Penodi cynorthwyydd dibynadwy i reoli’ch gwasanaeth digidol gan y VOA
Penodi cynorthwyydd dibynadwy i greu eich cyfrif prisio ardrethi busnes gan Asiantaeth y Swyddfa Brisio (VOA) os nad oes neb yn eich sefydliad yn gallu cofrestru am un.
Yn berthnasol i Loegr a Chymru
Pryd i benodi cynorthwyydd dibynadwy
Mae angen i chi greu eich cyfrif prisio ardrethi busnes er mwyn gweld gwerthoedd ardrethol eich eiddo ac adrodd am unrhyw newidiadau i fanylion eich eiddo.
Os na allwch greu cyfrif oherwydd nad oes gennych y dogfennau adnabod gofynnol, gall rhywun arall yn eich sefydliad greu cyfrif ar gyfer eich sefydliad. Wedyn, gall yr unigolyn greu rôl cynorthwyydd i chi yn y cyfrif. Bydd hyn yn eich galluogi chi i fewngofnodi i’r cyfrif a rheoli eich ardrethi busnes.
Os nad ydych yn rhan o sefydliad neu nid oes neb yn eich sefydliad yn gallu creu cyfrif, gallwch benodi cynorthwyydd dibynadwy. Gall eich cynorthwyydd dibynadwy greu cyfrif a rôl cynorthwyydd ar eich cyfer chi. Bydd hyn yn eich galluogi chi i fewngofnodi i’r cyfrif a rheoli eich ardrethi busnes. Gallai cynorthwyydd dibynadwy fod yn ffrind, yn aelod o’r teulu neu’n sefydliad gwirfoddol. Dim ond un cynorthwyydd dibynadwy y gallwch ei gael ar y tro.
Os na allwch greu cyfrif am ba bynnag reswm, dysgwch sut gallwch gael cymorth ychwanegol gan Asiantaeth y Swyddfa Brisio (y VOA). Efallai na fydd angen i chi benodi cynorthwyydd dibynadwy.
Sut i lenwi’r ffurflen
Gallwch lawrlwytho’r ffurflen a’i llenwi ar y sgrin neu argraffu’r ffurflen a’i llenwi.
Dylech lenwi’r ffurflen eich hun. Mae’n rhaid i chi a’ch cynorthwyydd dibynadwy lofnodi’r ffurflen, fel arall ni fyddwn yn derbyn y ffurflen. Gallwch lofnodi’r ffurflen yn ddigidol.
I ble y dylech anfon y ffurflen?
Atodwch y ffurflen gyflawn i’ch e-bost. Anfonwch hi i ccaservice@voa.gov.uk.
Os yw’n well gennych, gallwch anfon eich ffurflen gyflawn drwy’r post at:
Trusted Helper / Cynorthwyydd Dibynadwy
Valuation Office Agency
Wycliffe House
Green Lane
Durham
DH1 3UW
Ar ôl penodi cynorthwyydd dibynadwy
Bydd y VOA yn awdurdodi’ch cynorthwyydd dibynadwy i greu cyfrif. Dim ond os bydd angen help wrth greu neu reoli’ch cyfrif y byddwn yn siarad yn uniongyrchol â’ch cynorthwyydd dibynadwy. Ni fyddwn yn derbyn unrhyw gyswllt arall gan eich cynorthwyydd dibynadwy. Dysgwch sut i gael cymorth ychwanegol gan y VOA. Mae hyn hefyd yn cynnwys pan fo angen rhywun arnoch i siarad â’r VOA ar eich rhan.
Bydd y VOA yn trin pob gweithred yn y cyfrif ar-lein yn weithredoedd gan y perchennog, y meddiannydd neu’r talwr ardrethi.
Eich cyfrifoldeb chi yw gwneud yn siŵr bod unrhyw wybodaeth y bydd rhywun arall yn ei chyflwyno ar eich rhan yn gywir. Os nad yw’n gywir, efallai y bydd angen i chi dalu cosb (yn agor tudalen Saesneg) a thalu unrhyw ardrethi ychwanegol sydd arnoch.
Os na hoffech fod gan y cynorthwyydd dibynadwy fynediad at eich cyfrif mwyach, bydd angen i chi wneud y canlynol:
-
Gofynnwch i’ch cynorthwyydd dibynadwy newid gosodiadau’r cod mynediad yn y cyfrif fel bod y cod yn cael ei anfon atoch chi.
-
Gofynnwch i’ch cynorthwyydd dibynadwy am fanylion mewngofnodi eich cyfrif.
-
Newidiwch gyfrinair y cyfrif.
Os na fydd eich cynorthwyydd dibynadwy yn rhoi’r manylion mewngofnodi i chi, yna dylech gysylltu â’r VOA drwy ddefnyddio’r ffurflen gyswllt ar-lein neu drwy ffonio.
Ffôn (Cymru): 03000 505 505
Ffôn (Lloegr): 03000 501 501
Dydd Llun i ddydd Mawrth, 9am i 4:30pm
Dydd Mercher, 10am i 4:30pm
Dydd Iau i ddydd Gwener, 9am i 4:30pm