Newid manylion elusen
Newid manylion arwyddocaol am elusen gydnabyddedig gan ddefnyddio ffurflen ChV1.
Os yw’ch sefydliad yn cael ei gydnabod fel elusen gan CThEF, gallwch ddefnyddio’r ffurflen hon i roi gwybod i ni am newidiadau sylweddol i fanylion yr elusen.
Gallai newidiadau sylweddol gynnwys newidiadau i’r canlynol:
- manylion cyswllt
- swyddogion awdurdodedig
- enwebeion, fel asiantau treth
- manylion cyfrif banc
Gallwch wneud un o’r canlynol:
- defnyddio’r gwasanaeth ar-lein
- llenwi’r ffurflen ar-lein, ei hargraffu a’i hanfon drwy’r post i CThEF
Os ydych yn enwi person sydd heb rif Yswiriant Gwladol, bydd yn rhaid i chi ddefnyddio’r ffurflen bost.
Esboniwch yr amgylchiadau yn adran 55, o dan ‘unrhyw newidiadau eraill’.
Newid manylion ar-lein
Bydd angen i chi fewngofnodi gan ddefnyddio’r Dynodydd Defnyddiwr (ID) a’r cyfrinair ar gyfer Porth y Llywodraeth a ddefnyddiwyd gennych wrth gofrestru’ch elusen gyda CThEF.
Newid manylion drwy’r post
Bydd angen i chi wneud y canlynol:
- Lawrlwytho’r ffurflen ChV1 a’i chadw ar eich cyfrifiadur.
- Agor y ffurflen gan ddefnyddio’r fersiwn ddiweddaraf o Adobe Reader sy’n rhad ac am ddim.
- Llenwi’r ffurflen ar y sgrin. Defnyddiwch yr arweiniad ynghylch sut i lenwi ffurflen ChV1 i’ch helpu chi.
- Argraffu’r ffurflen a’i hanfon drwy’r post i’r cyfeiriad ar y ffurflen.
Efallai na fydd y ffurflen yn gweithio os byddwch yn ceisio’i hagor yn eich porwr rhyngrwyd. Os nad yw’r ffurflen yn agor, cysylltwch â Gwasanaeth Cwsmeriaid Cymraeg CThEF.
Os ydych yn asiant treth
Bydd angen i chi ddefnyddio’r gwasanaeth ar-lein Elusennau i Asiantau.
Gofynnwch i’ch cleient lenwi’r ffurflen hon ac i nodi’ch manylion chi fel enwebai.
Byddwn yn anfon cyfeirnod asiant a chyfeirnod cwsmer atoch drwy’r post. Gallwch ddefnyddio’r cyfeirnodau hyn i ymrestru’r gwasanaeth ar-lein Elusennau i Asiantau ar eich cyfrif Porth y Llywodraeth.