Gwirio neu ddiweddaru'ch treth car cwmni

Os oes angen i chi dalu treth ar eich car cwmni, gallwch ddefnyddio’r gwasanaeth hwn er mwyn:

  • gwirio manylion eich car cwmni
  • rhoi gwybod i Gyllid a Thollau EM (CThEM) am unrhyw newidiadau i’ch car ers 6 Ebrill
  • diweddaru’ch buddiant tanwydd, os yw’ch cyflogwr yn talu am danwydd

Mae’r canllaw hwn hefyd ar gael yn Saesneg (English).

Bydd angen:

  • pris sylfaenol y car (gan gynnwys TAW ac ategolion)
  • i chi wirio a yw’ch car diesel yn bodloni’r safon Ewro 6d
  • gwybodaeth am allyriadau CO2
  • y ffigur milltiroedd allyriadau sero neu’r ‘amrediad trydan’ - os oes gan eich car hybrid ffigur allyriadau CO2 rhwng 1 a 50g/km

Gallwch gael yr wybodaeth hon oddi wrth eich cyflogwr.

Dechrau nawr

Cyn i chi ddechrau

Pryd nad oes modd defnyddio’r gwasanaeth hwn

Ni allwch ddefnyddio’r gwasanaeth hwn os yw un o’r canlynol yn wir:

  • rydych yn rhan o gynllun cyfartalu ceir neu rannu ceir
  • rydych yn defnyddio cynllun aberthu cyflog i dalu rhywfaint tuag at gost y car
  • mae’ch cyflogwr yn rheoli buddiannau a threuliau drwy gyflogres y cwmni (a elwir yn ‘talu drwy’r gyflogres’)
  • rydych am wneud newidiadau i gerbyd masnachol cwmni, megis fan

Cysylltwch â CThEM neu gofynnwch i’ch cyflogwr ddiweddaru’ch manylion os na allwch wneud hynny ar-lein.

Gwirio eich cod treth

Gall diweddaru manylion eich car cwmni newid eich cod treth.