Gwneud cais am ddogfen teithio i anifeiliaid anwes ar gyfer Gogledd Iwerddon

Defnyddiwch y gwasanaeth yma i wneud cais am ddogfen teithio i anifeiliaid anwes (PTD) i fynd â’ch ci, eich cath neu’ch ffured o Brydain Fawr (Cymru, Lloegr a’r Alban) i Ogledd Iwerddon.

Cewch wneud cais am ddim a bydd yn para cyhyd ag y bydd yr anifail anwes yn perthyn i chi.

Mae’r dudalen hon ar gael hefyd yn Saesneg (English).

Os ydych chi’n byw yng Ngogledd Iwerddon, does dim angen PTD arnoch i deithio’n ôl ac ymlaen i Brydain Fawr. Rhaid i’ch anifail anwes fod â microsglodyn.

Pwy sy’n cael gwneud cais

Cewch wneud cais am PTD:

Bydd arnoch chi angen PTD ar wahân ar gyfer pob anifail anwes.

Bydd arnoch chi angen dogfennau gwahanol os ydych chi’n teithio ymlaen, er enghraifft, trwy Ogledd Iwerddon i wlad arall.

Gwneud cais ar-lein

Bydd angen ichi fewngofnodi gyda’ch ID defnyddiwr a’ch cyfrinair ar gyfer Porth y Llywodraeth. Os nad oes gennych ID defnyddiwr, gallwch greu un. Bydd angen ichi sefydlu cyfrif Defra hefyd.

Dechrau nawr

Cyn i chi ddechrau

Byddwn ni’n gofyn ichi roi:

  • rhif microsglodyn eich anifail anwes
  • y dyddiad y cafodd eich anifail anwes ei ficrosglodyn neu ddyddiad y tro diwethaf i’r microsglodyn gael ei sganio
  • brid, lliw a rhyw eich anifail anwes
  • unrhyw nodweddion anarferol a all fod gan eich anifail anwes, fel llygad neu goes yn eisiau

Cŵn tywys a chŵn cymorth

Mae angen ichi wneud cais am PTD i deithio gyda chi tywys neu gi cymorth.

Gallwch gael gwybodaeth am deithio gyda’ch ci cymorth ar wefan y Cŵn Tywys.

Gadael i rywun arall deithio gyda’ch anifail anwes

Dim ond un person sy’n gallu cael ei enwi fel perchennog yr anifail anwes ar y PTD.

Ar ôl ichi gael eich PTD, cewch awdurdodi rhywun arall i deithio gyda’ch anifail anwes i Ogledd Iwerddon. Er enghraifft, gallai fod yn aelod o’r teulu neu’n negesydd anifeiliaid anwes.

Bydd arnyn nhw angen:  

  • y PTD  
  • cymeradwyaeth ysgrifenedig gennych chi, fel llythyr, neges ebost neu neges destun  
  • llofnodi datganiad yn y porthladd fferi neu’r maes awyr – sy’n gorfod cynnwys y dyddiad a’r man y maen nhw’n ei lofnodi

Cael help i wneud cais

Os oes arnoch chi angen help i wneud cais ar-lein, ffoniwch linell gymorth yr Asiantaeth Iechyd Anifeiliaid a Phlanhigion.

Yr Asiantaeth Iechyd Anifeiliaid a Phlanhigion
Ffôn: 03000 200 301
Dydd Llun i ddydd Gwener, 8:30am i 5pm (Ar gau ar wyliau banc)
Rhagor o wybodaeth am gostau galwadau