Datganiad i'r wasg

Gweinidog Swyddfa Cymru yn nodi Diwrnod Cofio’r Holocost

Farwnes Randerson i fynegi gwasanaeth coffa yn San Steffan

Gan:
Swyddfa Ysgrifennydd Gwladol Cymru
Cyhoeddwyd
27 January 2014
Diweddarwyd ddiwethaf
27 January 2014 — Gweld pob diweddariad
Cyhoeddwyd hwn o dan y 2010 to 2015 Conservative and Liberal Democrat coalition government

Wales Office

Bydd y Farwnes Jenny Randerson yn bresennol mewn gwasanaeth coffa yn San Steffan heddiw (27 Ionawr) i gofio am ddioddefwyr yr Holocost ac i dalu teyrnged iddynt.

Mae Diwrnod Cofio’r Holocost yn ddigwyddiad cenedlaethol a gynhelir yn benodol i gofio’r bobl a fu farw yn sgil hil-laddiadau ac i anrhydeddu’r rhai hynny sydd wedi goroesi cyfundrefnau casineb ar draws y byd. Y thema ar gyfer gwasanaeth coffa 2014 yw ‘Siwrneiau’.

Cynhelir gwasanaeth yng Nghanolfan Gynadledda’r Frenhines Elizabeth yn San Steffan i nodi Diwrnod Cenedlaethol Cofio’r Holocost.

Dywedodd y Farwnes Randerson:

Eleni byddwn yn myfyrio ar siwrneiau rhai o’r bobl hyn yn ystod yr erlid a fu yn sgil yr Holocost a hil-laddiadau eraill. Dechreuodd y siwrneiau hyn mewn ofn, a darfu’r mwyafrif ohonynt mewn hunllef nad oes modd ei dychmygu. Ond eto, llwyddodd rhai i oroesi. Gadewch i ni fanteisio ar y cyfle heddiw i ymrwymo o’r newydd i wrthsefyll hiliaeth a rhagfarn o bob math gyda golwg ar sicrhau na fydd digwyddiadau fel hyn byth yn digwydd eto.

Dywedodd David Jones AS, Ysgrifennydd Gwladol Cymru:

Mae’r diwrnod pwysig hwn yn gyfle i fyfyrio ar un o’r cyfnodau tywyllaf yn hanes Ewrop, pan ddistrywiwyd miliynau o fywydau a phan ddinistriwyd cymunedau. Heddiw, yr ydym yn talu teyrnged er cof am y bobl ddewr hyn ac i’r rheiny a oroesodd hyn a hil-laddiadau eraill ledled y byd.

Nodiadau i olygyddion

  • I gael rhagor o wybodaeth, cysylltwch â thîm cyfathrebu Swyddfa Cymru ar 029 2092 4204.

  • Crëwyd Diwrnod Cofio’r Holocost ar 27 Ionawr 2000, pan ddaeth cynrychiolwyr o 44 o lywodraethau ledled y byd at ei gilydd yn Stockholm i drafod coffáu’r Holocost, ymchwil iddo ac addysg amdano. Ar ddiwedd y cyfarfod hwn, yr oedd pawb oedd yn bresennol wedi llofnodi datganiad yn ymrwymo i gofio’r rheiny a lofruddiwyd yn yr Holocost yn sgil erledigaeth y Natsïaid ac mewn hil-laddiadau ar ôl hynny. Tyfodd hwn i fod yn ddatganiad o ymrwymiad sydd yn parhau i gael ei ddefnyddio fel sail ar gyfer gweithgareddau Diwrnod Cofio’r Holocost heddiw.

  • Mae manylion pellach ar gael yma

Cyhoeddwyd ar 27 January 2014
Diweddarwyd ddiwethaf ar 27 January 2014 + show all updates

  1. Added translation

  2. First published.