Tudalennau atodol CT600H: breindaliadau trawsffiniol
Sut i lenwi tudalennau atodol CT600H a pha wybodaeth y mae angen i chi ei chynnwys.
Pryd i’w llenwi
Cwmnïau yn y DU neu sefydliadau parhaol yn y DU sy’n perthyn i gwmnïau tramor
Os yw’r canlynol yn wir am y cwmni (neu am y sefydliadau parhaol yn y DU sy’n perthyn i gwmni tramor):
-
gwnaeth freindaliadau trawsffiniol ar ôl 1 Hydref 2002
-
roedd yn credu’n rhesymol bod gan y sawl oedd yn cael y breindaliadau hawl i ryddhad cytuniad ar unrhyw dreth a ddidynnwyd
Mae gan y cwmni hawl i wneud taliadau o’r fath heb ddidynnu treth, neu ar y gyfradd a bennir yn y Cytuniad Trethiant Dwbl sy’n briodol i wlad breswyl y talai. Darllenwch arweiniad CThEF ar gytuniadau treth (yn agor tudalen Saesneg) am ragor o wybodaeth am wledydd neu diriogaethau sydd â Chytundebau Trethiant Dwbl.
Gwybodaeth am y cwmni (neu’r sefydliadau parhaol yn y DU)
H1, Enw’r cwmni
Nodwch enw’r cwmni.
H2, Cyfeirnod treth
Nodwch Gyfeirnod Unigryw y Trethdalwr 10 digid ar gyfer y cwmni.
Y cyfnod sydd dan sylw yn y dudalen atodol hon (ni all fod yn fwy na 12 mis)
H3
Nodwch y dyddiad dechrau gan ddefnyddio’r fformat DD MM BBBB.
H4
Nodwch ddyddiad dod i ben y cyfnod cyfrifyddu gan ddefnyddio’r fformat DD MM BBBB.
Manylion y taliadau sydd wedi’u gwneud
H5A i H5H, Manylion y taliadau sydd wedi’u gwneud
Nodwch y manylion perthnasol ar gyfer pawb a gafodd y breindal. Ym mlwch H5E, nodwch enw’r wlad sydd â’r Cytundeb Trethiant Dwbl gyda’r DU.
Cosbau
Mae yna ddarpariaethau ychwanegol ar gyfer cosbau am fethu â chadw’r gyfraith ynghylch breindaliadau. I gael rhagor o wybodaeth, darllenwch y canlynol:
Mae yna hefyd ddarpariaeth ar gyfer cyhoeddi Cyfarwyddyd o dan y canlynol:
Diweddarwyd ddiwethaf ar 2 January 2024 + show all updates
-
Added translation
-
First published.