Hwb band eang i 1,126 o fusnesau Cymreig
Annog mwy o fusnesau i ymgeisio tra pery’r grant
Superfast broadband
Mae dros 1,000 o fusnesau bach a chanolig (BBaCH) yng Nghaerdydd, Casnewydd ac Abertawe yn awr wedi elwa ar gynllun taleb Band Eang Llywodraeth y DU, yn ôl y ffigurau diweddaraf a welwyd heddiw.
Mae’r grant, ar ffurf taleb, yn caniatáu i fusnesau ymgeisio am nawdd o hyd at £3,000 yr un i gwrdd â chostau gosod band eang cyflymach a mwy effeithiol. Mae’r cynllun yn rhan o fwriad y llywodraeth i weddnewid band eang ar hyd gwledydd Prydain, gan helpu dinasoedd i greu a denu swyddi a buddsoddiadau newydd, a gwneud y DU y lle gorau yn y byd i gynnal busnes.
Hyd yn hyn, mae 1,126 o fusnesau yng Nghaerdydd, Casnewydd ac Abertawe wedi derbyn grantiau. Ar hyd a lled y DU, mae dros 25,000 o fusnesau, yn y 50 o ddinasoedd sy’n rhan o’r cynllun, wedi elwa, gyda miloedd mwy yn y broses o ymgeisio.
Dywedodd Gweinidog Swyddfa Cymru, Alun Cairns:
Mae’r ffigurau hyn yn garreg filltir bellach yn ein nod o wella cyswllt band eang yng Nghymru. Mae cael llwybr cyflymach a mwy dibynadwy at gyswllt band eang yn allweddol o ran sbarduno twf a hybu’r economi lleol.
Bu’r cynllun taleb band eang yn hynod lwyddiannus o ran galluogi busnesau yng Nghaerdydd, Casnewydd ac Abertawe i ganolbwyntio ar yr hyn a wnânt orau - arloesi, braenaru tir ac - yn anad dim - creu swyddi sy’n rhoi’r sicrwydd economaidd hirdymor sydd ei angen arnom.
Dywed y Gweinidog dros Economi Digidol, Ed Vaizey:
Mae cynllun taleb cyswllt band eang y Llywodraeth yn profi’n hynod o boblogaidd, ac rydym yn awr yn cyhoeddi oddeutu 1000 o dalebau bob wythnos.
Mae angen i fusnesau gael eu harfogi’n briodol ar gyfer holl sialensiau’r byd digidol yr ydym yn byw o’i fewn, ac rwyf yn annog pob busnes cymwys i ymgeisio cyn gynted ag y gallant, i wneud yn siŵr nad ydynt yn methu’r cynnig euraid hwn.
| Rhanbarth | Nifer y talebau a gynhyrchwyd |
|---|---|
| Yr Alban | 1043 |
| Cymru | 1126 |
| Gogledd Iwerddon | 1356 |
| Gogledd Orllewin Lloegr | 4188 |
| Gogledd Ddwyrain Lloegr | 653 |
| Swydd Efrog a Humber | 3781 |
| Canoldir Lloegr | 2660 |
| Llundain | 8857 |
| Dwyrain Lloegr | 601 |
| De Ddwyrain Lloegr | 1047 |
| De Orllewin Lloegr | 845 |
Mae’r buddiannau y mae busnesau bach yn eu mwynhau o ganlyniad i gyswllt cyflymach yn cynnwys:
- Meithrin a chael mynediad at farchnadoedd newydd drwy gyfrwng cyfathrebu mwy effeithiol â chwsmeriaid a chyflenwyr
- Mwy o ddiogelwch gan fod data’n cael ei storio’n fwy cyflym
- Mwy o gynhyrchedd a gwella gwasanaeth cwsmeriaid drwy lanlwytho a lawrlwytho’n gyflymach
Mae mwy o wybodaeth am y cynllun talebau cyswllt ar gael yma
Nodiadau i Olygyddion
-
Rheolir y Cynllun gan Broadband Delivery UK (BDUK), rhan o’r Adran dros Ddiwylliant, y Cyfryngau a Chwaraeon. Mae BDUK hefyd yn rheoli’r gwaith o gyflwyno band eang cyflym iawn sydd ar waith drwy’r gwledydd ar hyn o bryd, a bydd yn cyrraedd 95 y cant o’r Deyrnas Unedig erbyn 2017.
-
Mae’r tabl isod yn dangos faint o dalebau a gyhoeddwyd ym mhob dinas (hyd at Fehefin 2015). Dylid nodi bod dinasoedd wedi ymuno â’r cynllun ar wahanol adegau, ac fe adlewyrchir hynny yn nifer y talebau a gyhoeddwyd. Ymunodd y dinasoedd sydd â seren wrth eu henw â’r cynllun yn Ebrill eleni.
| Dinasoedd | Nifer y talebau |
|---|---|
| Aberdeen | 168 |
| Dundee* | 5 |
| Caeredin | 686 |
| Glasgow* | 105 |
| Inverness* | 7 |
| Perth | 57 |
| Stirling* | 15 |
| Caerdydd | 961 |
| Casnewydd | 115 |
| Abertawe* | 50 |
| Belffast | 1,119 |
| Derry/Londonderry | 237 |
| Manceinion | 2,924 |
| Salford | 556 |
| Lerpwl* | 657 |
| Preston* | 51 |
| Middlesbrough* | 26 |
| Newcastle | 614 |
| Sunderland* | 13 |
| Hull* | 266 |
| Leeds-Bradford | 3,085 |
| Sheffield* | 188 |
| Caerefrog | 242 |
| Derby | 211 |
| Caerlŷr* | 64 |
| Nottingham* | 55 |
| Birmingham | 1,621 |
| Coventry | 641 |
| Stoke on Trent* | 40 |
| Wolverhampton* | 28 |
| Caergrawnt | 451 |
| Ipswich* | 23 |
| Milton Keynes* | 78 |
| Norwich* | 17 |
| Peterborough* | 32 |
| Llundain | 8,857 |
| Brighton a Hove | 412 |
| Bournemouth* | 80 |
| Chelmsford* | 14 |
| Rhydychen | 233 |
| Portsmouth | 254 |
| Reading* | 20 |
| Southend on Sea* | 11 |
| Southampton* | 23 |
| Bryste | 742 |
| Caerwysg* | 37 |
| Caerloyw* | 28 |
| Plymouth* | 23 |
| Swindon* | 15 |