Stori newyddion

Recriwtio – Pwyllgorau Cynghori Gwyddonol yr Asiantaeth Safonau Bwyd

Helpwch i lunio dyfodol diogelwch bwyd yn y DU. Ymunwch â Phwyllgorau Cynghori Gwyddonol a Chyngor Gwyddoniaeth yr Asiantaeth Safonau Bwyd, a chyfrannu at wneud penderfyniadau sy’n seiliedig ar dystiolaeth.

• Gan: Asiantaeth Safonau Bwyd, Advisory Committee for Social Science, Advisory Committee on Animal Feedingstuffs, Advisory Committee on Novel Foods and Processes, Advisory Committee on the Microbiological Safety of Food, Committee on Toxicity of Chemicals in Food, Consumer Products and the Environment and Science Council
• Cyhoeddwyd: 31 Awst 2026

Ymgyrch recriwtio 2026–27

Mae’r Asiantaeth Safonau Bwyd (ASB) yn recriwtio aelodau newydd i ymuno â’i Phwyllgorau Cynghori Gwyddonol (SACs) a’i Chyngor Gwyddoniaeth, fel rhan o ymgyrch recriwtio 2026–27.

Anogir ceisiadau gan unigolion o bob cefndir ac o ystod eang o ddisgyblaethau gwyddonol a phroffesiynol. Mae’r ASB wedi ymrwymo i ddatblygu pwyllgorau amrywiol sy’n tynnu ar ystod eang o arbenigedd, safbwyntiau a phrofiad.

Mae’r ymgyrch yn cynnwys cyfleoedd i lenwi’r canlynol:

• 2 swydd fel Cadeirydd
• 19 swydd fel aelod llawn a/neu aelod cyswllt
• 2 swydd fel aelod lleyg

Mae SACs a Chyngor Gwyddoniaeth yr ASB yn darparu cyngor gwyddonol annibynnol sy’n helpu i lywio penderfyniadau ynghylch diogelwch a safonau bwyd ar sail tystiolaeth. Mae eu gwaith yn chwarae rhan bwysig wrth ddiogelu iechyd y cyhoedd a buddiannau defnyddwyr.

Mae’r pwyllgorau canlynol wrthi’n recriwtio:

• Cyngor Gwyddoniaeth
• Pwyllgor Cynghori ar Wyddor Gymdeithasol
• Pwyllgor Cynghori ar Fwyd Anifeiliaid
• Pwyllgor Cynghori ar Fwydydd a Phrosesau Newydd
• Pwyllgor Cynghori ar Ddiogelwch Microbiolegol Bwyd
• Pwyllgor ar Wenwyndra Cemegion mewn Bwyd, Cynhyrchion Defnyddwyr a’r Amgylchedd

Sut i wneud cais

Mae gwybodaeth am y swyddi gwag, cymhwysedd, a’r broses ymgeisio ar gael yn y canllawiau i ymgeiswyr. Mae’r canllawiau hyn yn cynnwys gwybodaeth bwysig am y broses ymgeisio, a dylid eu darllen cyn gwneud cais.

Ymunwch â’n sesiwn wybodaeth rithwir i ddysgu mwy am y swyddi gwag a’n pwyllgorau.

Mae Tîm Recriwtio Pwyllgorau Cynghori Gwyddonol yr ASB yn cynnal sesiwn wybodaeth rithwir i’r sawl sy’n ystyried gwneud cais ddydd Gwener, 18 Medi 2026, o 11am i 12pm.

Byddwch chi’n clywed yn uniongyrchol gan aelodau presennol y Pwyllgorau am eu profiadau, ac yn cwrdd â rhai o aelodau staff yr ASB sy’n cefnogi’r pwyllgorau ac a fydd ar gael i ateb eich cwestiynau. P’un a ydych chi’n ystyried gwneud cais i fod yn gadeirydd, yn aelod llawn/cyswllt, neu’n aelod lleyg, rydyn ni’n eich annog i ddod i’r sesiwn a dysgu mwy am:

• y broses ymgeisio, gan gynnwys awgrymiadau a chyngor
• swyddi gwag cyfredol
• sut mae ein pwyllgorau’n gweithio

Defnyddiwch y ffurflen hon i gofrestru ar gyfer y sesiwn a chyflwyno unrhyw gwestiynau yr hoffech i ni eu hateb yn ystod y digwyddiad.