Ymateb i'ch Swyddfa Cofrestru Etholiadol am eich hawliau pleidleisio
Defnyddiwch y gwasanaeth hwn i ymateb i lythyr neu e-bost yn gofyn cwestiwn am eich statws mewnfudo er mwyn canfod sut mae hyn yn effeithio ar eich hawliau pleidleisio.
Dim ond â’ch Swyddfa Cofrestru Etholiadol y caiff eich ateb i’r cwestiwn hwn ei rannu. Ni fydd eich ateb yn effeithio ar eich statws mewnfudo.
Bydd eich Swyddfa Cofrestru Etholiadol yn defnyddio eich ateb i gadarnhau a oes gennych yr hawl i bleidleisio:
- mewn etholiadau lleol a digwyddiadau pleidleisio lleol yn Lloegr
- yn etholiadau Comisiynwyr yr Heddlu a Throseddu os ydych yn byw yng Nghymru neu Loegr
Os ydych yn byw yng Nghymru, nid oes newidiadau i’ch hawl i bleidleisio yn etholiadau’r Senedd ac etholiadau cynghorau lleol yng Nghymru.
Gallwch ddysgu mwy am newidiadau i bleidleisio ar gyfer dinasyddion yr UE ar wefan y Comisiwn Etholiadol.
Pwy all ddefnyddio’r gwasanaeth hwn
Dim ond os cawsoch lythyr neu e-bost gan eich Swyddfa Cofrestru Etholiadol yn gofyn am eich gwybodaeth y bydd angen i chi ddefnyddio’r gwasanaeth hwn.
Mae’r dudalen hon ar gael hefyd yn Saesneg (English)
Ateb ar-lein
Bydd yn cymryd llai na phum munud fel arfer.
Cyn i chi ddechrau
Bydd angen y canlynol arnoch:
- y llythyr â’ch cod diogelwch unigryw
- y cod post lle rydych wedi cofrestru i bleidleisio yn y DU
Os ydych wedi colli eich llythyr, bydd angen i chi gysylltu â’ch Swyddfa Cofrestru Etholiadol.
Os ydych wedi newid eich enw, eich cyfeiriad neu eich cenedligrwydd ers i chi gofrestru i bleidleisio ddiwethaf, bydd angen i chi gofrestru i bleidleisio eto gan ddefnyddio eich manylion newydd.
Ffyrdd eraill o ateb
Os na allwch ateb ar-lein, gallwch lenwi’r ffurflen bapur a ddaeth gyda’ch llythyr.
Gallwch hefyd ateb y cwestiwn dros y ffôn drwy ffonio eich Swyddfa Cofrestru Etholiadol.