Casglwch wybodaeth am y digwyddiad ac ewch ati i olrhain eich cyflenwyr a’ch cwsmeriaid busnes , fel eich bod chi’n gwybod pa fwyd neu fwyd anifeiliaid yr effeithir arnynt a beth yw’r risgiau i ddefnyddwyr. Yna, mae’n rhaid i chi wneud y canlynol: tynnu’r bwyd neu’r bwyd anifeiliaid yn ôl o’r gadwyn gyflenwi ar unwaith cyhoeddi rhybudd i alw’r cynnyrch yn ôl os yw wedi cyrraedd defnyddwyr neu anifeiliaid dweud wrth dîm diogelwch bwyd eich awdurdod lleol neu awdurdod iechyd porthladd dweud wrth yr Asiantaeth Safonau Bwyd ( ASB ) am y digwyddiad os yw eich busnes wedi cael ei gymeradwyo gan dîm milfeddygol yr ASB dweud wrth eich awdurdod lleol neu’r ASB os yw’r cynnyrch wedi’i ddosbarthu y tu allan i’r DU cymryd camau i atal digwyddiadau yn y dyfodol Os na fyddwch chi’n mynd i’r afael â digwyddiad, gallai eich busnes gael ei atal rhag cynhyrchu bwyd neu fwyd anifeiliaid. Gallech gael dirwy neu, mewn achosion difrifol, gael eich erlyn. Bydd eich awdurdod lleol yn rhoi gwybod i dîm digwyddiadau’r ASB . Gallwch hefyd roi gwybod i’r ASB eich hun os yw’r bwyd neu’r bwyd anifeiliaid eisoes wedi cyrraedd defnyddwyr neu anifeiliaid. Mae’r canllawiau hyn hefyd ar gael yn Saesneg (English) . Tynnu cynhyrchion yn ôl Rhaid i chi dynnu fwyd neu fwyd anifeiliaid sydd wedi’i labelu’n anghywir, nad yw’n cydymffurfio, neu sy’n anniogel yn ôl o’r gadwyn gyflenwi. Gwnewch hyn ar unwaith, cyn iddo gyrraedd defnyddwyr neu anifeiliaid. Rhaid i chi ddweud wrth unrhyw fusnesau eraill rydych chi wedi gwerthu’r bwyd neu’r bwyd anifeiliaid iddynt am y digwyddiad. Nodwch y canlynol: pa gynnyrch a swp yr effeithir arno pam mae’r cynnyrch wedi’i dynnu’n ôl beth dylen nhw ei wneud nesaf, er enghraifft dychwelyd y cynnyrch neu gael gwared arno’n ddiogel Galw cynhyrchion yn ôl Os yw’r bwyd neu’r bwyd anifeiliaid eisoes wedi cyrraedd defnyddwyr neu berchnogion anifeiliaid, mae angen i chi alw’r cynnyrch yn ôl. Rhaid i chi gysylltu â defnyddwyr. Rhannwch wybodaeth gywir am y canlynol: manylion y cynnyrch, fel yr enw, y maint, y dyddiadau ‘ar ei orau cyn’ neu ‘defnyddio erbyn’ a chod y swp delwedd o’r cynnyrch y rheswm dros alw’r cynnyrch yn ôl beth dylen nhw ei wneud os ydyn nhw wedi prynu’r cynnyrch, gan gynnwys a yw’n ddiogel ei fwyta, a ddylen nhw ei ddychwelyd ac a allan nhw gael ad-daliad sut i gael gwared ar y cynnyrch yn ddiogel – siaradwch â’ch awdurdod lleol am hyn ble i gael rhagor o wybodaeth Rhaid i chi gyfathrebu â defnyddwyr yn effeithiol. Gallech ddefnyddio posteri yn eich siop, eich gwefan, cyfryngau cymdeithasol neu gyfathrebiadau marchnata. Gallech hefyd gysylltu â sefydliadau defnyddwyr, cleifion neu alergeddau penodol. Os ydych chi wedi gwerthu’r cynnyrch i fusnes arall, dywedwch wrtho am roi gwybod i’w gwsmeriaid fod y cynnyrch wedi’i alw yn ôl. Defnyddiwch y dogfennau templed hyn i’ch helpu i alw cynnyrch yn ôl. Beth i’w wneud â bwyd a bwyd anifeiliaid anniogel Os bydd gennych fwyd neu fwyd anifeiliaid sy’n anniogel, sydd wedi’i labelu’n anghywir, neu nad yw’n cydymffurfio, dylech wneud y canlynol: storio bwyd anniogel ar wahân i fwyd diogel labelu’r bwyd yn glir bod â chynllun ar waith ar gyfer delio â bwyd anniogel sy’n cael ei ddychwelyd atoch chi cael gwared ar y bwyd yn ddiogel – siaradwch â’ch awdurdod lleol a dilyn cyfreithiau gwaredu gwastraff perthnasol, gan gynnwys y rhai ar gyfer cynhyrchion anifeiliaid dogfennu’r hyn rydych chi’n ei wneud gyda’r bwyd, gan gynnwys sut rydych chi’n cael gwared arno’n ddiogel Efallai y byddwch chi’n gallu gwneud y bwyd neu’r bwyd anifeiliaid yn ddiogel, er enghraifft trwy ail-labelu bwyd fel ei fod yn nodi ei fod yn cynnwys alergen. Rhaid i chi gael caniatâd gan dîm diogelwch bwyd eich awdurdod lleol neu awdurdod iechyd porthladd cyn i chi wneud hyn.

Ar ôl delio â’r digwyddiad uniongyrchol, rhaid i chi ddarganfod sut a pham y cododd y digwyddiad a sut i atal digwyddiadau yn y dyfodol. Gallwch ddadansoddi gwraidd y broblem i wneud hyn. Mae gwybodaeth ar gael drwy gwrs ar-lein yr Asiantaeth Safonau Bwyd ( ASB ) ar ddadansoddi gwraidd y broblem a’r adnoddau ar ddadansoddi gwraidd yr achos . Gallwch hefyd ofyn i’ch awdurdod lleol am gyngor. Mae’r canllawiau hyn hefyd ar gael yn Saesneg (English) . Gallwch hefyd atal digwyddiadau drwy wneud y canlynol: bod â system diogelwch bwyd ar waith dilyn arferion gorau mewn perthynas â hylendid bwyd sicrhau bod bwyd wedi’i labelu’n gywir

Rhoi gwybod am y digwyddiad i’r ASB

Fel arfer, bydd eich awdurdod lleol yn cysylltu â’r Asiantaeth Safonau Bwyd ( ASB ) ar eich rhan. Dylech gysylltu â’r ASB cyn gynted â phosibl os yw’r: bwyd neu’r bwyd anifeiliaid wedi’i ddosbarthu y tu allan i’r DU digwyddiad yn ddifrifol a bod y cynnyrch wedi cyrraedd cwsmeriaid Mae’r canllawiau hyn hefyd ar gael yn Saesneg (English) . Gwybodaeth y dylech ei rhoi i’r ASB Cofiwch gynnwys yr wybodaeth ganlynol wrth roi gwybod i’r ASB : enw eich busnes cyfeiriad post llawn a chod post y busnes pryd y gwnaethoch chi sylwi ar y digwyddiad disgrifiad byr o unrhyw ymchwil hyd yn hyn – manylion y cynnyrch, y meintiau yr effeithir arnynt, unrhyw beryglon a nodwyd a’r effaith ar ddefnyddwyr neu anifeiliaid crynodeb o’r camau rydych chi wedi’u cymryd a’r camau rydych chi’n bwriadu eu cymryd manylion unrhyw gyngor penodol sydd ei angen arnoch gan yr ASB manylion cyswllt lle mae modd cysylltu â chi ar unrhyw adeg, gan gynnwys y tu allan i oriau busnes arferol Os yw’r cynnyrch wedi’i fewnforio neu ei allforio y tu allan i’r DU , rhaid i chi hefyd gynnwys gwybodaeth ddosbarthu neu olrheiniadwyedd. Rhaid hefyd gynnwys yr wybodaeth ganlynol os yw ar gael: gwybodaeth ddosbarthu ac olrheiniadwyedd ffotograffau perthnasol copïau o unrhyw dystysgrifau prawf canlyniad unrhyw waith dadansoddi gwraidd y broblem, a sut y byddwch chi’n atal digwyddiadau yn y dyfodol Manylion cyswllt Anfonwch eich adroddiad drwy e-bost at y tîm perthnasol ar gyfer eich gwlad. Asiantaeth Safonau Bwyd – Cymru FSA.IncidentsWales@food.gov.uk Asiantaeth Safonau Bwyd – Lloegr Ffôn: 020 7276 8448 Dydd Llun i ddydd Gwener, 9am i 5.30pm Gall awdurdodau lleol a busnesau bwyd adael neges bob amser FSA.Incidents@food.gov.uk Asiantaeth Safonau Bwyd – Gogledd Iwerddon FSA.IncidentsNI@food.gov.uk

Digwyddiadau bwyd neu fwyd anifeiliaid: galw a thynnu cynhyrchion yn ôl

Trosolwg

Ystyr digwyddiad bwyd neu fwyd anifeiliaid yw pan fyddwch chi’n gwybod, neu’n amau, fod un neu fwy o’r problemau canlynol yn berthnasol i fwyd neu fwyd anifeiliaid y mae eich busnes wedi’i gynhyrchu neu ei ddosbarthu:

mae’n niweidiol i iechyd
nid yw’n ddiogel ei fwyta
nid yw’n bodloni gofynion cyfreithiol
mae label y cynnyrch neu’r rhestr gynhwysion yn anghywir neu’n gamarweiniol
mae’n cynnwys alergenau neu gynhwysion eraill a allai fod yn beryglus nad ydynt wedi’u nodi ar label y cynnyrch

Rhaid i chi gymryd camau gweithredu a rhoi gwybod am unrhyw ddigwyddiadau bwyd neu fwyd anifeiliaid.

Mae’r canllawiau hyn hefyd ar gael yn Saesneg (English).

Rhoi gwybod am ddigwyddiad yn yr Alban

Mae ffordd wahanol o roi gwybod am ddigwyddiad bwyd neu fwyd anifeiliaid yn yr Alban.

Os ydych chi eisiau rhoi gwybod am fusnes rhywun arall

Cysylltwch â thîm diogelwch bwyd eich awdurdod lleol os ydych chi o’r farn bod digwyddiad bwyd neu fwyd anifeiliaid wedi codi mewn busnes nad ydych chi’n berchen arno.

Newyddion a rhybuddion am ddigwyddiadau bwyd

Dysgwch fwy am y digwyddiadau bwyd neu fwyd anifeiliaid diweddaraf a’r achosion diweddaraf o alw cynhyrchion yn ôl. Gallwch danysgrifio i gael rhybuddion.

Argraffu'r canllaw cyfan

Digwyddiadau bwyd neu fwyd anifeiliaid: galw a thynnu cynhyrchion yn ôl

Trosolwg

Rhoi gwybod am ddigwyddiad yn yr Alban

Os ydych chi eisiau rhoi gwybod am fusnes rhywun arall

Newyddion a rhybuddion am ddigwyddiadau bwyd

Is this page useful?

Help us improve GOV.UK

Help us improve GOV.UK

Cookies on GOV.UK

Digwyddiadau bwyd neu fwyd anifeiliaid: galw a thynnu cynhyrchion yn ôl

Trosolwg

Rhoi gwybod am ddigwyddiad yn yr Alban

Os ydych chi eisiau rhoi gwybod am fusnes rhywun arall

Newyddion a rhybuddion am ddigwyddiadau bwyd

Is this page useful?

Help us improve GOV.UK

Help us improve GOV.UK