Talu ffïoedd eich dirprwyaeth
Gwybodaeth am y dulliau sydd ar gael i dalu ffïoedd eich dirprwyaeth.
Applies to England and Wales
Fel dirpwy, rhaid i chi dalu ffi bob blwyddyn i Swyddfa’r Gwarcheidwad Cyhoeddus (OPG). Mae hyn yn cynnwys cost OPG i’ch goruchwylio a’ch cefnogi. Fel arfer, mae’n ddyledus ar 31 Mawrth am waith goruchwylio’r flwyddyn flaenorol.
Er mwyn osgoi unrhyw oedi wrth brosesu eich taliad, peidiwch â thalu â siec.
Talu ar-lein
Gallwch dalu ar-lein gan ddefnyddio cerdyn debyd neu gredyd. Ewch i’r safle Taliadau Goruchwylio a chyflwyno manylion eich cerdyn.
Gofynnir i chi am gyfeirnod wrth dalu. Defnyddiwch eich rhif achos OPG. Bydd hwn i’w weld ar y llythyrau a dderbynioch gennym.
Talu drwy drosglwyddiad banc
Gallwch dalu trwy drosglwyddo’r ffi i’r cyfrif hwn:
- Rhif Didoli: 60 70 80
- Rhif y Cyfrif: 10029052
- Enw’r Cyfrif: OPG Supervision
- Cyfeirnod: Eich rhif achos OPG
Talu dros y ffôn
I dalu dros y ffôn gan ddefnyddio cerdyn debyd neu gredyd, ffoniwch Dîm Bilio Goruchwylio OPG ar 0121 600 6118 (Rhyngwladol: +44121 600 6118).
Talu drwy Ddebyd Uniongyrchol:
Efallai y byddech yn ei chael yn hwylusach sefydlu Debyd Uniongyrchol. Bydd yn tynnu’r ffi o’ch cyfrif bob blwyddyn fel nad oes yn rhaid i chi ei drefnu bob amser. Gallwch sefydlu’r Debyd Uniongyrchol ar unrhyw adeg yn ystod y flwyddyn.
Gallwch gysylltu â Swyddfa’r Gwarcheidwad Cyhoeddus i gael ffurflen debyd uniongyrchol i’w llenwi gyda’ch manylion cyswllt. Anfonwch e-bost at opgfinance@publicguardian.gov.uk i gael copi o’r ffurflen.
Am beth mae’r ffïoedd yn talu?
Caiff ein ffïoedd eu gosod gan y Senedd ac maent yn cynnwys cost ein gwasanaethau, yn cynnwys:
- gwirio’r adroddiad y byddwch yn ei anfon atom bob blwyddyn
- cefnogaeth ymwelwyr y Llys Gwarchod a all eich helpu gydag unrhyw anawsterau yr ydych yn eu cael
- gwasanaethau goruchwylio i sicrhau eich bod yn gweithredu’n unol â’r gorchymyn llys
- ymchwilio i bryderon yr adroddwyd arnynt
- cyngor ac arweiniad gan ein rheolwyr achos a’n canolfan cyswllt cwsmeriaid
Cewch ragor o wybodaeth am OPG a’i gwasanaethau ar-lein.