Canllawiau

Tudalennau atodol CT600M: Porthladdoedd Rhydd a Pharthau Buddsoddi

Sut i lenwi tudalennau atodol CT600M a pha wybodaeth y mae angen i chi ei chynnwys.

Gan:
Cyllid a Thollau EF
Cyhoeddwyd
30 Medi 2022
Diweddarwyd ddiwethaf
26 Chwefror 2025 — Gweld pob diweddariad

Pryd i’w llenwi

Llenwch y tudalennau atodol hyn os yw’r cwmni yn hawlio:

  • lwfansau strwythurau ac adeiladau (SBA) uwch

  • lwfansau cyfalaf uwch (ECA) ar gyfer offer a pheiriannau ar gyfer gwariant cymhwysol sy’n ymwneud â safle treth Porthladd Rhydd neu Barth Buddsoddi

Darllenwch restr CThEF o safleoedd treth Porthladdoedd Rhydd a’r mapiau cysylltiedig (yn agor tudalen Saesneg) am ragor o wybodaeth.

Gwybodaeth am y cwmni

M1 Enw’r cwmni

Nodwch enw’r cwmni.

M2 Cyfeirnod treth

Nodwch Gyfeirnod Unigryw y Trethdalwr yn y DU, sef 10 digid, ar gyfer y cwmni.

Y cyfnod sydd dan sylw yn y dudalen atodol hon (ni all fod yn fwy na 12 mis)

M3

Nodwch y dyddiad dechrau gan ddefnyddio’r fformat DD MM BBBB.

M4

Nodwch ddyddiad dod i ben y cyfnod cyfrifyddu gan ddefnyddio’r fformat DD MM BBBB.

Lwfansau strwythurau ac adeiladau uwch mewn Porthladdoedd Rhydd a Pharthau Buddsoddi

M5

Gwnewch gofnod ar wahân ar gyfer hawliadau sy’n ymwneud â phob adeilad neu strwythur y mae hawliad yn cael ei wneud ar ei gyfer.

Colofn A Lleoliad y Porthladd Rhydd neu’r Parth Buddsoddi

Nodwch y rhif sy’n cyfateb i leoliad y Porthladd Rhydd neu’r Parth Buddsoddi yn unig:

  • Porthladd Rhydd: Maes awyr Dwyrain Canolbarth Lloegr — 1
  • Porthladd Rhydd: Felixstowe a Harwich — 2
  • Porthladd Rhydd: Humber — 3
  • Porthladd Rhydd: Rhanbarth Dinas Lerpwl — 4
  • Porthladd Rhydd: Plymouth a De Dyfnaint — 5
  • Porthladd Rhydd: Solent — 6
  • Porthladd Rhydd: Thames — 7
  • Porthladd Rhydd: Teesside — 8
  • Porthladd Rhydd: Inverness a Cromarty Firth — 9
  • Porthladd Rhydd: Forth — 10
  • Porthladd Rhydd: Ynys Môn — 11
  • Porthladd Rhydd: Celtaidd (Port Talbot ac Aberdaugleddau) — 12
  • Parth Buddsoddi: Rhanbarth Dinas Lerpwl — 13
  • Parth Buddsoddi: Gogledd-ddwyrain Lloegr — 14
  • Parth Buddsoddi: Gorllewin Canolbarth Lloegr — 15
  • Parth Buddsoddi: Dwyrain Canolbarth Lloegr — 16

Colofn B Cyfeiriad gweithrediad busnes

Nodwch gyfeiriad y gweithrediad busnes.

Colofn C Dyddiad y daethpwyd â’r strwythur neu’r adeilad i ddefnydd cymhwysol

Nodwch naill ai’r dyddiad y daethpwyd â’r strwythur neu’r adeilad yr ydych yn hawlio ar ei gyfer i ddefnydd cymhwysol, neu’r dyddiad yr aethpwyd i’r gwariant cymhwysol, pa un bynnag sydd hwyraf.

Colofn D Dyddiad y contract adeiladu cyntaf

Nodwch y dyddiad ar gyfer y contract adeiladu cyntaf. Os na wneir contract, neu os gwneir y contract dim ond ar ôl i’r gwaith adeiladu ddechrau, nodwch ddyddiad dechrau’r gwaith adeiladu.

Colofn E Cyfanswm y gwariant cymhwysol

Nodwch gyfanswm y gwariant cymhwysol Porthladd Rhydd neu Barth Buddsoddi sy’n ymwneud ag adeilad neu strwythur os mai chi yw’r hawliwr cyntaf a’ch bod yn hawlio lwfans strwythurau ac adeiladau am y tro cyntaf mewn perthynas â’r swm hwnnw o wariant cymhwysol Porthladd Rhydd neu Barth Buddsoddi. Mae’n rhaid adlewyrchu’r gwariant cymhwysol hwn mewn datganiad lwfans. Os mai chi a wnaeth y gwariant cymhwysol a’ch bod wedi nodi’r gwariant o’r blaen ochr yn ochr â’ch hawliad cyntaf i SBA, yna nodwch 0. Os ydych chi’n berchennog dilynol ar y strwythur neu’r adeilad a bod perchennog blaenorol wedi hawlio SBA, yna dylech nodi 0 (dylech gymryd yn ganiataol bod perchennog blaenorol wedi hawlio SBA ac wedi adrodd am y gwariant cymhwysol oni bai eich bod yn gwybod fel arall).

Pan fo dosraniad wedi’i wneud, peidiwch â chynnwys y swm nad yw’n wariant cymhwysol Porthladd Rhydd neu Barth Buddsoddi. Dylid adrodd am y gwariant hwn ar eich CT600 yn y ffordd arferol.

Colofn F Cyfanswm y Lwfans Strwythurau ac Adeiladau (SBA) a hawliwyd

Nodwch gyfanswm y lwfans strwythurau ac adeiladau uwch a hawliwyd. Pan fo dosraniad wedi’i wneud ar gyfer eiddo sy’n pontio safle treth, peidiwch â chynnwys swm y lwfansau strwythurau ac adeiladau a hawliwyd nad oeddent yn lwfansau uwch. Dylid adrodd am y swm hwn a hawliwyd ar eich CT600 yn y ffordd arferol.

M10 Cyfanswm y gwariant cymhwysol

Nodwch gyfanswm colofn E.

Mae’n rhaid cynnwys y swm hwn hefyd ym mlwch 771 o’ch ffurflen CT600.

M15 Cyfanswm y lwfansau strwythurau ac adeiladau a hawliwyd

Nodwch gyfanswm colofn F.

Mae’n rhaid cynnwys y swm hwn hefyd ym mlwch 711 (y swm sy’n gysylltiedig â masnach) ac i flwch 736 (y swm nad yw’n gysylltiedig â masnach) o’ch ffurflen CT600.

Lwfans cyfalaf uwch ar gyfer offer a pheiriannau mewn Porthladdoedd Rhydd a Pharthau Buddsoddi

M20

Mae’n rhaid gwneud cofnod ar wahân ar gyfer hawliadau sy’n ymwneud â gwahanol Borthladdoedd Rhydd a Pharthau Buddsoddi.

Colofn A Lleoliad y Porthladd Rhydd neu’r Parth Buddsoddi

Nodwch y rhif sy’n cyfateb i leoliad y Porthladd Rhydd neu’r Parth Buddsoddi yn unig:

  • Porthladd Rhydd: Maes awyr Dwyrain Canolbarth Lloegr — 1
  • Porthladd Rhydd: Felixstowe a Harwich — 2
  • Porthladd Rhydd: Humber — 3
  • Porthladd Rhydd: Rhanbarth Dinas Lerpwl — 4
  • Porthladd Rhydd: Plymouth a De Dyfnaint — 5
  • Porthladd Rhydd: Solent — 6
  • Porthladd Rhydd: Thames — 7
  • Porthladd Rhydd: Teesside — 8
  • Porthladd Rhydd: Inverness a Cromarty Firth — 9
  • Porthladd Rhydd: Forth — 10
  • Porthladd Rhydd: Ynys Môn — 11
  • Porthladd Rhydd: Celtaidd (Port Talbot ac Aberdaugleddau) — 12
  • Parth Buddsoddi: Rhanbarth Dinas Lerpwl — 13
  • Parth Buddsoddi: Gogledd-ddwyrain Lloegr — 14
  • Parth Buddsoddi: Gorllewin Canolbarth Lloegr — 15
  • Parth Buddsoddi: Dwyrain Canolbarth Lloegr — 16

Colofn B Cyfeiriad gweithrediad busnes

Nodwch gyfeiriad y gweithrediad busnes.

Colofn C Rhowch ‘X’ yn y blwch os gwnaethoch hawliad Ardal Fenter yn ymwneud â’r hawliad lwfans cyfalaf uwch hwn

Nodwch X os yw’ch gweithrediad busnes wedi’i leoli mewn ardal fenter hefyd, a’ch bod wedi hawlio rhyddhad treth am y buddsoddiad hwn mewn offer neu beiriannau sydd i’w defnyddio, neu sydd i’w cadw er mwyn eu defnyddio, o fewn ardal ddynodedig a gynorthwyir yn yr ardal fenter honno.

Colofn D Cyfanswm y lwfans cyfalaf uwch a hawliwyd ar gyfer y cyfnod cyfrifyddu

Nodwch gyfanswm y lwfansau a hawliwyd wrth brynu offer neu beiriannau i’w defnyddio yn bennaf ar safle treth mewn Porthladd Rhydd Barth Buddsoddi penodol. Os hawlir y lwfans llawn, dyma fydd cyfanswm y gwariant a wnaed.

Colofn E Gwerth gwaredu

Nodwch unrhyw swm a ystyriwyd ar gyfer gwaredu offer neu beiriannau o’r fath, hyd yn oed os nad yw tâl mantoli wedi codi oherwydd bod y gwerth gwaredu’n cael ei ystyried yn y brif gronfa, cronfa cyfradd arbennig neu gronfa sengl o asedion.

Peidiwch â chynnwys y symiau yng ngholofnau D ac E gyda’r lwfansau eraill a thaliadau mantoli ym mlychau 690 i 730 o’ch ffurflen CT600 (oni bai bod gwerth gwaredu wedi’i ystyried yn y brif gronfa, cronfa cyfradd arbennig neu gronfa sengl o asedion, os felly gallai effeithio ar y symiau a gofnodir yn y blychau hynny).

M25 Cyfanswm y lwfans cyfalaf uwch a hawliwyd ar gyfer y cyfnod cyfrifyddu

Nodwch gyfanswm colofn D. Mae’n rhaid cynnwys y swm hwn gydag unrhyw wariant lwfans blwyddyn gyntaf arall ym mlwch 760 o’ch ffurflen CT600.

M30 Cyfanswm yr holl werthoedd gwaredu

Nodwch gyfanswm colofn E.

Updates to this page

Cyhoeddwyd ar 30 Medi 2022
Diweddarwyd ddiwethaf ar 26 Chwefror 2025 show all updates

  1. A new designated Investment Zone has been added to column A locations for M5 and M20.

  2. Investment zones tax site has been added. M5 and M20 column A locations have new entries added. Welsh translation has been updated.

  3. Welsh translation added.

  4. Guidance about completing 'Column E Total amount of qualifying expenditure' has been updated.

  5. First published.

Argraffu'r dudalen hon

Cynnwys

Cynnwys cysylltiedig