Defnyddio atwrneiaeth arhosol
Os ydych yn atwrnai neu’n rhoddwr ar atwrneiaeth arhosol (LPA), gallwch ddefnyddio’r gwasanaeth hwn i:
- ganiatáu i bobl neu sefydliadau weld crynodeb o LPA
- cadwch olwg ar ba bobl neu sefydliadau sydd wedi cael mynediad at LPA
- gweld crynodeb o LPA
- gweld sut mae’r rhai a enwir ar yr LPA yn defnyddio’r gwasanaeth
- gofynnwch am allwedd cadarnhau cyfrif os nad ydych wedi cael un
- cael allwedd cadarnhau cyfrif newydd os ydych wedi ei golli neu os ydyw wedi dod i ben
Dim ond ar gyfer LPA sydd wedi’i chofrestru yng Nghymru a Lloegr y gallwch ddefnyddio’r gwasanaeth hwn.
Mae’r gwasanaeth hwn ar gael hefyd yn Saesneg (English).
Bydd angen i chi greu cyfrif y tro cyntaf y byddwch yn defnyddio’r gwasanaeth hwn. Yna i ychwanegu LPA i’ch cyfrif neu i weld LPA, byddwch angen:
- cyfeirnod yr LPA
- allwedd cadarnhau cyfrif
Os cafodd yr LPA ei chofrestru ar 17 Gorffennaf 2020 neu ar ôl hynny, bydd eich allwedd cadarnhau cyfrif yn y llythyr a gawsoch, yn dweud wrthych fod yr LPA wedi cael ei chofrestru.
Os cafodd yr LPA ei chofrestru ar 1 Ionawr 2016 neu ar ôl hynny, gallwch ddefnyddio’r gwasanaeth hwn i ofyn am allwedd cadarnhau cyfrif newydd. Bydd arnoch angen eich cyfeirnod LPA.
Os cafodd yr LPA ei chofrestru cyn 1 Ionawr 2016, bydd angen i chi ddangos yr LPA bapur i bobl neu sefydliadau yn lle hynny.
Beth mae angen i chi wybod
Os ydych yn sefydliad, bydd angen i chi ofyn i’r atwrnai am god mynediad i weld LPA.
Os nad ydych wedi gwneud LPA eto, mae yna wasanaeth gwahanol ar gyfer gwneud LPA.