Twf economaidd cyflymach yng Nghymru na phob rhan arall o’r DU
Mae’r economi wedi tyfu’n gyflymach yng Nghymru nag yn unrhyw ran arall yn y DU, yn ôl ffigurau newydd heddiw.
Yn ôl Ysgrifennydd Cymru, Stephen Crabb, maent yn dangos bod cynllun economaidd hirdymor y Llywodraeth yn gweithio i Gymru.
Mae ystadegau a gyhoeddwyd gan y Swyddfa Ystadegau Gwladol (ONS) yn dangos bod Cymru wedi gweld cynnydd o 3.4% mewn gwerth ychwanegol gros (GVA) y pen rhwng 2012 a 2013, y twf cyflymaf o holl wledydd a rhanbarthau’r DU.
Er 2010, mae GVA y pen yng Nghymru wedi tyfu 8.4%, y twf cyflymaf o holl wledydd a rhanbarthau’r DU, ar ôl Llundain.
Hefyd, mae ffigurau a gyhoeddwyd gan Markit yr wythnos hon yn dangos bod Cymru wedi gweld y cynnydd mwyaf mewn gweithgaredd busnes ym mis Tachwedd er mis Gorffennaf 2014.
Dywedodd Mr Crabb:
Mae’r ffigurau hyn yn newyddion gwych ac yn dangos bod ein cynllun economaidd hirdymor yn gweithio i Gymru.
Er 2010 rydyn ni wedi cael llai o ddiweithdra, rhagor o swyddi, a nawr tystiolaeth o dwf cyflymach na bron unrhyw ran arall o’r DU.
Mae llawer o waith i’w wneud eto – ond y cynllun sydd gennyn ni ar waith yw gobaith gorau Cymru o adeiladu economi gryfach. Byddai’n wirion rhoi’r ffidil yn y to nawr a pheryglu’r broses o adfer i gynifer o bobl yng Nghymru.
Wele’r ystadegau