Skip to main content
Canllawiau

Hawlio Rhyddhad Treth Theatr ar gyfer Treth Gorfforaeth

Gwirio a yw’ch cwmni yn gymwys i gael Rhyddhad Treth Theatr ar gyfer Treth Gorfforaeth, a’r hyn y gallwch ei hawlio.

Updates to this page

Gan:
Cyllid a Thollau EF
Cyhoeddwyd:
10 Chwefror 2020
Diweddarwyd ddiwethaf:
19 Chwefror 2026
Show all updates

  1. The ‘How to claim' section has been updated to highlight that you must include the CT600P when making a claim from 6 April 2026. A link to the HMRC email updates, videos and webinar Creative industries page has been added.

  2. What you can claim section updated to include a tool to work out how much creative industry tax relief you can claim for your production.

  3. The new rate for surrendering losses is 40%. If your production is touring, you can surrender losses at the new higher rate of 45%. These rates apply from 1 April 2025.

  4. The need to include a CT600P creative industries supplementary page with your Company Tax Return from April 2025 has been removed.

  5. Guidance added to check if the production qualifies for the tax relief. Added in information about CT600P supplementary page.

  6. From 1 April 2024 the rule for core costs used on goods or services provided from within the UK or European Economic Area (EEA) is changing. At least 10% of the core costs must relate to activities in the UK.

  7. The 'How to claim' section has been updated with a link to 'Support your claim for creative industry tax reliefs' which explains how to provide evidence to support your creative industry reliefs claim.

  8. Information updated about core expenditure.

  9. First published.

Pwy all hawlio

Mae’n rhaid bod y canlynol yn wir am eich cwmni:

  • mae’n cymryd rhan weithredol yn y gwaith cynllunio a phenderfynu

  • mae’n gweithio’n uniongyrchol i drafod, contractio a thalu am hawliau, nwyddau a gwasanaethau

  • mae’n gyfrifol am redeg y cynhyrchiad o’r dechrau i’r diwedd, gan gynnwys gwneud y canlynol:

    • cyflogi’r perfformwyr

    • hurio’r perfformwyr

Gwiriwch a yw’ch cwmni’n gymwys fel y cwmni cynhyrchu cyn hawlio’r rhyddhad.

Gwirio a yw’r cynhyrchiad yn gymwys i gael rhyddhad treth

Gall eich cwmni hawlio’r rhyddhad os yw’r canlynol yn wir:

  • mae’n llwyfannu un o’r cynyrchiadau theatr cymhwysol canlynol:

    • drama, opera, sioe gerdd neu ddarn dramatig arall sy’n adrodd stori lle mae’r perfformiadau’n fyw a bod y perfformwyr yn cyflawni perfformiadau drwy chwarae rolau

    • ballet

  • prif bwrpas y gynulleidfa yw gwylio’r perfformiad

  • mae’r perfformiadau i gyd, neu’r rhan fwyaf ohonynt, ar gyfer aelodau o’r cyhoedd sy’n talu, neu at ddibenion addysgol

  • mae o leiaf 25% o’r ‘costau craidd’ yn cael eu gwario ar nwyddau neu wasanaethau a ddarperir o’r tu mewn i’r DU neu’r UE, Norwy, Gwlad yr Iâ a Liechtenstein, sef yr Ardal Economaidd Ewropeaidd (AEE) — o 1 Ebrill 2024 ymlaen, mae’n rhaid i o leiaf 10% o’r ‘costau craidd’ fod yn gysylltiedig â gweithgarwch yn y DU

Costau craidd yw’r hyn a wariwyd ar redeg y cynhyrchiad theatr a’i gau. Nid yw’n cynnwys unrhyw gostau a godir yn ystod rhediad y cynhyrchiad.

Ni all eich cwmni hawlio’r rhyddhad os yw’r canlynol yn wir am y cynhyrchiad:

  • prif bwrpas y cynhyrchiad, neu un o’i brif bwrpasau, yw hysbysebu neu hyrwyddo nwyddau neu wasanaethau

  • mae’r cynhyrchiad yn cynnwys cystadleuaeth

  • mae’r cynhyrchiad yn defnyddio anifail gwyllt

  • mae’r cynhyrchiad yn cynnwys golygfeydd o natur rywiol

  • prif bwrpas y cynhyrchiad, neu un o’i brif bwrpasau, yw recordio’r perfformiad

  • mae’r cynhyrchiad wedi’i gynhyrchu at ddibenion hyfforddi

Gallwch wirio a yw’r cynhyrchiad yn gymwys i gael y rhyddhad hwn.

Yr hyn y gallwch ei hawlio

Gallwch hawlio didyniad ychwanegol i ostwng eich elw, neu i gynyddu colled. Bydd hyn yn gostwng swm y Dreth Gorfforaeth y bydd yn rhaid i chi ei dalu.

Y didyniad ychwanegol yw’r isaf o’r naill neu’r llall o’r canlynol:

  • 80% o gyfanswm y costau craidd

  • swm y costau craidd a wariwyd ar nwyddau neu wasanaethau a ddarperir o’r tu mewn i’r DU neu’r AEE — o 1 Ebrill 2024 ymlaen, bydd yn rhaid nodi swm y costau craidd sy’n gysylltiedig â gweithgarwch yn y DU

Os byddwch yn gwneud colled, gall yr holl golled, neu ran ohoni, gael ei hildio yn gyfnewid am gredyd treth taladwy.

Y gyfradd bresennol ar gyfer ildio colledion yw 40%. Gallwch ildio colledion ar gyfradd uwch o 45% os yw’ch cynhyrchiad ar daith.

Er mwyn i’ch cynhyrchiad gael ei ystyried fel un sydd ar daith, mae’n rhaid i o leiaf un o’r canlynol fod yn wir:

  • yn ystod camau cyntaf y cynhyrchiad, mae’n rhaid eich bod yn bwriadu perfformio’r cynhyrchiad mewn o leiaf 6 safle ar wahân

  • bydd o leiaf 14 perfformiad, a bydd y rhain yn cael eu perfformio mewn o leiaf 2 safle ar wahân

Cyfrifwch faint o ryddhad treth y diwydiant creadigol y gallwch ei hawlio ar gyfer eich cynhyrchiad.

Pryd y gallwch hawlio

Gallwch wneud hawliad am Ryddhad Treth Theatr, diwygio’ch hawliad neu ei dynnu, hyd at un flwyddyn ar ôl dyddiad cyflwyno Ffurflen Dreth y Cwmni.

Ar gyfer cyfnodau cyfrifyddu sy’n dechrau ar neu ar ôl 1 Ebrill 2024, gallwch wneud hawliad am Ryddhad Treth Theatr, diwygio’ch hawliad neu ei dynnu, hyd at 2 flynedd ar ôl diwedd y cyfnod cyfrifyddu y mae’n berthnasol iddo.

Mae’n bosibl y gall CThEF dderbyn hawliadau hwyr o dan rai amgylchiadau.

Sut i hawlio

Rydych yn hawlio’r credydau gwariant ar eich Ffurflen Dreth y Cwmni (yn agor tudalen Saesneg). Os byddwch yn cyflwyno’ch Ffurflen Dreth ar neu ar ôl 6 Ebrill 2026, mae’n rhaid i chi gynnwys tudalen atodol CT600P Diwydiannau Creadigol.

Bydd angen i chi gyfrifo’r canlynol:

  • didyniadau ychwanegol sy’n ddyledus i’ch cwmni

  • unrhyw gredyd taladwy sy’n ddyledus i’ch cwmni

Mae’n rhaid i chi gyflwyno ffurflen wybodaeth ychwanegol (yn agor tudalen Saesneg) fel tystiolaeth ar gyfer eich hawliad am ryddhad treth y diwydiant creadigol.

Ar gyfer pob cynhyrchiad, mae’n rhaid i chi roi’r canlynol:

  • teitl y cynhyrchiad

  • dyddiad dechrau’r cynhyrchiad

  • datganiad o’r costau craidd, wedi’u rhannu fel y ganlyn:

    • costau yn y DU neu’r AEE

    • costau nad ydynt yn y DU neu’r AEE

  • dadansoddiad o’r costau fesul categori

Os ydych yn hawlio’r gyfradd rhyddhad ar gyfer cynyrchiadau ar daith, bydd hefyd angen i chi roi nifer y perfformiadau a fydd yn cael eu cynnal ym mhob safle, a dyddiadau’r perfformiadau hyn.

Rhagor o wybodaeth

Gallwch ddod o hyd i ragor o wybodaeth, gan gynnwys enghreifftiau o sut mae’r rhyddhad yn cael ei gyfrifo:

Argraffu'r dudalen hon

Cynnwys