Datganiad i'r wasg

Cheryl Gillan yn annog Cymru i enwebu cludwyr y Ffagl Olympaidd

This news article was published under the 2010 to 2015 Conservative and Liberal Democrat coalition government

Mae Ysgrifennydd Gwladol Cymru, Cheryl Gillan, yn galw am enwebiadau am gludwyr ffagl ar gyfer Taith y Ffagl Olympaidd, a fydd yn teithio drwy…

Mae Ysgrifennydd Gwladol Cymru, Cheryl Gillan, yn galw am enwebiadau am gludwyr ffagl ar gyfer Taith y Ffagl Olympaidd, a fydd yn teithio drwy Gymru a gweddill y DU cyn cyrraedd Llundain ar gyfer dechrau Gemau 2012 yr haf nesaf. 

Dywedodd Ysgrifennydd Cymru ei bod yn gobeithio y byddai pobl yn awgrymu unigolion o bob math o gefndiroedd sydd wedi gwneud eu gorau glas a mwy i ysbrydoli eraill i gyflawni eu nodau. Bydd y ffagl yn cyrraedd Cymru union flwyddyn i’r wythnos hon, gan gychwyn yng Nghaerdydd cyn mynd i Abertawe, Aberystwyth a Bangor.

Dywedodd Mrs Gillan: “Fe fydd gan bob un o’r 8,000 fydd yn cludo’r ffagl stori arbennig. Fe fyddant yn cynrychioli straeon o obaith, ymrwymiad, penderfyniad a dewrder. Fe fydd yna bobl sydd wedi llwyddo er gwaethaf popeth ac sydd wedi rhoi popeth sydd ganddyn nhw i’w cymunedau. 

“Mae’r ffagl yn symbol o ysbryd y Gemau Olympaidd ac rydw i am i bobl enwebu’r unigolion hynny sydd wedi ysbrydoli neu annog eraill i gyflawni eu nodau. Rydw i’n sicr y bydd croeso cynnes Cymreig i’w gael wrth i’r Ffagl deithio ar draws Cymru. Fe fydd hwn yn gyfle unigryw i nifer o bobl gymryd rhan mewn digwyddiad hanesyddol, arbennig, ar garreg ein drws.”

Mae manylion ynghylch sut i enwebu ar gael yn  www.london2012.com/olympictorchrelay neu drwy ffonio 0800 111 6448. Y dyddiad cau ar gyfer enwebiadau yw 29 Mehefin 2011.