Tŷ’r Cwmnïau ar restr fer yng Ngwobrau Gwasanaeth Sifil y DU 2018
Rydym yn falch o gyrraedd y rhestr fer ar gyfer y wobr iechyd a lles.
Eleni cynhaliwyd Gwobrau’r Gwasanaeth Sifil ar ddydd Iau 8 Tachwedd. Mae’r gwobrau hyn yn cydnabod ac yn dathlu unigolion a thimau sy’n ysbrydoli eraill ar draws y llywodraeth.
Mae lles ein cydweithwyr yn flaenoriaeth i ni erioed.
Roeddem yn pryderu wrth weld cyfraddau absenoldeb gweithwyr yn cynyddu ym mis Tachwedd 2017. Prif achos absenoldeb oedd problemau iechyd meddwl, fel straen a gorbryder. Roedd hyn yn gyfrifol am 155 o ddiwrnodau coll pob mis.
Datblygodd ein tîm iechyd a lles gynllun gweithredu i fynd i’r afael â’r broblem. Y prif flaenoriaethau oedd:
- codi ymwybyddiaeth o broblemau iechyd meddwl
- sicrhau bod digon o gymorth ar gael i’n gweithwyr
- darparu hyfforddiant i reolwyr
Gweithiodd y tîm yn galed i roi’r cynllun gweithredu hwn ar waith. Enillasom achrediad allanol ar gyfer ein gwaith a chawsom adborth cadarnhaol oddi wrth ein cydweithwyr. Mae cyfraddau absenoldeb gweithwyr wedi gostwng ers i’r cynllun gweithredu hwn gael ei roi ar waith.
Rydym mor falch o gyrraedd y rhestr fer ar gyfer y wobr hon. Byddwn yn parhau i weithio’n galed i ddarparu’r amgylchedd gwaith gorau posibl i’n cydweithwyr.
Llongyfarchiadau i’r tîm ‘A to Z to Better Wellbeing’ am ennill y wobr, ac i bob enillydd arall.