Canllawiau

VO 6048 cais am wybodaeth rhent: llety hunanddarpar yng Nghymru

Llenwch y ffurflen VO 6048 os yw Asiantaeth y Swyddfa Brisio (VOA) wedi gofyn i chi am wybodaeth rhent am eich eiddo hunanddarpar neu lety gwyliau yng Nghymru.

• Gan: Asiantaeth y Swyddfa Brisio
• Cyhoeddwyd: 8 Hydref 2025

Yn berthnasol i Gymru

Dylech ond llenwi’r ffurflen os mae’r VOA wedi gofyn i chi wneud.  

Llenwch ffurflen wahanol os yw eich eiddo yn Lloegr (yn agor tudalen Saesneg).

Os yw eich eiddo yn gymwys ar gyfer ardrethi busnes ond eich bod yn talu Treth Gyngor ar hyn o bryd, gallwch wneud cais am ardrethi busnes ar gyfer:

• llety hunanddarpar yn Lloegr (yn agor tudalen Saesneg)
• llety hunanddarpar yng Nghymru

Sut i lenwi’r ffurflen

Gallwch lenwi’r ffurflen ar y sgrin, neu argraffu’r ffurflen a’i llenwi â llaw.

Cymru VO 6048 llety hunanddarpar gwyliau

PDF, 683 KB, 9 o dudalennau

Efallai na fydd y ffeil hon yn addas ar gyfer defnyddwyr technoleg gynorthwyol.

Gwneud cais am fformat hygyrch.

Os ydych chi'n defnyddio technoleg gynorthwyol (er enghraifft, rhaglen darllen sgrin) a bod angen fersiwn o'r ddogfen hon arnoch mewn fformat mwy hygyrch, e-bostiwch different.format@hmrc.gov.uk. Rhowch wybod i ni pa fformat sydd ei angen arnoch. Bydd yn ein helpu ni os byddwch chi'n dweud pa dechnoleg gynorthwyol rydych chi'n ei defnyddio.

Efallai na fydd y ffurflen yn gweithio os ydych yn ceisio ei hagor yn eich porwr. I agor y ffurflen mae angen i chi:

1. Lawrlwytho ac arbed y ffurflen ar eich cyfrifiadur.

2. Agor y ffurflen gan ddefnyddio’r fersiwn ddiweddaraf am ddim o Adobe Reader.

Ble i anfon y ffurflen hon

Atodwch y ffurflen wedi’i chwblhau at e-bost. Anfonwch hi at specialist.rating@voa.gov.uk gan ddefnyddio’r pennawd pwnc ‘Ffurflen ddychwelyd hunanddarpar wedi’i chwblhau’.

Os yw’n well gennych, gallwch anfon y ffurflen wedi’i chwblhau drwy’r post i:

Valuation Officer  
Wycliffe House  
Green Lane  
Durham  
DH1 3UW

Pam mae eich gwybodaeth yn bwysig

Mae gwerthoedd ardrethol yn seiliedig ar yr hyn fyddai’r rhent blynyddol ar gyfer eiddo wedi bod ar ddyddiad gwerthuso sefydlog. Mae VOA yn defnyddio’r wybodaeth yr ydych yn rhoi ar y ffurflen hon i sicrhau bod yr asesiad o werthoedd ardrethol yn gywir. Mae awdurdodau lleol yn defnyddio gwerthoedd ardrethol i gyfrifo biliau ardrethi busnes.

Rhaid i chi ddychwelyd y ffurflen hon o fewn 56 diwrnod i’r diwrnod y byddwch yn ei derbyn. Os na fyddwch yn dychwelyd y ffurflen hon o fewn 56 diwrnod, byddwch yn agored i ddirwy o £100 o dan baragraff 5A(1) o Atodlen 9 i Ddeddf Cyllid Llywodraeth Leol 1988.

Gweler y rhestr gyflawn o ffurflenni cais rhent VOA (yn agor tudalen Saesneg).

Cyhoeddwyd ar 8 Hydref 2025