Bwrdd Masnach newydd yn cynnal y cyfarfod cyntaf yn cynnwys entrepreneur technoleg o Gymru Anne Boden
Bydd y Bwrdd yn chwarae rhan bwysig yn strategaeth fasnach Prydain
- Bydd yn cynhyrchu cyfres o adroddiadau sy’n edrych ar y prif faterion sy’n wynebu masnach ryngwladol a sut y gall masnach helpu i gyflawni blaenoriaethau Llywodraeth y DU.
- Bydd y Bwrdd newydd yn helpu’r llywodraeth i gyflwyno’r achos dros fasnach rydd sy’n seiliedig ar reolau dramor ac yn ddomestig.
Heddiw (19 Hydref) cynullodd yr Ysgrifennydd Masnach Ryngwladol Liz Truss gyfarfod cyntaf y Bwrdd Masnach wedi’i ailwampio. Bydd y Bwrdd yn cynghori Llywodraeth y DU a’r Adran Masnach Ryngwladol (DIT) ar ei strategaeth fasnach, yn darparu arweiniad deallusol ar bolisi masnach, ac yn helpu Prydain i gyflwyno’r achos dros fasnach rydd a theg ledled y byd.
Cyfarfu’r Bwrdd i gytuno ar yr egwyddorion sy’n sail i’w waith a’u trafod – sy’n cynnwys ymrwymiad i fenter rydd, rheolaeth y gyfraith a masnachu o safon uchel – a chytuno ar ei raglen o weithgarwch yn y dyfodol.
Bydd yn cynhyrchu cyfres o adroddiadau sy’n edrych ar y materion hanfodol sy’n wynebu masnach ryngwladol a Phrydain ar hyn o bryd. Bydd y rhain yn cynnwys:
- Rôl masnach wrth lefelu Prydain i fyny
- Goresgyn diffyndoeth ddigidol a data
- Sut y gall masnach gyflawni adfywiad diwydiannol
- Diwygio Sefydliad Masnach y Byd a’r system fasnachu fyd-eang
- Masnach y Gymanwlad
- Sut y gall masnach helpu i gyflawni amcanion gwyrdd y llywodraeth
Caiff yr adroddiadau eu cyhoeddi bob chwarter o 2021 ar faterion a buddiannau masnach allweddol i’r DU. Bydd y Bwrdd yn cynghori ar sut y gall polisi masnach ddomestig helpu i gyflawni ymrwymiad y llywodraeth i lefelu’r wlad ac ‘adeiladu’n well’ yn dilyn y coronafeirws. Yn rhyngwladol, bydd yn edrych ar rôl Prydain o ran ail-lunio’r system fasnachu fyd-eang sy’n seiliedig ar reolau a sut y gallai’r llywodraeth weithio gyda chynghreiriaid tebyg i ddatgymalu rhwystrau hirsefydlog i fasnachu.
Bydd hefyd yn gweithio gyda busnesau a chymunedau ledled y Deyrnas Unedig i’w helpu i nodi ac manteisio ar gyfleoedd newydd yn rhyngwladol wrth inni gyflwyno’r achos dros bwysigrwydd masnach ryngwladol o ran sicrhau mwy o ffyniant a chyfleoedd. Ar adeg o fwy o amddiffynaeth, bydd yn gwerthu manteision masnach ledled y DU, gan gynnwys yng ngogledd Lloegr ac yn y gweinyddiaethau datganoledig.
Bydd y Bwrdd wedi’i adfywio yn troi’n arweinydd ddeallusol i’r adran, gan greu cyngor a darparu arbenigedd i ddylanwadu ar bolisi masnach y llywodraeth.
Dywedodd yr Ysgrifennydd Gwladol dros Fasnach Ryngwladol, Liz Truss:
Mae hon yn foment dyngedfennol i’r DU a’n perthynas fasnachu â gweddill y byd. Mae ein hail-ymddangosiad fel cenedl fasnachu annibynnol yn gyfle enfawr, ond mae hefyd yn dod ar adeg o amddiffynaeth gynyddol o ran yr heriau a achosir gan y coronafeirws.
Bydd y Bwrdd Masnach wedi’i ailwampio yn chwarae rhan hollbwysig wrth ein helpu i lywio a llunio’r amgylchedd masnachu byd-eang newydd. Yn yr un ffordd ag y bu’r rhai a ddiwygiwyd Prydain yn helpu i sbarduno masnach a ffyniant yn y bedwaredd ganrif ar bymtheg, rydym am i’r Bwrdd Masnach newydd ddod yn Cobden, Peel a Bright o’r unfed ganrif ar hugain a gwthio ffiniau newydd mewn ardaloedd fel masnach ddigidol a’r economi werdd, ac yn y pen draw helpu Prydain i gyrraedd ei photensial llawn ar ôl Brexit.
Dywedodd Ysgrifennydd Gwladol Cymru Simon Hart:
Bydd y Bwrdd Masnach yn chwarae rhan hollbwysig wrth lunio ein perthynas fasnachu yn y dyfodol a meithrin consensws byd-eang cryfach ar gyfer masnach rydd a theg. Bydd hefyd yn cynrychioli buddiannau sefydliadau sy’n masnachu’n fyd-eang o’r DU.
Rwy’n falch iawn bod Anne Boden, Prif Swyddog Gweithredol a Sylfaenydd Banc Starling ac entrepreneur technoleg o Abertawe wedi ymuno â’r Bwrdd fel un o’i gynghorwyr. Bydd Anne yn gweithredu nid yn unig fel llysgennad i Gymru, ond hefyd i’n sector FinTech ffyniannus wrth ddangos sut y gall ehangu cysylltiadau masnach rymuso a bod o fudd i gymunedau ledled y DU.
Dywedodd Dr Linda Yueh, economegydd ym Mhrifysgol Rhydychen, Ysgol Fusnes Llundain ac LSE IDEAS:
Wrth i’r Bwrdd Masnach gyfarfod am y tro cyntaf, edrychaf ymlaen at gyfrannu at bolisi masnach ar adeg dyngedfennol.
Mae economi fyd-eang yr 21ain ganrif yn cynnig cyfleoedd a heriau. Bydd yn bwysig lleoli’r DU yn y ffordd orau bosibl o ran y newidiadau hyn ac i lunio polisïau a fydd yn creu manteision ledled y DU.