تشویقي مواد

د رحم سکرینینګ: لیفلټ د هغو میرمنو لپاره چې د سکرینینګ په اړه سوچ کوي (Pashto)

تازه شوی 1 July 2025

Applies to England

تاسو دا غوره کولای شئ چې ایا تاسو په رحم سکرینینګ کې برخه اخلئ که نه. دا پاڼه موخه لري چې له تاسو سره په پریکړه کولو کې مرسته وکړي. د رحم سکرینینګ ته پخوا د ‘سمیر ټیسټ’ ویل کیده. 

1. ولې NHS د رحم سکرینینګ وړاندیز کوي 

موږ ستاسو ته د رحم د نالۍ سکرینینګ وړاندیز کوو چي ستاسو د رحم د غاړې روغتیا وڅیړو او د رحم د سرطان مخنیوي کې مرسته وکړو. موږ د لوړ خطر لرونکي انساني پاپیلوما ویروس (HPV) په لټه کې یو. دا ځکه چې دا کولی شي داسي غیر معمولي بدلونونه پیدا کړي چې ممکن د رحم د سرطان لامل شي. 

د هر ډول بدلونونو ژر موندل او درملنه کولی شي د رحم د ډېرو سرطانونو مخنیوی وکړي. د رحم سرطان اکثرا هغه میرمنې او هغه خلک اغیزمن کوي ​​چې تر 45 کلونو کم عمر لري، مګر غیر معمولي بدلونونه په هر عمر کې پیښېدلای شي. 

د رحم د نالۍ سکرینینګ په برتانیا کې هر کال د زرګونو ژوند ژغوري. 

د رحم د نالۍ منظم سکرینینګ مهم دی. تاسو لا هم د رحم د سرطان له خطر سره مخامخ یاست ان که تاسو: 

• د HPV واکسین لګولي وي 

• فقط 1 جنسي ملګری لرئ  

• جنسي منډل مو نه وي ترسره کړي 

• له اوږدې مودې دا یو ملګری لرئ، یا مو جنسي تماس نه وي نیولی 

• یوه لیزبین یا دوه جنسه یاست 

• یو ټرانس (نرښځی) سړی یا یو داسي نان بائنری کس یاست چې رحم لري 

• یو سب ټوټل (جزوی) هسټرېکټومي لرئ چې ستاسو رحم نه وي لرې کړی شوی 

که تاسو ټوټل هسټرېکټومي یعني بشپړ رحم لرې کړی وي، بیا نو تاسو بېخي رحم یا زیلاننځ نه لرئ. مانا دا چې تاسو د رحم سکرینینګ ته اړتیا نلرئ. 

2. هغه څوک چې موږ د رحم سکرینینګ لپاره بلنه ورکوو 

موږ په منظم ډول په هرو 5 کلونو کې له 25 څخه تر 64 کلونو میرمنو ته بلنه ورکوو. د رحم ډیری سرطانونه د دې عمرونو ترمنځ وده کوي. 

ستاسو جي پي سرجري موږ ته ستاسو د اړیکو معلومات راکوي. مهرباني وکړئ ځان ډاډه کړئ چې ایا دوی ستاسو سم توضیحات لري، پشمول ستاسو: 

• نوم 

• د زیږون نیټه 

• پته 

• د موبایل شمیره 

• د بریښنالیک پته 

ستاسو په بلنه کې به تاسو ته د رحم د سکرینینګ بک کولو په اړه معلومات درکول شي. تاسو کولی شئ ژر تر ژره بکینګ وکړئ کله چې تاسو ته بلنه درکول شي. 

ټرانس نارینه یعني نرښځيان او غیر بائنري خلک چې رحم لري هم د رحم د سکرینینګ لپاره وړ دي. تاسو څنګه بلنه درکول کیږئ هغه پدې پورې اړه لري چې ستاسو جنس ستاسو د جي پي د ناروغانو ریکارډ کې څنګه ثبت شوی وي: 

• که تاسو د ښځینه په توګه لیست شوي یاست، تاسو په به په اتوماتيک ډول بلنه درکول شي. 

• که نه، نو تاسو کولی شئ د معمول بلنو ترلاسه کول”غوره کړئ”. تاسو کولی شئ دا د رحم د سکرینینګ چمتو کونکي سره په تماس نیولو سره دا کار کړئ، لکه ستاسو جي پي، د جنسي روغتیا کلینیک یا د ټرانس روغتیا کلینیک. 

که تاسو ډاډه نه یاست، نو له خپل جي پي سره تماس ونیسئ. نور معلومات دلته ترلاسه کړئ  information on screening for transgender and non-binary people. 

3. د رحم سرطان او HPV 

د رحم سرطان یو داسي سرطان دی چې د رحم په هر ځای کې موندل کیږي. 

سرویکس یعني د رحم نالۍ ستاسو له کوس څخه ستاسو زیلانځ ته لاره جوړوي. دا د تناسلي سیسټم برخه ده او ځینې وختونه د رحم د غاړې په نوم یادیږي.

دا هغه رسم دی چي د رحم د موقعیت ښیې 

نږدې ټول د رحم سرطانونه د انساني پاپیلوما ویروس (HPV) د ځینې لوړ خطر ډولونو سره د وړجنتیا یعني انتان له امله رامینځته کیږي. 

HPV د ویروسونو د یوې بېخي عامې ډلې نوم دی. ډیری HPV ویروسونه ټیټ خطر لري او هیڅ ستونزه نه جوړوي. 

د HPV ویروسونه په اسانۍ سره خپریږي. کېدلای شي چي تاسو له هر ډول جنسي تماس څخه HPV واخلئ، په شمول د: 

• په تناسلي ساحې کې د پوستکي او پوستکي ترمنځ هر ډول تماس 

• په کوس، کونه یا خوله سېکس کول 

• د سېکس ټایز یعني جنسي آلاتو شریکول 

بیا هم کېدلای شي چي تاسو HPV واخلئ ان که تاسو په سېکس کې منډل و نه کړی. ډیری خلک د خپل ژوند په جریان کې یو نه یو ډول HPV یو ډول اخلي. په دې کې د شرم یا خېرزه کېدلو هیڅ خبره نسته. 

کېدلای شي چي تاسو ډیرو کلونو HPV ولرئ حتی که تاسو په جنسي توګه فعال نه یاست یا نوی ملګری نه لرئ. HPV تل نخښې نښانې نه رامینځته کوي، نو تاسو ممکن نه پوهیږئ چې تاسو یې لرئ. 

ستاسو بدن به معمولا د HPV څخه پاک شي، مګر که چیرې د لوړ خطر HPV ستاسو په بدن کې پاتې شي، نو دا کولی شي ستاسو د رحم په حجرو کې بدلونونه رامینځته کړي. دا بدلونونه ممکن د رحم په سرطان بدل شي که چیرې درملنه یې ونشي. 

که تاسو د HPV لوړ خطر ډول نلرئ، نو دا ډېر امکان نلري چې تاسو به د رحم په سرطان اخته شئ. پدې کې شامل دي که تاسو دمخه په خپل رحم کې غیر معمولي حجروي بدلونونه درلودل. 

4. د رحم د نالۍ سکرینینګ څنګه ترسره کېږي 

د رحم د غاړې سکرینینګ معمولا د ښځینه نرس یا ډاکټر لخوا ترسره کیږي. تاسو کولی شئ د دې غوښتنه وکړئ کله چې تاسو خپل اپواینټمنټ لرئ، او ستاسو جي پي سرجري یا د جنسي روغتیا کلینیک به ډاډ ترلاسه کړي چې ښځینه روغتیایی مسلکي هلته وي. 

دوی به ستاسو د رحم څخه د حجرو نمونه په نرم برش سره په لابراتوار کې د ازموینې لپاره واخلي. له دې وروسته، ډیری خلک به نورو ازموینو ته اړتیا ونلري. 

که موږ ستاسو په نمونه کې د لوړ خطر HPV ومومو، موږ په حجرو کې د هر ډول غیر معمولي بدلونونو لپاره هم ګورو. دا د رحم د نالۍ سکرینینګ پایلو په ښه دقیق کولو کې مرسته کوي. 

که موږ بدلونونه ومومو، تاسو ممکن د کولپوسکوپي په نوم یوې بلې ازموینې ته اړتیا ولرئ چي ستاسو رحم ډیر له نږدې وګوري. موږ به تاسو ته د دې په اړه د بحث لپاره د یوه اپواینټمنټ وړاندیز وکړو که تاسو ورته اړتیا لرئ. 

5. ستاسو په اپواینټمنټ کې 

نرس یا ډاکټر به تاسو ته تشریح کړي چې ستاسو د سکرینینګ په هر پړاو کې به څه څه کېږي: 

1. تاسو به تر ملا لاندي د جامو ایستلو لپاره محرمیت ولرئ. تاسو ممکن وغواړئ یو داسي څه واغوندئ چې په تاسو باندي پاته شي، لکه اوږد جمپر، کمیس یا لمنه. 

2. تاسو ته به د سکرینینګ پرمهال یو کاغز یا تولیه درکول شي چي د خپلې ملا سیمه یې واچوئ. 

3. تاسو به معمولا ستوني ستغ ملاسته یاست چي لېنګي به مو راټول وي، پښې به مو سره یوځای وي او زنګونونه به مو جلا وي. تاسو کولی شئ په بل حالت کې د پرېوتلو غوښتنه وکړئ، لکه پر اړخ باندي. ځینې وختونه، تاسو ممکن د ازموینې پرمهال د پروت بدلولو ته اړتیا ولرئ. 

4. نرس یا ډاکټر به په نرمۍ سره ستاسو په کوس کې یو نرم، ټیوب شکل لرونکی آله درننه باسي چې سپیکولم نومیږي. دوی ممکن د کوم تکلیف کمولو کې د مرستې لپاره لږ څه غوړ وکاروي. تاسو کولی شئ د کوچني سپیکولم غوښتنه وکړئ. تاسو دا هم کولی شئ چي په لومړي سر کې پخپله سپیکولم دننه کولو غوښتنه وکړئ. 

5. دوی به ستاسو د رحم د لیدلو لپاره سپیکولم پرانیزي. د نرم برش په کارولو سره، دوی به ستاسو د رحم د حجرو یوه کوچنۍ نمونه واخلي. تاسو ممکن یو څه تکلیف احساس کړئ. تاسو کولی شئ د ساه اخیستلو تمرینونه هڅه وکړئ چي له تاسو سره په هوساینه کې مرسته وکړي. 

6. دوی به سپیکولم وتړي او ایسته به یې کړي او تاسو به د جامو اغوستلو ته پریږدي. دوی کولی شي تاسو ته ټیشو کاغز درکړي چي هر ډول غوړ پاک کړئ. 

د رحم د نالۍ سکرینینګ ازموینه پخپله باید تر 5 دقیقو څخه کم وخت ونیسي. ټوله ناسته باید شاوخوا 10 دقیقې وخت ونیسي. 

نرس یا ډاکټر به ستاسو د ملاتړ لپاره روزل شوی وي. تاسو دا هم کولی شئ چي یو څوک له ځان سره راولئ، لکه دوست، خپلوان، ملګری یا سپورټ ورکر. دوی کولی شي ستاسو د ملاقات په جریان کې له تاسو سره په خونه کې وي. 

که تاسو اړتیا لرئ تر خپل سکرینینګ مخکې خپله مثانه خالي کړئ، نو نرسې یا ډاکټر ته خبر ورکړئ. تاسو کولی شئ د لا نورې آرامۍ احساس کولو کې د مرستې لپاره د سمون غوښتنه وکړئ او که تاسو کوم درد احساس کوئ نو تاسو باید ووایاست.  

تاسو کولی شئ په NHS.UK کې watch a video of a cervical screening د رحم د نالۍ د سکرینینګ ویډیو وګورئ. دا د بدن دننه یو انځور شوی لید ښیې، او درته تشریح کوي چې د ازموینې په جریان کې څه پیښیږي. 

6. عملي لارښوونې او ملاتړ 

تاسو ممکن ستاسو د رحم د نالۍ د سکرینینګ کې د ګډون لپاره ملاتړ ته اړتیا ولرئ. کله چې تاسو بک کوئ، نو خپلې جي پي سرجري یا جنسي روغتیا کلینیک ته ووایاست که تاسو کومو معقولو تعدیلاتو ته اړتیا لرئ، لکه: 

• اوږد یا دوه ځله اپواینټمنټ 

• په نورو ژبو یا بڼو کې معلومات یا ترجمان 

• ستاسو سره په خونه کې یو سرپرست (د کارمندانو بل روزل شوی غړی) 

• د باوري ډاکټر یا نرس سره اپواینټمنټ چې تاسو لالمخه ورسره ښې اړیکې لرئ 

تاسو باید: 

• کله چې ستاسو میاشتنۍ جامې نه وي راغلې نو خپل سکرینینګ بک کړئ - پدې کې د وینې بهیدو څخه دوه ورځې مخته یا وروسته شامل دي 

• له کوس څخه د غیر معمولي اخراج یا د تناسلي انتان لپاره د کومې درملنې وروسته انتظار وکړئ 

• دوی ته خبر ورکړئ که چېري تاسو امیندواره یاست یا کېدلای شي چي امیندواره یاست، ځکه چې تاسو ممکن اړتیا ولرئ خپل سکرینینګ وځنډوئ 

ډیری خلک باید د رحم د سکرینینګ څخه دوه ورځې دمخه د رحم د درملو، غوړیو او کریمونو څخه ډډه وکړي. خو بیاهم، که تاسو فکر کوئ چې ستاسو اپواینټمنټ ممکن د کوس د وچوالي له امله ډیر ستونزمن وي، نو هغوی ممکن تر سکرینینګ مخته د کوس ایسټروجن کریم یا پیسري وړاندیز کړي. 

ځینې خلک د رحم د سکرینینګ په اړه په څرګنده توګه اندیښنه احساسوي. دا ممکن د رواني روغتیا حالت، تیرو کړاوونو، جنسي تیري یا کورني تاوتریخوالي له امله وي. تاسو د خپل رحم د نالۍ د سکرینینګ کنټرول لرئ او کولی شئ په هر وخت کې یې د درولو غوښتنه وکړئ. تاسو کولی شئ په دې هکله زموږ لارښوونې ولولئ په guidance for people who find it difficult to attend  GOV.UK کې. 

7. د رحم د نالۍ د سکرینینګ پایلې 

نرس یا ډاکټر به تاسو ته ووایی چې کله تاسو د خپلو پایلو تمه کولی شئ. درې پایلې کېدلای شي: 

• HPV منفي 

• HPV مثبت، خو هیڅ غیر معمولي حجرات نشته 

• HPV مثبت او غیر معمولي حجرات شته 

کله ناکله موږ ستاسو د نمونې څخه پایله نشو ترلاسه کولی. که داسي وي، نو موږ به تاسو ته په 3 میاشتو کې د رحم د نالۍ د سکرینینګ لپاره بیا بلنه درکړو. د دې مانا دا نه ده چې کوم څه غلط دی. 

7.1 HPV منفي 

ډیری خلک (شاوخوا 87 په 100 کې) دا پایله لري. 

مانا دا چې موږ ستاسو په نمونه کې د لوړ خطر HPV ونه موند. 

ستاسو د رحم د نالۍ د سرطان خطر بېخي ټیټ دی. موږ اړتیا نلرو چې ستاسو نمونه ستاسو په رحم کې د غیر معمولي حجرو د بدلونونو لپاره وګورئ. 

موږ به معمولا تاسو ته په 5 کلونو کې بیا د سکرینینګ لپاره بلنه درکړو. ځینو خلکو ممکن ژر بلنه ورکول شي خو دا د تیرو ازموینې په پایلو پورې اړه لري. ستاسو د پایلو لیک به دا تایید کړي. 

7.2 HPV مثبت، خو غیر معمولي حجرات نشته 

شاوخوا 9 په 100 کسانو کې دا پایله لري. 

مانا دا چې موږ ستاسو په نمونه کې لوړ خطر HPV وموند، مګر د حجراتو غیر معمولي بدلونونه نه ول. 

موږ به تاسو ته په 1 کال کې بیا د سکرینینګ لپاره بلنه درکړو. موږ له تاسو څخه غوښتنه کوو چې تر معمول ژر راشئ چي موږ وګورو چې ایا ستاسو بدن د لوړ خطر HPV څخه پاک شوی دی، کوم چې ډیری وختونه پاک شوی وي. 

که تاسو لاهم د لوړ خطر HPV لرئ مګر د حجرو غیر معمولي بدلونونه نه وي، نو موږ به تاسو ته یو کال وروسته بیا د سکرینینګ لپاره بلنه درکړو. که تاسو لاهم د 2 کلونو وروسته لوړ خطر HPV لرئ، موږ به تاسو ته د کولپوسکوپي لپاره بلنه درکړو چي ستاسو رحم ډیر نږدې وګورو. 

7.3 د HPV مثبت او غیر معمولي حجرات 

شاوخوا په 100 کسانو کې 4 دا پایله لري. 

مانا دا چې موږ ستاسو په نمونه کې لوړ خطر HPV او ستاسو د رحم د حجرو کې غیر معمولي بدلونونه وموندل. ستاسو د پایلو لیک به دا په ډیر تفصیل سره درته تشریح کړي. 

موږ به تاسو د کولپوسکوپي لپاره ولېږو. دا د رحم د سکرینینګ په څیر دی، مګر دا په روغتون کې ترسره کیږي. یوه متخصصه نرسه یا ډاکټر به ستاسو د رحم د میګنیفاینګ لینز په کارولو سره وګوري. دې ته کولپوسکوپ ویل کیږي او دا د بدن څخه بهر پاتې کیږي. که اړتیا وي، دوی ممکن د ټیشو یوه کوچنۍ نمونه واخلي چې بایوپسي نومیږي. تاسو کولی شئ دا په NHS.UK کې read more about having a colposcopy نور ولولئ. 

ډیری خلک چې کولپوسکوپي لري خو د رحم سرطان نلري.

پایلې د هرو هغو 100 خلکو لپاره چې د رحم  سکرینینګ لري 

NHS ستاسو پایله په ملي ډیټابیس کې ثبتوي. مانا دا چې موږ کولی شو ستاسو د منظم سکرینینګ پایلې پرتله کړو. موږ به ستاسو نمونه تر 10 کلونو وساتو. 

8. د رحم د سکرینینګ احتمالي خطرونه 

هیڅ سکرینینګ ازموینه 100% باوري نه ده. 

د رحم د نالۍ سکرینینګ کې، دا ځکه ده چې: 

• کېدلالی شي چي د HPV انتان یا غیر معمولي حجرات کله ناکله ختا شي (یوه ‘غلطه منفي’ پایله) 

• یو کوچنی امکان شته چې پایله ووایی چې غیر معمولي حجرات موندل شوي دي کله چې رحم نورمال وي (یوه ‘غلطه مثبته’ پایله) 

• د سکرینینګ ازموینو ترمنځ د غیر معمولي حجراتو د پراختیا او سرطان بدلیدو لږ خطر وي 

د رحم د نالۍ سکرینینګ د تناسلي سیسټم د نورو سرطانونو لپاره معاینه نه ده، لکه تخمدان، زیلانځ، غولنګ یا د کوس سرطان. که تاسو کومه اندیښنه لرئ نو له جي پی سره تماس نیولو ته انتظار مه کوئ. 

8.1 د کولپوسکوپي احتمالي خطرونه 

ډیری خلک به د کولپوسکوپي لپاره راجع کولو ته اړتیا ونلري او د غیر معمولي حجرو لرې کولو ته به اړتیا ونلري. که تاسو د حجرو لرې کولو ته اړتیا لرئ، نو د وینې بهیدنې او انتان لږ خطر شته. تاسو به نور معلومات ترلاسه کړئ ترڅو تاسو سره مرسته وکړئ چې پریکړه وکړئ چې ایا تاسو کولپوسکوپي ته اړتیا لرئ. 

9. د رحم د سرطان نخښې نشاني 

د رحم د سرطان نخښو نشانو کې کېدلای شي چي شامل وي: 

• له کوس څخه د وینې داسي بهیدل چې ستاسو لپاره غیر معمولي وي 

• د سېکس په مهال یا وروسته له هغه، ستاسو د جامو راتللو په مینځ کې یا د مینوپاز وچېدلو وروسته د وینې راتلل (کله چې ستاسو جامې راتلل د 12 میاشتو یا د ډېر وخت لپاره بند شوي وي) 

• تر معمول زیات د جامو راتلل  

• ستاسو له کوس څخه راوتونکو موادو کې بدلونونه 

• د سېکس کولو په جریان کې درد 

• ستاسو د ملا په لاندینۍ برخه کې، ستاسو د کوناټو د هډوکو (غولنګ) ترمنځ، یا ستاسو د سومبۍ په لاندینۍ برخه کې درد 

دا نخښې نشانې ډیرې عامې دي او کېدلای شي ډیری لاملونه ولري، مګر دا مهمه ده چې د ډاکټر لخوا یې معاینه کړئ. که سرطان یې لامل وي، نو د هغې ژر موندل دا مانا لري چې د اغېزناکې درملنې احتمال یې ډیر دی. 

که تاسو نور عوارض ولرئ، لکه فایبرویډز یا انډومیټریوسس، نو ډاکټر ته ورشئ که ستاسو نخښې بدلې شي، خرابې شي یا ستاسو لپاره دا نورمال نه برېښي. 

څوک د رحم د سرطان ډیر احتمال لري 

د رحم سرطان اکثرا میرمنې او هغه خلک اغیزمن کوي ​​چې تر 45 کلونو کم عمر لري، مګر دا په هر عمر کې پېښېدلای شي. 

تاسو ممکن د رحم د سرطان د اخته کیدو احتمال ډیر ولرئ که چیرې: 

• تاسو تر 45 کلونو کم عمر لرئ - د رحم سرطان په ځوانانو کې ډیر عام دی 

• تاسو د خوندیتوب کمزوری سیسټم لرئ، د بیلګې په توګه که تاسو HIV یا AIDS لرئ 

• تاسو ګڼ ماشومان زیږولي وي یا مو په کم عمر کې ماشومان زېږولي وي (تر 17 کلونو په کم عمر کې) 

• ستاسو مور هغه مهال هورمونل درمل ډایټیلسټیلبیسټرول اخیستي وي کله چي په تاسو امیندواره وه 

• تاسو په تیرو وختونو کې د کوس، غولنګ، پښتورګو یا مثانې سرطان درلود 

• تاسو سګرټ څکوئ 

• تاسو تر 5 کلونو ډیر وخت لپاره د امیندوارۍ ضد ګولۍ اخیستې وي – دا ستاسو خطر مازي یو څه زیاتوي 

تاسو کولی شئ په کنډوم کارولو، د سګرټو پریښودو او متوازن رژیم خوړلو سره د رحم د سرطان د اخیستلو چانس کم کړئ. 

که تاسو د خپل رحم او زیلانځ د لرې کولو لپاره جراحي کړې وي نو تاسو د رحم په سرطان نه شئ اخته کېدلای. 

10. د رحم سرطان او د HPV واکسین 

د HPV vaccine د HPV ویروس په وړاندې زغورنه کې مرسته کوي، کوم چې د رحم د سرطان ډیری لامل کیږي. 

د دغه سپارښتنه له 12 څخه تر 13 کلونو پورې عمر لرونکو ماشومانو او د HPV څخه لوړ خطر لرونکي خلکو لپاره کیږي. که تاسو یې حقدار واستئ مګر د 12 یا 13 کلنۍ په عمر کې مو واکسین نه وي لګولي، نو له خپلې جي پي سرجري سره تماس ونیسئ. 

دا لاهم مهمه ده چې د رحم د نالۍ د سکرینینګ په اپواینټمنټونو کې ګډون وکړئ، ان که تاسو د HPV په وړاندې واکسین شوي یاست. دا تاسو د HPV د ټولو ډولونو څخه نه زغوري، خو بیاهم یو کوچنی چانس شته چې تاسو د رحم د نالۍ په سرطان اخته شئ. 

د رحم د نالۍ سکرینینګ او HPV واکسین کول د رحم د نالۍ له سرطان څخه غوره ژغرونه ورکوي. 

11. کلینیکي آزموینې 

کېدلای چي له تاسو څخه پوښتنه وشي چې ایا تاسو غواړئ په کلینیکي آزموینې کې برخه واخلئ. دا د طبي څیړنې مطالعات دي. هر هغه آزموینې چې تاسو ته وړاندیز کیږي د سکرینینګ ازموینو یا درملنې غوره ډولونو په اړه معلومات راغونډوی چي موږ په راتلونکي کې خدمات بهتر کړو. تاسو کولی شئ غوره کړئ چې برخه واخلئ یا نه. 

12. نور معلومات او کومک 

د رحم د نالۍ سکرینینګ په اړه د مشورې لپاره، تاسو کولی شئ له خپلې جي پي سرجري یا جنسي روغتیا کلینیک سره تماس ونیسئ. 

دا معلومات په بدیلو بڼو alternative formats کې شته، په شمول د نورو ژبو. دا په اسان لوستلو easy read کې هم شي. 

د بدیلې بڼې غوښتنه کولو لپاره، تاسو کولی شئ 0300 311 22 33 ته زنګ ووهئ یا england.contactus@nhs.net  ته ایمېل واستوئ. 

تاسو دا هم کولی شئ چي: 

• د رحم د غاړې د سکرینینګ په اړه نور معلومات ومومئ more information on cervical screening  

• د هغو خلکو لپاره زموږ لارښوونې چې ګډون کول یې ستونزمن وي ولولئ guidance for people who find it difficult to attend  

• د NHS سکرینینګ پروګرامونو په اړه د ټرانسجینڈر او نان بائنری خلکو لپاره معلومات ولولئ information for transgender and non-binary people about NHS screening programmes  

دي Eve Appeal د نسایی سرطان خیریه موسسه ده. دوی د رحم  سکرینینګ په اړه وړیا او محرمه مشوره وړاندې کوي. تاسو کولی شئ nurse@eveappeal.org.uk  ته ایمېل واستوئ یا 0808 802 0019 ته تلیفون وکړئ. 

معلوم کړئ چې څنګه له سکرینینګ څخه ځان وباسئ opt out of screening.