Uwchgynhadledd Fuddsoddi’r DU 2014
Bydd Cymru’n cynnal uwchgynhadledd fuddsoddi ryngwladol ar 21 Tachwedd 2014.
Mabwysiadu technoleg newydd i sicrhau mantais gystadleuol’ yw thema’r uwchgynhadledd.
Bydd yr uwchgynhadledd yn adeiladu ar y diddordeb a gafwyd mewn busnesau yng Nghymru yn dilyn Uwchgynhadledd NATO 2014 yn ddiweddar.
Bydd y digwyddiad gwahoddiad yn unig hwn sy’n cael ei gyd-drefnu gan Lywodraethau Cymru a’r DU, yn dod â 150 o fuddsoddwyr byd-eang, arweinwyr busnesau ac uwch weinidogion y llywodraeth at ei gilydd. Bydd yn rhoi cyfle i’r rhai sy’n bresennol rwydweithio, cael gweld technolegau chwyldroadol a chael cyfle i glywed gan yr arbenigwyr.
Bydd y trafodaethau yn y digwyddiad yn cynnwys:
- Strategaethau a ddefnyddir gan fusnesau arweiniol i wybod y diweddaraf am dechnoleg newydd a’i defnyddio er mwyn tyfu
- Rhagweld technoleg a’i masnacheiddio
- Y dulliau a ddefnyddir i seibrdroseddu a’r gwaith sy’n cael ei wneud yng Nghymru i ymateb i’r bygythiad hwn
- Datblygu modelau newydd o ryngweithio’n academaidd ac o ran busnes
- Rôl Cymru o ran cefnogi datblygiadau technoleg a thwf busnesau
Mae ecosystem gwyddoniaeth ac arloesi’r DU yn cynnig sgôp sylweddol i’r dyfodol. Mae defnyddio arbenigedd y DU ym maes technoleg yn ganolog i gynnal llwyddiant economaidd y DU ym meysydd busnes a diwydiant.
Y DU yw’r prif gyrchfan yn Ewrop ar gyfer prosiectau buddsoddi uniongyrchol tramor, gyda 14% yn fwy o brosiectau na’r llynedd.
Roedd gan Gymru 79 o brosiectau mewnfuddsoddi uniongyrchol tramor yn 2013-14, y nifer fwyaf mewn 24 mlynedd. Llwyddodd hyn i greu neu ddiogelu dros 10,000 o swyddi. Mae’r uwchgynhadledd yn bwriadu adeiladu ar y llwyddiant hwn.
I gael rhagor o wybodaeth am Uwchgynhadledd Fuddsoddi’r DU 2014, cysylltwch ag Isaac Hewlings isaac.hewlings@ukti.gsi.gov.uk.
Diweddarwyd ddiwethaf ar 21 November 2014 + show all updates
-
Added link to the live stream and investment video.
-
First published.