Gwirio’ch dyddiadau cau ar gyfer cyflwyno Ffurflenni Treth a’u talu
Defnyddiwch yr offeryn hwn i ddysgu am eich dyddiadau cau treth a’u hychwanegu at eich calendr.
Yr hyn y gallwch ei wneud â’r offeryn hwn
Defnyddiwch yr offeryn hwn i wirio’r dyddiadau cau ar gyfer y canlynol:
- Cynllun y Diwydiant Adeiladu os ydych yn gontractwr
- TWE os ydych yn gyflogwr
- Hunanasesiad
- TAW
Bydd eich dyddiadau cau yn seiliedig ar yr wybodaeth a roddwyd gennych. Byddwch hefyd yn cael yr opsiwn i argraffu’ch dyddiadau cau, neu eu hychwanegu at eich calendr.
Calendrau sy’n cydweddu â’r offeryn hwn
Gallwch ychwanegu eich dyddiadau cau at y rhan fwyaf o raglenni calendr ar eich cyfrifiadur, ffôn neu dabled.
Os ydych yn defnyddio’r offeryn hwn ar iPhone neu iPad, bydd angen i chi ddefnyddio Safari i ychwanegu’ch dyddiadau cau at eich calendr Apple.
Cyn i chi ddechrau
Ar gyfer rhai trethi, bydd angen i chi wybod yr wybodaeth ganlynol:
- dyddiad dechrau a dyddiad dod i ben eich cyfnod cyfrifyddu
- sut i dalu’ch bil treth
- sut rydych yn anfon eich Ffurflenni Treth — drwy’r post neu ar-lein
Bydd yr offeryn hwn yn cymryd tua 5 munud i chi ei lenwi.
Nid oes angen i chi fewngofnodi i ddefnyddio’r offeryn hwn. Nid yw’r wybodaeth a roddwyd gennych er mwyn pennu’ch dyddiadau cau yn cael ei rhoi i CThEF.