Taliad Niwed Trwy Frechiad
Trosolwg
Os oes gennych anabledd difrifol o ganlyniad i frechiad yn erbyn afiechydon penodol, gallwch gael taliad di-dreth untro o £120,000. Gelwir hwn yn Daliad Niwed Trwy Frechiad.
Gallwch hefyd wneud cais am y taliad hwn ar ran rhywun sydd wedi marw ar ôl cael anabledd difrifol o ganlyniad i frechiadau penodol. Rhaid eich bod yn rheoli eu hystâd i wneud cais.
Gallwch gymryd gweithred gyfreithiol o hyd i wneud cais am iawndal, hyd yn oed os ydych yn cael Taliad Niwed Trwy Frechiad.
Mae’r canllaw hwn hefyd ar gael yn Saesneg (Saesneg).
Effaith ar fudd-daliadau rydych yn eu derbyn
Gall Taliad Niwed Trwy Frechiad effeithio ar fudd-daliadau a hawliau fel:
- Cymhorthdal Incwm
- Lwfans Ceisio Gwaith yn Seiliedig ar incwm
- Credyd Treth Gwaith
- Credyd Treth Plant
- Credyd Cynhwysol
- Credyd Pensiwn
- Budd-dal Tai
- Rhyddhad Treth Cyngor
- Lwfans Cyflogaeth a Chymorth
Bydd effaith y taliad yn dibynnu ar nifer o bethau. Mae hyn yn cynnwys y taliad sy’n cael ei roi mewn ymddiriedolaeth a’r taliadau sy’n cael eu gwneud ohono.
Os ydych yn cael Taliad Niwed Trwy Frechiad, rhowch wybod i’r swyddfa sy’n delio â’ch budd-dal neu gais credyd treth. Gallwch gael manylion cyswllt o lythyron maent wedi eu hanfon atoch.