Absenoldeb a Thâl ar y cyd i Rieni

Sgipio cynnwys

Cymhwystra ar gyfer rhieni biolegol

I fod yn gymwys ar gyfer Absenoldeb ar y Cyd i Rieni (SPL) a Thâl Statudol ar y Cyd i Rieni (ShPP), mae’n rhaid i’r ddau riant:

  • rhannu cyfrifoldeb am y plentyn ar ei enedigaeth

  • bodloni meini prawf gwaith a thâl - mae’r rhain yn wahanol yn dibynnu ar ba riant sydd am ddefnyddio’r absenoldeb a’r tâl ar y cyd i rieni

Nid ydych yn gymwys os gwnaethoch ddechrau rhannu’r cyfrifoldeb am y plentyn ar ôl iddo gael ei eni.

Mae’r meini prawf cymhwystra’n wahanol os ydych yn rhieni mabwysiadol neu rieni sy’n defnyddio mam fenthyg.

Gallwch wirio a allwch gael SPL ac ShPP (yn agor tudalen Saesneg). Bydd angen i chi wybod y canlynol:

Os yw’r ddau riant am rannu’r SPL a’r ShPP

Rhaid i’r ddau riant fodloni’r un meini prawf cymhwystra i gael SPL ac ShPP. Mae’n rhaid i chi:

  • bod wedi’ch cyflogi’n barhaol gan yr un cyflogwr am o leiaf 26 wythnos, erbyn diwedd y 15fed wythnos cyn y dyddiad dyledus

  • aros gyda’r un cyflogwr tan o leiaf yr wythnos cyn i chi ddechrau’ch SPL

I fod yn gymwys ar gyfer SPL, mae’n rhaid i chi fod yn ‘gyflogeion’ (nid ‘gweithwyr’) – gwiriwch eich statws cyflogaeth (yn agor tudalen Saesneg). Os yw’r naill neu’r llall ohonoch yn ‘weithiwr’, efallai y gallwch rannu ShPP ond nid SPL.

I fod yn gymwys ar gyfer ShPP, mae’n rhaid i’r naill a’r llall ohonoch ennill o leiaf £125 yr wythnos ar gyfartaledd.

Os yw partner y fam eisiau cymryd yr SPL a’r ShPP

Er mwyn i bartner y fam gymryd SPL ac ShPP, mae’n rhaid i’r fam a phartner y fam fodloni rhai gofynion o ran cymhwystra.

Mae’n rhaid i’r fam:

  • bod wedi gweithio am o leiaf 26 wythnos allan o’r 66 wythnos cyn yr wythnos y disgwylir i’r babi gael ei eni (nid oes angen i’r 26 wythnos fod yn olynol)

  • bod wedi ennill cyfanswm o £390 o leiaf ar draws unrhyw 13 o’r 66 wythnos (ychwanegwch at ei gilydd yr wythnosau pan dalwyd y symiau uchaf – nid oes angen iddynt fod yn olynol)

Mae’n rhaid i bartner y fam:

  • bod wedi’ch cyflogi’n barhaol gan yr un cyflogwr am o leiaf 26 wythnos, erbyn diwedd y 15fed wythnos cyn y dyddiad dyledus

  • aros gyda’r un cyflogwr tan o leiaf yr wythnos cyn i chi ddechrau’ch SPL

I fod yn gymwys ar gyfer SPL, mae’n rhaid i’r partner fod yn ‘gyflogai’ (nid ‘gweithiwr’) – gwiriwch ei statws cyflogaeth (yn agor tudalen Saesneg). Os yw’r partner yn ‘weithiwr’, efallai y bydd yn gallu cael ShPP ond nid SPL.

I fod yn gymwys ar gyfer ShPP, mae’n rhaid i’r partner ennill o leiaf £125 yr wythnos ar gyfartaledd.

Os yw’r fam eisiau cymryd yr SPL a’r ShPP

Er mwyn i’r fam gymryd SPL ac ShPP, mae’n rhaid i’r fam a phartner y fam fodloni rhai gofynion o ran cymhwystra.

Mae’n rhaid i bartner y fam:

  • bod wedi gweithio am o leiaf 26 wythnos allan o’r 66 wythnos cyn yr wythnos y disgwylir i’r babi gael ei eni (nid oes angen i’r 26 wythnos fod yn olynol)

  • bod wedi ennill cyfanswm o £390 o leiaf yn ystod 13 o’r 66 wythnos (ychwanegwch yr wythnosau sy’n talu fwyaf - nid oes angen iddynt for yn olynol)

Mae’n rhaid i’r fam:

  • bod wedi’ch cyflogi’n barhaol gan yr un cyflogwr am o leiaf 26 wythnos, erbyn diwedd y 15fed wythnos cyn y dyddiad dyledus

  • aros gyda’r un cyflogwr tan o leiaf yr wythnos cyn i chi ddechrau’ch SPL

I fod yn gymwys ar gyfer SPL, mae’n rhaid i’r fam fod yn ‘gyflogai’ (nid ‘gweithiwr’) – gwiriwch ei statws cyflogaeth (yn agor tudalen Saesneg). Os yw’r fam yn ‘weithiwr’, efallai y bydd yn gallu cael ShPP ond nid SPL.

I fod yn gymwys ar gyfer ShPP, mae’n rhaid i’r fam ennill o leiaf £125 yr wythnos ar gyfartaledd.

Argraffu'r canllaw cyfan