Canllawiau

Gwirio’r lwfansau wedi’u diogelu ar eich cynilion pensiwn

Gwirio a diwygio diogelwch lwfans oes eich pensiwn.

Gan:
Cyllid a Thollau EF
Cyhoeddwyd
6 Ebrill 2016
Diweddarwyd ddiwethaf
6 Ebrill 2025 — Gweld pob diweddariad

Daeth diddymiad y lwfans oes i rym o 6 Ebrill 2024 ymlaen. Darllenwch gyfraddau blaenorol y lwfans oes safonol (yn agor tudalen Saesneg).

Os oes gennych lwfans wedi’i ddiogelu, gallwch fewngofnodi i wirio eich amddiffyniad presennol. Os nad oes gennych fanylion mewngofnodi eisoes, byddwch yn gallu eu creu.

Rhoi gwybod am newid i’ch pensiwn

Gall newidiadau i’ch pensiwn effeithio ar eich gallu i gadw’ch diogelwch unigol ar gyfer 2014 a 2016. Dylech roi gwybod i CThEF yn ysgrifenedig (yn agor tudalen Saesneg) os yw’r canlynol yn berthnasol:

  • mae swm y dadansoddiad o’ch pensiwn yn newid am ddiogelwch unigol 2014 neu 2016

  • mae angen i chi ychwanegu neu newid debyd pensiwn oherwydd eich bod yn cael hysbysiad rhyddhau o ganlyniad i orchymyn rhannu pensiwn — mae’n rhaid i chi roi gwybod i ni cyn pen 60 diwrnod i’r debyd pensiwn

Os ydych wedi diogelu’ch cynilion pensiwn ar-lein, byddwch yn gallu newid pob diogelwch sydd gennych eich hun. Er enghraifft, os gwnaethoch gamgymeriadau gyda’r gwerthoedd pan wnaethoch y cais, neu os oes gennych ddebydau pensiwn sy’n effeithio ar y swm sy’n eich diogelu.

Mae angen i chi fewngofnodi i ddiwygio’ch diogelwch, a dewis yr opsiwn ‘pensiynau’. Bydd angen y manylion mewngofnodi a ddefnyddioch wrth wneud cais.

Os na wnaethoch ddiogelu’ch cynilion pensiwn ar-lein, dylech roi gwybod i CThEF yn ysgrifenedig am y newidiadau hyn. Bydd CThEF yn ysgrifennu atoch i roi gwybod i chi sut mae’n effeithio ar eich diogelwch.

Os ydych wedi colli diogelwch

Mae’n rhaid i chi fodloni amodau penodol er mwyn dibynnu ar eich diogelwch os oes gennych y canlynol:

  • diogelwch uwch
  • diogelwch penodol
  • diogelwch penodol 2014
  • diogelwch penodol 2016

Os nad ydych yn bodloni’r amodau hyn, mae’n bosib y gallwch golli’ch diogelwch (yn agor tudalen Saesneg) a bydd angen i chi roi gwybod i CThEF yn ysgrifenedig.

Gwneud cais am ddiogelwch ar ôl unioni’r pensiwn gwasanaeth cyhoeddus (a elwir hefyd yn McCloud)

Os oeddech yn aelod o gynllun pensiwn gwasanaeth cyhoeddus rhwng 1 Ebrill 2015 a 31 Mawrth 2022, yn dilyn unioni’r pensiynau gwasanaeth cyhoeddus, efallai y byddwch yn gymwys i wneud cais am naill ai:

  • diogelwch penodol 2016
  • diogelwch unigol 2016

Os ydych o’r farn eich bod yn gymwys, bydd angen i chi ysgrifennu at CThEF i wneud cais yn:

Gwasanaethau Cynlluniau Pensiwn
Cyllid a Thollau EF
HMRC
BX9 1ST

Mae’n rhaid i chi gynnwys:

  • y math o ddiogelwch rydych yn gwneud cais amdano
  • eich bod yn gwneud cais o ganlyniad i unioni’r pensiynau gwasanaeth cyhoeddus
  • eich rhif Yswiriant Gwladol
  • eich manylion cyswllt

Unwaith y bydd eich llythyr yn dod i law, byddwn yn ysgrifennu atoch i roi gwybod i chi am y camau nesaf, neu i ofyn am unrhyw wybodaeth ychwanegol sydd ei hangen arnom i brosesu eich cais.

Codi arian o’ch cynllun pensiwn

Os gwnaethoch wneud cais am lwfansau wedi’u diogelu drwy’r gwasanaeth ar-lein, bydd gennych 2 cyfeirnod. Y rhain yw eich:

  • rhif hysbysu diogelwch
  • cyfeirnod gweinyddwr y cynllun

Bydd angen i chi roi’r cyfeirnodau hyn i weinyddwr eich cynllun pan fyddwch yn penderfynu codi arian o’ch cynlluniau pensiwn, er mwyn dangos bod gennych lwfans wedi’i ddiogelu.

Dangosir eich rhif hysbysu diogelwch fel a ganlyn:

  • 8 o gymeriadau gyda chymysgedd o ddigidau a llythrennau, er enghraifft A012345A ar gyfer diogelwch uwch, prif ddiogelwch, diogelwch penodol, diogelwch penodol 2014 a rhywfaint o ddiogelwch unigol 2014

  • IP14 wedi’i ddilyn gan 10 digid ac 1 llythyren ar gyfer diogelwch unigol 2014, er enghraifft IP141234567890A

  • FP16 wedi’i ddilyn gan 10 digid ac 1 llythyren ar gyfer diogelwch penodol 2016, er enghraifft FP161234567890A

  • IP16 wedi’i ddilyn gan 10 digid ac 1 llythyren ar gyfer diogelwch unigol 2016, er enghraifft IP161234567890B

Dangosir cyfeirnod gweinyddwr eich cynllun fel PSA wedi’i ddilyn gan 8 digid ac 1 llythyren.

Yn y mwyafrif o achosion, gallwch ddod o hyd i’r cyfeirnodau hyn ar-lein, hyd yn oed os na wnaethoch gais ar-lein am lwfansau wedi’u ddiogelu.

Updates to this page

Cyhoeddwyd ar 6 Ebrill 2016
Diweddarwyd ddiwethaf ar 6 Ebrill 2025 show all updates

  1. Information on applying for individual protection 2016 and fixed protection 2016 has been removed.

  2. Amended information on the deadlines for applying for fixed protection 2016 and individual protection 2016.

  3. Information about applying for fixed protection 2016 or individual protection 2016 after the public service pensions remedy has been added.

  4. Information about pensions lifetime allowance protection and what to do if you lose your protection has been updated.

  5. The section 'If you’ve lost protection' has been added.

  6. A link has been added to sections 'Apply for individual protection 2016' and 'After you’ve applied' to give guidance on what to do if you lose your lifetime allowance protection. The section 'If you've lost protection' has been removed.

  7. The lifetime allowance stays at £1,073,100 for 2021 to 2022.

  8. The lifetime allowance has increased from £1,055,000 to £1,073,100 from 6 April 2020.

  9. The current standard lifetime allowance has been change from £1,030,000 to £1,055,000.

  10. Rates, allowances and duties have been updated for the tax year 2018 to 2019.

  11. This guidance has been updated with information about lifetime allowance protection reference numbers.

  12. References to the individual protection 2014 (IP2014) have been removed as the deadline for applying for this protection closed on 5 April 2017.

  13. The section on how and when to report a change has been amended.

  14. This guidance has been updated to reflect the new online service for members to protect their lifetime allowance from the 2014 and 2016 reduction.

  15. First published.

Argraffu'r dudalen hon

Cynnwys

Cynnwys cysylltiedig