Newid ebost: hwyl fawr GSi
Nodyn atgoffa y bydd cyfeiriad ebost y Gofrestrfa Tir yn newid ar 30 Ionawr 2016.
Rhannwyd manylion am ein cynlluniau i newid ein cyfeiriad ebost yn ddiweddar. Dyma nodyn i’ch atgoffa o’r hyn fydd yn newid o ddiwedd y mis hwn.
Yr hyn sy’n newid
Byddwn yn dileu ‘.gsi’ o’r cyfeiriad ebost.
Felly, fel enghraifft, os Tomos Jones yw eich cyswllt, bydd ei gyfeiriad ebost yn newid o:
- tomos.jones@landregistry.gsi.gov.uk
i
- tomos.jones@landregistry.gov.uk
Yr hyn sydd angen i chi ei wneud:
- o 30 Ionawr, diweddarwch y manylion cyswllt sydd gennych ar gyfer y Gofrestrfa Tir: dilëwch .gsi o’r cyfeiriad ebost
- erbyn 29 Chwefror, sicrhewch fod yr holl gofnodion cyfeiriad ebost sydd gennych ar gyfer y Gofrestrfa Tir wedi’u diweddaru
- cofiwch ddiweddaru unrhyw declynnau sy’n defnyddio ein cyfeiriad ebost
Rhwng 30 Ionawr a 29 Chwefror byddwn yn ailgyfeirio unrhyw negeseuon ebost a anfonir i gyfeiriad ebost .gsi. O 29 Chwefror, bydd negeseuon sydd wedi’u hanfon gyda .gsi yn y cyfeiriad ebost yn derbyn neges adlam.
Yn ystod y pum mlynedd nesaf bydd y rhwydwaith GSi yn cael ei ddileu’n raddol ar draws y Llywodraeth.
Ni fydd diogelwch ebost wedi’i effeithio gan y newid hwn.
Cysylltu
Os oes gennych unrhyw gwestiynau am y newid hwn neu os oes angen rhagor o wybodaeth arnoch cysylltwch â ni.