રાખી શકો, અને તેઓને તમારા પરિણામ પણ જણાવશે  જો તમે તમારા સરનામા અથવા સંપર્કની વિગતોમાં ફેરફાર કરો તો તમારી જીપી (GP) સર્જરિને જણાવશો.

જો તમને નીચે જણાવેલ કોઈ પણ લક્ષણો હોય તો, કે જે તમારા સર્વાઈકલ સ્ક્રીનીંગ ઈતિહાસને ધ્યાનમાં લીધા વિના શકય હોય તેટલા જલદીથી જીપી (GP) સર્જરિની સાથે વાતચીત કરશો:

• યોનિમાર્ગમાંથી કે વજાઈનામાંથી રકતસ્ત્રાવ જે તમારા માટે અસામાન્ય હોય – અને જેમાં જાતીય સંભોગ દરમિયાન અથવા પછી, તમારા માસિક સ્રાવ અથવા રજો નિવૃતિકાળ કે મેનોપોઝ વચ્ચે અથવા સામાન્ય કરતાં વધારે ભારે માસિક રકતસ્રાવ હોય તેના સમાવેશ સાથે
• તમારા યોનિમાર્ગમાંથી થતાં ડિસચાર્જ માટે ફેરફારો
• જાતીય સંભોગ દરમિયાન પીડા કે દુખ
• તમારી પીઠના નીચેના ભાગમાં, તમારી નિંતબ કે કટિના હાડકાઓ વચ્ચે (બસ્તિપ્રદેશ કે પેલ્વિસ), અથવા તમારા પેટની નીચેનામાં દુખાવો થાય

સર્વાઈકલ સ્ક્રીનીંગ અને HPV વિષે વધારે માહિતી માટે કે જેમાં તમારી એપોઈન્ટમેન્ટ વખતે શું થાય છે અને કેવી રીતે બુક કરવી માટે, મુલાકા લો https://www.nhs.uk/cervical.  જો તમને કોઈ વધારે ચિંતાઓ અથવા પ્રશ્નો હોય તો, જીપી (GP) સાથે વાતચીત કરો. 

આપના સ્નેહાધીન,

તમારા જીપી (GP) વતી NHS સર્વાઈકલ સ્ક્રીનીંગ પ્રોગ્રામ