Data Tueddiadau'r Farchnad mis Ionawr 2015
Data Tueddiadau'r Farchnad y Gofrestrfa Tir ar gyfer Cymru a Lloegr.
Mae data mis Ionawr yn dangos cynnydd prisiau blynyddol o 6.7 y cant sy’n dod â gwerth eiddo cyfartalog yng Nghymru a Lloegr i £179,492 o’i gymharu â’r brig o £181,101 ym mis Tachwedd 2007. Mae prisiau tai mis Ionawr wedi codi 1.3 y cant oddi ar fis Rhagfyr.
Mae’r data rhanbarthol yn dangos mai:
- y rhanbarth yng Nghymru a Lloegr welodd y cynnydd mwyaf yn ei werth eiddo cyfartalog yn ystod y 12 mis diwethaf yw Llundain gyda symudiad o 12 y cant
- Gogledd Orllewin Lloegr y gwelwyd y cynnydd misol mwyaf gyda symudiad o 2.6 y cant
- Gogledd Ddwyrain Lloegr welodd y twf prisiau blynyddol isaf gyda symudiad o 0.1 y cant
- Swydd Gaerefrog a’r Humber welodd y gostyngiad prisiau misol mwyaf o 1.5 y cant
Mae’r ffigurau mwyaf cyfredol sydd ar gael ar gyfer gwerthiannau ac adfeddiannau ym mis Tachwedd yn dangos:
- i nifer y gwerthiannau tai a gwblhawyd yng Nghymru a Lloegr ym mis Tachwedd 2014 ostwng 19 y cant i 68,107 o’i gymharu ag 83,726 ym mis Tachwedd 2013
- y bu gostyngiad o 18 y cant yn nifer yr eiddo a werthwyd am fwy nag £1 miliwn yng Nghymru a Lloegr ym mis Tachwedd 2014 i 869 o 1,060 ym mis Tachwedd 2013
- i niferoedd yr adfeddiannau ostwng 47 y cant ym mis Tachwedd 2014 i 687 o’i gymharu â 1,286 ym mis Tachwedd 2013
- y rhanbarth welodd y gostyngiad mwyaf mewn gwerthiannau adfeddiannau ym mis Tachwedd 2014 oedd Llundain
Mynediad i adroddiad llawn y Mynegai ar gyfer mis Ionawr
| Rhanbarth | Newid blynyddol oddi ar fis Rhagfyr 2014 | Newid blynyddol oddi ar fis Ionawr 2014 | Pris cyfartalog Ionawr 2014 |
|---|---|---|---|
| Gogledd Orllewin Lloegr | 2.6% | 3.7% | £113,861 |
| De Orllewin Lloegr | 1.5% | 6.3% | £187,032 |
| Dwyrain Lloegr | 1.4% | 10.4% | £200,925 |
| Cymru a Lloegr | 1.3% | 6.7% | £179,492 |
| De Ddwyrain Lloegr | 1.2% | 9.4% | £242,232 |
| Dwyrain Canolbarth Lloegr | 0.9% | 4.7% | £132,984 |
| Gorllewin Canolbarth Lloegr | 0.9% | 4.4% | £137,367 |
| Cymru | 0.7% | 1.6% | £119,263 |
| Llundain | -0.2% | 12.0% | £458,283 |
| Gogledd Ddwyrain Lloegr | -0.2% | 0.1% | £97,974 |
| Swydd Gaerefrog a’r Humber | -1.5% | 2.8% | £119,408 |
Cyfartaledd prisiau yn ôl math o eiddo 2015 i 2014
| Cyfartaledd prisiau yn ôl math o eiddo (Cymru a Lloegr) | |||
|---|---|---|---|
| Ionawr 2015 | Ionawr 2014 | Gwahaniaeth | |
| Tŷ sengl | £282,338 | £265,814 | 6.2% |
| Tŷ pâr | £170,926 | £159,184 | 7.4% |
| Tŷ teras | £134,757 | £126,931 | 6.2% |
| Fflat/Fflat deulawr | £171,669 | £160,016 | 7.3% |
| Holl | £179,492 | £168,231 | 6.7% |
Nifer y gwerthiannau 2013 i 2012
| Mis | Gwerthiannau 2013 Cymru a Lloegr | Gwerthiannau 2012 Cymru a Lloegr | Gwahaniaeth |
|---|---|---|---|
| Ionawr | 43,400 | 43,794 | -1% |
| Chwefror | 45,274 | 44,878 | 1% |
| Mawrth | 54,753 | 61,391 | -11% |
| Ebrill | 51,053 | 43,295 | 18% |
| Mai | 66,375 | 52,574 | 26% |
| Mehefin | 66,157 | 59,910 | 10% |
| Gorffennaf | 73,790 | 59,206 | 25% |
| Awst | 79,618 | 65,074 | 22% |
| Medi | 70,051 | 52,908 | 32% |
| Hydref | 77,382 | 59,266 | 31% |
| Tachwedd | 83,726 | 64,019 | 31% |
| Rhagfyr | 80,521 | 56,760 | 42% |
| Cyfanswm | 792,100 | 663,075 | 19% |
Nifer y gwerthiannau 2014 i 2013
| Mis | Gwerthiannau 2014 Cymru a Lloegr | Gwerthiannau 2013 Cymru a Lloegr | Gwahaniaeth |
|---|---|---|---|
| Ionawr | 66,164 | 43,400 | 52% |
| Chwefror | 65,931 | 45,274 | 46% |
| Mawrth | 68,384 | 54,753 | 25% |
| Ebrill | 71,349 | 51,053 | 40% |
| Mai | 78,667 | 66,375 | 19% |
| Mehefin | 81,792 | 66,157 | 24% |
| Gorffennaf | 85,542 | 73,790 | 16% |
| Awst | 88,200 | 79,618 | 11% |
| Medi | 78,147 | 70,051 | 12% |
| Hydref | 83,743 | 77,382 | 8% |
| Tachwedd | 68,107 | 83,726 | -19% |
Adfeddiannau fesul rhanbarth 2014 i 2013
| Adfeddiannau fesul rhanbarth | Tachwedd 2014 | Tachwedd 2013 | Gwahaniaeth |
|---|---|---|---|
| Dwyrain Lloegr | 42 | 81 | -48% |
| Dwyrain Canolbarth Lloegr | 67 | 131 | -49% |
| Llundain | 48 | 129 | -63% |
| Gogledd Ddwyrain Lloegr | 22 | 31 | -29% |
| Gogledd Orllewin Lloegr | 163 | 304 | -46% |
| De Ddwyrain Lloegr | 62 | 144 | -57% |
| De Orllewin Lloegr | 44 | 79 | -44% |
| Cymru | 76 | 104 | -27% |
| Gorllewin Canolbarth Lloegr | 64 | 105 | -39% |
| Swydd Gaerefrog a’r Humber | 99 | 178 | -44% |
| Holl | 687 | 1,286 | -47% |
Mae’r Data pris a dalwyd yn cynnwys manylion dros 77,470 o werthiannau eiddo preswyl yng Nghymru a Lloegr a gyflwynwyd i’w cofrestru ym mis Ionawr 2015. Yn Llundain SW1 y cafwyd y gwerthiant drutaf yn ystod mis Ionawr 2015 (£11,300,250). Roedd y gwerthiant rhataf yn ystod mis Ionawr 2015 yn Pendle, Swydd Gaerhirfryn (£6,000).
Nodiadau i olygyddion
-
Cyhoeddir Data Tueddiadau’r Farchnad ar ugeinfed diwrnod gwaith pob mis. Cyhoeddir y Mynegai Prisiau Tai ar gyfer mis Chwefror am 9.30 y bore ar ddydd Gwener 27 Mawrth 2015. Cyhoeddir y Data Pris a Dalwyd am 11 y bore ar yr un diwrnod.
-
Mae calendr gyda dyddiadau rhyddhau’r prif ffigur a’r Mynegai llawn ar gael yn www.gov.uk/government/publications/about-the- house-price-index.
-
Mae’r Mynegai Prisiau Tai yn defnyddio sampl sy’n fwy na’r holl fesurau ystadegol eraill sydd ar gael. Mae’n cael ei gyfrifo ar sail set ddata’r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995.
-
Mae set ddata’r Gofrestrfa Tir yn cynnwys manylion am dros 19 miliwn o drafodion preswyl. O’r rhain mae dros 7 miliwn yn barau cyfatebol y gellir eu hadnabod, sy’n darparu’r sail ar gyfer y dadansoddiad ailwerthiannau atchweliad a ddefnyddir i lunio’r mynegai. Mae’r dechnoleg addasu ansawdd hon yn sicrhau ein bod yn cymharu eiddo cyffelyb.
-
Mae’r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau ychwanegol.
-
Mae’r data adfeddiannau yn seiliedig ar nifer y trafodion a gyflwynwyd i’r Gofrestrfa Tir gan roddwyr benthyg sy’n arfer eu pŵer gwerthu. Unwaith y byddwn wedi nodi’r trafodion hyn, rydym yn tynnu’r wybodaeth pris a dalwyd o’r cofnod perthnasol yn y gofrestr.
-
Er bod y Mynegai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau’n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 2006. Gweler Am y Mynegai i gael rhagor o wybodaeth.
-
Mae tablau cefndir y Mynegai ar gael fel Data Agored ar ffurf Excel a CSV ac mewn ffurf y gellir ei darllen gan beiriant fel data cysylltiedig. Maent ar gael i’w defnyddio a’i hail-ddefnyddio o dan y Drwydded Llywodraeth Agored (TLlA).
-
Mae’r Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i’w cofrestru yn ystod y mis hwnnw. Mae’r wybodaeth ganlynol ar gael ar gyfer pob eiddo: * y cyfeiriad llawn * y pris a dalwyd * dyddiad y trosglwyddiad * y math o eiddo * ai adeilad newydd yw’r eiddo ai peidio * ai rhydd-ddaliol neu brydlesol yw’r eiddo
-
Gellir llwytho Data Pris a Dalwyd i lawr am ddim ar ffurf CSV ac mewn ffurf y gellir ei darllen ar beiriant fel data cysylltiedig. Mae ar gael i unrhyw un ei archwilio neu ei ail-ddefnyddio am ddim o dan y TLlA.
-
Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r gofrestr wedi bod ar agor i’r cyhoedd ei harchwilio oddi ar 1990.
-
Gyda’r gronfa ddata o drafodion eiddo fwyaf o’r fath gyda manylion mwy na 24 miliwn o deitlau, mae’r Gofrestrfa Tir yn cefnogi’r economi trwy ddiogelu perchnogaeth eiddo sy’n werth biliynau o bunnoedd.
-
I gael rhagor o wybodaeth am y Gofrestrfa Tir ewch i www.gov.uk/land-registry. Dilynwch ni ar Twitter @LandRegGov, ein blog, LinkedIn a Facebook
Cysylltu
Swyddfa'r wasg
Trafalgar House
1 Bedford Park
Croydon
CR0 2AQ
Email HMLRPressOffice@landregistry.gov.uk
Ffôn (dydd Llun i ddydd Gwener 8.30am a 5.30pm) 0300 006 3565
Symudol (5.30pm a 8.30am) 07864 689 344