Dweud wrth Dŷ’r Cwmnïau am newidiadau i’ch cwmni cyfyngedig
Mae’n rhaid ichi ddweud wrth Dŷ’r Cwmnïau am newidiadau i’ch cwmni cyfyngedig, gan gynnwys:
- cyfarwyddwyr ac ysgrifenyddion cwmni, er enghraifft penodiadau newydd, ymddiswyddiadau neu newidiadau i’w manylion personol
- newid enw’ch cwmni
- newid cyfeiriad eich swyddfa gofrestredig
- newid eich dyddiad cyfeirnod cyfrifeg
- newidiadau i’ch gwybodaeth ‘pobl â rheolaeth arwyddocaol (PRhA)
- newidiadau i strwythur cyfrannau’ch cwmni, er enghraifft os ydych chi’n dyroddi cyfrannau newydd
- manylion unrhyw forgeisiau newydd sydd ganddo neu forgeisiau mae wedi’u had-dalu
I wneud rhai newidiadau mae’n bosibl y bydd angen ichi fabwysiadau penderfyniad.
Mae’n bosibl y bydd angen ichi ddweud wrth Gyllid a Thollau Ei Mawrhydi (CThEM) hefyd.
Mae’r dudalen hon ar gael hefyd yn Saesneg (English)
Cyn i chi ddechrau
Bydd arnoch angen:
- y cyfeiriad e-bost a’r cyfrinair a ddefnyddiasoch i gofrestru ar gyfer gwasanaeth ar-lein Tŷ’r Cwmnïau
- y cod dilysu anfonodd Tŷ’r Cwmnïau atoch
Os nad ydych wedi ddefnyddio’r gwasanaeth o’r blaen
Gallwch gofrestru ar lein Bydd angen i chi roi’ch cyfeiriad e-bost a chreu cyfrinair, wedyn bydd Tŷ’r Cwmnïau’n postio cod dilysu i gyfeiriad eich swyddfa gofrestredig.
Pryd mae’r newidiadau’n dod yn weithredol
Ni fydd eich cyfeiriad yn newid yn swyddogol hyd nes i Dŷ’r Cwmnïau ei gofrestru. Bydd enw’ch cwmni’n newid pan fyddwch yn ei gofrestru.
Bydd Tŷ’r Cwmnïau’n anfon tystysgrif atoch gydag enw newydd eich cwmni a dyddiad ei gofrestru.
Ffyrdd eraill o wneud cais
Gallwch ddefnyddio meddalwedd ffeilio os oes gennych lawer o newidiadau i roi gwybod amdanynt.
Gallwch hefyd ffeilio newidiadau trwy’r post - chwiliwch am y ffurflen arnoch ei hangen a’i hanfon i’r cyfeiriad ar y ffurflen.