Canllawiau

Gwneud cais am ardrethi busnes ar gyfer eiddo hunanddarpar yng Nghymru

Llenwch y ffurflen hon os oes gennych lety gwyliau hunanddarpar yng Nghymru sy’n gymwys ar gyfer ardrethi busnes

• Gan: Asiantaeth y Swyddfa Brisio
• Cyhoeddwyd: 8 Hydref 2025

Yn berthnasol i Gymru

Pryd y gallwch wneud cais

O 1 Ebrill 2023, rhaid i’r holl amodau canlynol fod yn wir er mwyn i’ch eiddo fod yn gymwys ar gyfer ardrethi busnes:

• roedd ar gael i’w osod yn fasnachol (gyda’r bwriad o wneud elw) am 252 noson yn ystod y 12 mis blaenorol
• roedd wedi cael ei osod yn fasnachol am 182 noson yn ystod y 12 mis blaenorol
• bydd ar gael i’w osod yn fasnachol am o leiaf 252 noson yn ystod y 12 mis nesaf

Efallai y caiff eich eiddo ei symud o ardrethi busnes i’r Dreth Gyngor os bydd yn peidio â bodloni’r meini prawf.

Llenwch ffurflen wahanol os yw eich eiddo yn Lloegr (yn agor tudalen Saesneg).

Nosweithiau dydych chi ddim yn cael eu cynnwys

Wrth gyfrifo’r nosweithiau roedd eich eiddo ar gael i’w osod neu wedi’i osod yn wirioneddol, dydych chi ddim yn cael cynnwys:

• nosweithiau pan oedd eich eiddo ar gau ar gyfer atgyweirio neu adnewyddu
• nosweithiau pan oedd y safle lle mae’r eiddo wedi’i leoli ar gau
• nosweithiau pan oeddech yn defnyddio’r eiddo’n breifat, gan gynnwys ei osod i ffrindiau neu deulu am gyfradd ostyngol
• archebion yn y dyfodol nad ydynt wedi digwydd eto

Nid yw arhosiadau dros 28 noson yn cael eu hystyried yn osodiadau tymor byr. Dydych chi ddim yn cael cynnwys y rhain fel nosweithiau pan gafodd eich eiddo ei osod. Gallwch eu cynnwys fel nosweithiau pan oedd eich eiddo ar gael, ond dim ond os oedd modd archebu’r eiddo am 28 noson neu lai.

Sut i lenwi’r ffurflen

Gallwch lenwi’r ffurflen ar y sgrin, neu argraffu’r ffurflen a’i llenwi â llaw.

Llenwch un ffurflen ar gyfer pob eiddo hunanddarpar cymwys.

Gwneud cais am ardrethi fusnes ar gyfer eiddo hunanddarpar yng Nghymru

PDF, 484 KB, 4 o dudalennau

Efallai na fydd y ffeil hon yn addas ar gyfer defnyddwyr technoleg gynorthwyol.

Gwneud cais am fformat hygyrch.

Os ydych chi'n defnyddio technoleg gynorthwyol (er enghraifft, rhaglen darllen sgrin) a bod angen fersiwn o'r ddogfen hon arnoch mewn fformat mwy hygyrch, e-bostiwch different.format@hmrc.gov.uk. Rhowch wybod i ni pa fformat sydd ei angen arnoch. Bydd yn ein helpu ni os byddwch chi'n dweud pa dechnoleg gynorthwyol rydych chi'n ei defnyddio.

Efallai na fydd y ffurflen yn gweithio os ydych yn ceisio ei hagor yn eich porwr. I agor y ffurflen mae angen i chi:

1. Lawrlwytho ac arbed y ffurflen ar eich cyfrifiadur.

2. Agor y ffurflen gan ddefnyddio’r fersiwn ddiweddaraf am ddim o Adobe Reader.

Ble i anfon y ffurflen hon

Atodwch y ffurflen wedi’i chwblhau at e-bost. Anfonwch hi at specialist.rating@voa.gov.uk gan ddefnyddio’r pennawd pwnc ‘Ffurflen ddychwelyd hunanddarpar wedi’i chwblhau’.

Os yw’n well gennych, gallwch anfon y ffurflen wedi’i chwblhau drwy’r post i:

Valuation Officer
Wycliffe House  
Green Lane  
Durham  
DH1 3UW

Cyhoeddwyd ar 8 Hydref 2025