Dirwyon a llythyrau gyrru pan nad ydych yn berchen ar y cerbyd

Dychwelwch y llythyr dirwy at y sefydliad a’i anfonodd atoch a dweud wrthyn nhw nad ydych yn berchen ar y cerbyd. Cadwch gopi o unrhyw beth rydych chi’n ei anfon.

Mae’r dudalen hon hefyd ar gael yn Saesneg.

Roeddech chi’n arfer bod yn berchen ar y cerbyd

Anfonwch gopi o’r llythyr a anfonodd DVLA atoch pan wnaethoch werthu’r cerbyd i gadarnhau nad chi yw’r ceidwad cofrestredig bellach.

Os nad oes gennych y llythyr gan DVLA

Ysgrifennwch i DVLA i ofyn am brawf nad chi yw’r ceidwad cofrestredig bellach.

Yn eich llythyr i DVLA dylech gynnwys:

  • rhif cofrestru, gwneuthuriad a model y cerbyd
  • union ddyddiad gwerthu neu drosglwyddo’r cerbyd
  • enw a chyfeiriad yr unigolyn y gwnaethoch ei werthu neu ei drosglwyddo iddo

Bydd DVLA yn anfon llythyr newydd atoch o fewn 4 wythnos.

DVLA
Abertawe
SA99 1ZZ

Dydych chi erioed wedi bod yn berchen ar y cerbyd

Os nad ydych erioed wedi bod y ceidwad cofrestredig, ysgrifennwch i DVLA i ofyn am brawf nad chi yw’r ceidwad cofrestredig. Rhowch gymaint o wybodaeth iddyn nhw am y cerbyd â phosibl.

Bydd DVLA yn diweddaru ei chofnodion ac yn anfon llythyr cadarnhau atoch o fewn 4 wythnos.

DVLA
Abertawe
SA99 1ZZ