Gwneud cais am Bensiwn y Wladwriaeth wedi ei ôl-ddyddio os ydych yn fenyw drawsryweddol
Efallai bydd menywod trawsryweddol a anwyd rhwng 31 Hydref 1953 a 6 Tachwedd 1953 yn gymwys i gael Pensiwn y Wladwriaeth o 31 Hydref 2018 hyd at ddyddiad eu pen-blwydd yn 65 oed.
Cymhwysedd
Efallai y bydd gennych hawl i gael Pensiwn y Wladwriaeth wedi ei ôl-ddyddio os yw’r canlynol i gyd yn berthnasol:
- cawsoch eich geni rhwng 31 Hydref 1953 a 6 Tachwedd 1953
- roeddech wedi byw yn eich rhywedd a gaffaelwyd am o leiaf 2 flynedd erbyn 31 Hydref 2018
- rydych wedi cael llawdriniaeth ailbennu rhywedd
Mae hyn oherwydd bod dyfarniad llys yn golygu bod rhaid cydnabod unigolyn trawsryweddol sydd wedi cael llawdriniaeth ailbennu rhywedd ac wedi byw yn y rhywedd a gaffaelwyd am gyfnod sylweddol yn ei ryw a gaffaelwyd at ddibenion Pensiwn y Wladwriaeth.
Sut i wneud cais
Cysylltwch â’r Gwasanaeth Pensiwn a gofynnwch am ffurflen mynegi diddordeb.
Y Gwasanaeth Pensiwn
Os ydych yn ffonio o’r DU
Llinell Gymraeg: 0800 731 0453
Dydd Llun i ddydd Gwener, 8.30am i 3.30pm
Llinell Saesneg: 0800 731 0469
Relay UK (os na allwch glywed na siarad dros y ffôn): 18001 yna 0800 731 0469
Ddydd Llun i ddydd Gwener, 8am i 6pm
Darganfyddwch am gostau galwadau
Os ydych yn ffonio o dramor
Ffôn o’r tu allan i’r DU: +44 (0)800 731 0469
Relay UK (os na allwch glywed na siarad dros y ffôn): +44 151 494 1260 yna 0800 731 0469
Ddydd Llun i ddydd Gwener, 8am i 6pm
Darganfyddwch am gostau galwadau
Ysgrifennu at y Gwasanaeth Pensiwn
E-bost: npc.grteam@dwp.gov.uk
Trwy’r post:
GR Team (iyn gyfrinachol)
Newcastle Pension Centre
TJ001
Tyneview Park
Benton
Tyne and Wear
NE98 1BA
Beth fyddwch ei angen i wneud cais
Pan ddychwelwch y ffurflen, bydd angen i chi anfon prawf eich bod wedi bod yn byw yn eich rhywedd a gaffaelwyd am o leiaf 2 flynedd erbyn 31 Hydref 2018. Gallai hyn gynnwys copïau o’ch:
- pasbort
- trwydded yrru
- slipiau cyflog
- dogfennau budd-daliadau
- biliau cyfleustodau
- dogfennau swyddogol eraill
Mae rhaid i’r holl ddogfennau fod yn eich enw a’ch rhywedd a gaffaelwyd. Mae rhaid bod y ddogfen gynharaf wedi ei dyddio cyn 31 Hydref 2016.
Bydd angen i chi hefyd anfon prawf eich bod wedi cael llawdriniaeth ailbennu rhywedd, er enghraifft llythyr gan eich meddyg.
Beth fydd yn digwydd nesaf
Cewch lythyr a fydd yn dweud wrthych a oes gennych hawl i ôl-ddyddio Pensiwn y Wladwriaeth. Os oes gennych hawl, telir unrhyw arian sy’n ddyledus i chi.
Updates to this page
-
Removed textphone details and added Relay UK details.
-
Updated telephone number and opening times for the Pension Service.
-
Updated opening times for the Pension Service.
-
First published.