Cadw mewn cysylltiad â rhywun yn y carchar
Ymweld â rhywun yn y carchar
Gallwch wneud cais ar-lein i ymweld â rhywun yn y carchar yn y rhan fwyaf o achosion.
Chewch chi ddim ymweld â charcharor oni bai ei fod wedi eich ychwanegu at ei restr ymwelwyr. Bydd y carchar yn cysylltu â chi pan fyddwch chi ar y rhestr hon.
Cael help gyda chostau ymweld â rhywun
Efallai y bydd modd i chi gael help i dalu i ymweld â charchar, er enghraifft costau teithio, os ydych chi’n cael budd-daliadau penodol.
Pa mor aml gewch chi ymweld â rhywun yn y carchar
I garcharor a gafwyd yn euog, caniateir o leiaf ddau ymweliad 1 awr o hyd bob 4 wythnos fel arfer.
I garcharor sydd ar remand (yn aros am ei dreial), caniateir tri ymweliad 1 awr o hyd yr wythnos.
Gallwch gael rhagor o wybodaeth am union reolau ymweliadau ar dudalen wybodaeth y carchar rydych chi’n ymweld ag ef.