Data Tueddiadau'r Farchnad mis Awst 2015
Data Tueddiadau'r Farchnad y Gofrestrfa Tir ar gyfer prisiau eiddo preswyl yng Nghymru a Lloegr.
Mae data mis Awst yn dangos cynnydd prisiau blynyddol o 4.2 y cant sy’n mynd â gwerth eiddo cyfartalog yng Nghymru a Lloegr i £184,682. Mae prisiau tai misol wedi codi 0.5 y cant oddi ar fis Gorffennaf 2015.
Mae’r data rhanbarthol yn dangos mai:
- y rhanbarth welodd y cynnydd mwyaf arwyddocaol o ran ei phrisiau blynyddol oedd Dwyrain Lloegr gyda symudiad o 8.4 y cant
- yn Llundain y gwelwyd y cynnydd misol mwyaf gyda symudiad o 1.7 y cant
- gogledd Orllewin Lloegr welodd y cynnydd pris blynyddol isaf o 0.2 y cant
- gogledd Orllewin Lloegr welodd y gostyngiad misol mwyaf arwyddocaol mewn prisiau hefyd gyda gostyngiad o 1.4 y cant
Mae’r ffigurau mwyaf cyfredol ar gyfer gwerthiannau ac adfeddiannau yn ystod mis Mehefin 2015 yn dangos:
- i nifer y gwerthiannau tai a gwblhawyd yng Nghymru a Lloegr ostwng 13 y cant i 70,404 o’i gymharu â 80,823 ym mis Mehefin 2014
- y bu gostyngiad o 17 y cant yn nifer yr eiddo a werthwyd am fwy nag £1 filiwn yng Nghymru a Lloegr i 1,031 o 1,237 flwyddyn yn gynharach
- i niferoedd yr adfeddiannau yng Nghymru a Lloegr ostwng 43 y cant i 498 o’i gymharu â 868 ym mis Mehefin 2014
- y rhanbarth welodd y gostyngiad mwyaf mewn adfeddiannau oedd Llundain
Mynediad i adroddiad llawn y Mynegai ar gyfer mis Awst.
| Rhanbarth | Newid misol oddi ar fis Gorffennaf 2015 | Newid blynyddol oddi ar fis Awst 2014 | Pris cyfartalog Awst 2015 |
|---|---|---|---|
| Llundain | 1.7% | 6.6% | £493,026 |
| De Orllewin Lloegr | 1.1% | 5.4% | £194,088 |
| De Ddwyrain Lloegr | 0.8% | 7.6% | £254,658 |
| Gorllewin Canolbarth Lloegr | 0.6% | 3.2% | £140,417 |
| Dwyrain Lloegr | 0.5% | 8.4% | £210,042 |
| Cymru a Lloegr | 0.5% | 4.2% | £184,682 |
| Gogledd Ddwyrain Lloegr | 0.5% | 0.4% | £100,943 |
| Cymru | 0.2% | 0.9% | £118,899 |
| Dwyrain Canolbarth Lloegr | -0.2% | 3.5% | £136,243 |
| Swydd Gaerefrog a’r Humber | -0.3% | 1.2% | £123,063 |
| Gogledd Orllewin Lloegr | -1.4% | 0.2% | £113,732 |
Cyfartaledd prisiau yn ôl math o eiddo 2015 i 2014
| Cyfartaledd prisiau yn ôl math o eiddo (Cymru a Lloegr) | Awst 2015 | Awst 2014 | Gwahaniaeth |
|---|---|---|---|
| Tŷ sengl | £289,507 | £276,985 | 4.5% |
| Tŷ pâr | £175,299 | £167,412 | 4.7% |
| Tŷ teras | £138,975 | £133,967 | 3.7% |
| Fflat/Fflat deulawr | £176,801 | £169,940 | 4.0% |
| Holl | £184,682 | £177,174 | 4.2% |
Nifer y gwerthiannau 2014 i 2013
| Mis | Gwerthiannau 2014 Cymru a Lloegr | Gwerthiannau 2013 Cymru a Lloegr | Gwahaniaeth |
|---|---|---|---|
| Ionawr | 65,214 | 43,413 | 50% |
| Chwefror | 65,025 | 45,289 | 44% |
| Mawrth | 67,355 | 54,755 | 23% |
| Ebrill | 70,271 | 51,066 | 38% |
| Mai | 77,492 | 66,377 | 17% |
| Mehefin | 80,823 | 66,180 | 22% |
| Gorffennaf | 84,673 | 73,761 | 15% |
| Awst | 87,839 | 79,511 | 10% |
| Medi | 78,794 | 69,737 | 13% |
| Hydref | 86,240 | 76,684 | 12% |
| Tachwedd | 73,041 | 82,873 | -12% |
| Rhagfyr | 77,720 | 79,633 | -2% |
| Cyfanswm | 914,487 | 789,279 | 16% |
Nifer y gwerthiannau 2015 i 2014
| Mis | Gwerthiannau 2015 Cymru a Lloegr | Gwerthiannau 2014 Cymru a Lloegr | Gwahaniaeth |
|---|---|---|---|
| Ionawr | 56,530 | 65,214 | -13% |
| Chwefror | 57,458 | 65,025 | -12% |
| Mawrth | 64,182 | 67,355 | -5% |
| Ebrill | 60,148 | 70,271 | -14% |
| Mai | 67,466 | 77,492 | -13% |
| Mehefin | 70,404 | 80,823 | -13% |
Adfeddiannau fesul rhanbarth 2015 i 2014
| Adfeddiannau fesul rhanbarth | Mehefin 2015 | Mehefin 2014 | Gwahaniaeth |
|---|---|---|---|
| Dwyrain Lloegr | 29 | 54 | -46% |
| Dwyrain Canolbarth Lloegr | 51 | 73 | -30% |
| Llundain | 37 | 86 | -57% |
| Gogledd Ddwyrain Lloegr | 18 | 30 | -40% |
| Gogledd Orllewin Lloegr | 115 | 221 | -48% |
| De Ddwyrain Lloegr | 65 | 99 | -34% |
| De Orllewin Lloegr | 30 | 60 | -50% |
| Cymru | 45 | 62 | -27% |
| Gorllewin Canolbarth Lloegr | 41 | 77 | -47% |
| Swydd Gaerefrog a’r Humber | 67 | 106 | -37% |
| Holl | 498 | 868 | -43% |
Mae’r Data Pris a Dalwyd yn cynnwys manylion dros 78,750 o werthiannau eiddo preswyl yng Nghymru a Lloegr a gyflwynwyd i’w cofrestru ym mis Awst 2015. Roedd y gwerthiant drutaf yn ystod mis Awst 2015 yn Llundain SW1 (£15 miliwn). Roedd y gwerthiant rhataf yn ystod mis Awst 2015 yn Lerpwl (£15,000).
Nodiadau i olygyddion
-
Cyhoeddir Data Tueddiadau’r Farchnad ar ugeinfed diwrnod gwaith pob mis. Cyhoeddir y Mynegai Prisiau Tai ar gyfer mis Medi am 9.30 y bore ar ddydd Mercher 28 Hydref 2015. Cyhoeddir y Data Pris a Dalwyd am 11 y bore ar yr un diwrnod.
-
Mae calendr gyda’r dyddiadau rhyddhau y prif ffigur a’r Mynegai llawn ar gael.
-
Mae’r Mynegai Prisiau Tai yn defnyddio sampl sy’n fwy na’r holl fesurau ystadegol eraill sydd ar gael. Mae’n cael ei gyfrifo ar sail set ddata’r Gofrestrfa Tir o holl werthiannau eiddo preswyl a gwblhawyd yng Nghymru a Lloegr oddi ar Ionawr 1995 yn amodol ar eithrio.
-
Mae set ddata’r Gofrestrfa Tir yn cynnwys manylion am dros 19 miliwn o drafodion preswyl. O’r rhain mae dros 7 miliwn yn barau cyfatebol y gellir eu hadnabod, sy’n darparu’r sail ar gyfer y dadansoddiad ailwerthiannau atchweliad a ddefnyddir i lunio’r mynegai. Mae’r dechnoleg addasu ansawdd hon yn sicrhau ein bod yn cymharu eiddo cyffelyb.
-
Mae’r prif ystadegau ar gyfer Cymru a Lloegr ar dudalen 14 yr adroddiad Mynegai Prisiau Tai misol yn cynnwys data adfeddiannau ychwanegol.
-
Mae’r data adfeddiannau yn seiliedig ar nifer y trafodion a gyflwynwyd i’r Gofrestrfa Tir gan roddwyr benthyg sy’n arfer eu pŵer gwerthu. Unwaith y byddwn wedi nodi’r trafodion hyn, rydym yn tynnu’r wybodaeth pris a dalwyd o’r cofnod perthnasol yn y gofrestr.
-
Er bod y Mynegai yn mynd yn ôl i Ionawr 1995, dim ond oddi ar 2006 rydym wedi bod yn cofnodi adfeddiannau’n gynhwysfawr. Mae hyn yn golygu nad yw data adfeddiannau hanesyddol ar gael cyn mis Ionawr 2006. Gweler data adfeddiannau i gael rhagor o wybodaeth.
-
Mae tablau cefndir y Mynegai ar gael fel Data Agored ar ffurf Excel a CSV ac mewn ffurf y gellir ei darllen gan beiriant fel data cysylltiedig. Maent ar gael i’w defnyddio a’i hail-ddefnyddio am ddim o dan y Drwydded Llywodraeth Agored (TLlA).
-
Mae Data Pris a Dalwyd yn ddata prisiau eiddo preswyl ar gyfer unrhyw werthiannau eiddo preswyl yng Nghymru a Lloegr a gyflwynir i ni i’w cofrestru yn ystod y mis hwnnw. Mae’r wybodaeth ganlynol ar gael ar gyfer pob eiddo: * y cyfeiriad llawn * y pris a dalwyd * dyddiad y trosglwyddiad * y math o eiddo * ai adeilad newydd yw’r eiddo ai peidio * ai rhydd-ddaliol neu brydlesol yw’r eiddo
-
Gellir llwytho Data Pris a Dalwyd i lawr am ddim ar ffurf txt, csv ac mewn ffurf y gellir ei darllen ar beiriant fel data cysylltiedig. Mae ar gael i unrhyw un ei archwilio neu ei ail-ddefnyddio am ddim o dan y TLlA.
-
Fel adran o’r llywodraeth a sefydlwyd ym 1862, asiantaeth weithredol a chronfa fasnachu sy’n atebol i’r Ysgrifennydd Gwladol dros Fusnes, Arloesedd a Sgiliau, mae’r Gofrestrfa Tir yn cadw ac yn cynnal y Gofrestr Tir ar gyfer Cymru a Lloegr. Mae’r Gofrestr Tir wedi bod ar agor i’r cyhoedd ei harchwilio oddi ar 1990.
-
Gyda’r gronfa ddata o drafodion eiddo fwyaf o’r fath gyda manylion mwy na 24 miliwn o deitlau, mae’r Gofrestrfa Tir yn cefnogi’r economi trwy ddiogelu perchnogaeth eiddo sy’n werth biliynau o bunnoedd.
-
I gael rhagor o wybodaeth am y Gofrestrfa Tir ewch i www.gov.uk/land-registry
-
Dilynwch ni ar Twitter @LandRegGov, ein blog, LinkedIn a Facebook
Cysylltu
Swyddfa'r wasg
Trafalgar House
1 Bedford Park
Croydon
CR0 2AQ
E-bost HMLRPressOffice@landregistry.gov.uk
Ffôn (dydd Llun i ddydd Gwener 8.30am a 5.30pm) 0300 006 3565
Symudol (5.30pm a 8.30am) 07864 689 344