Analiza vjetore e Drejtorise se Burgjeve Shqiptare
Fjalim i Ambasadorit në analizën vjetore të Drejtorisë së Burgjeve Shqiptare
Faleminderit për mundësinë për të thënë disa fjalë në këtë analizë vjetore të punës në shërbimin e burgjeve . Reforma e sistemit të burgjeve shqiptare ka ecur me hapa pozitive në vitet e fundit . Kjo është vënë në dukje dhe raportuar nga vëzhgues ndërkombëtarë të besueshëm , në veçanti nga Këshilli i Evropës . Por, ende shumë punë duhet të bëhet . Ngjarjet e fundit kanë theksuar rëndësinë e sigurisë brenda sistemit të burgjeve . Kjo nuk është vetëm një çështje e dizajnit fizik dhe ndërtimit të burgjeve . Vëzhgimi i kujdesshëm i të burgosurve është i rëndësishëm, gjithashtu mekanizma efektivë për shkëmbimin e informacionit brenda sherbimit te burgjeve me qëllim parandalimin e arratisjeve apo shkeljeve të tjera të sigurisë .
Drejtimi efikas i cdo shërbimi burgu kerkon një seri kompromisesh . Ka një kompromis midis sigurisë dhe trajtimit njerezor të të burgosurve . Ka një kompromis midis rëndësisë së rehabilitimit të të burgosurve dhe nevojës për ti dërguar një sinjal kriminelëve dhe kriminelëve të mundshëm që një veprim i fortë do të merret kundër atyre që kërcënojnë sigurinë publike . Pastaj është balanca ndërmjet drejtimit te një sistemi të burgjeve me standardet më të larta të mundshme dhe nevojes për të kufizuar koston për publikun në kohë vështirësish ekonomike .
Ngjarje të tjera të kohëve të fundit kanë treguar rëndësinë e përmirësimit të bashkëpunimit ndërmjet agjencive të ndryshme të qeverisë , për të siguruar që , kur kriminelët potencialisht të rrezikshëm janë liruar nga arresti në një bazë të përkohshme ose të përhershme , të gjitha agjencitë e zbatimit të ligjit janë të informuara . Unë do të inkurajoja një rol më të madh për Shërbimin e Provës në koordinimin e ri- integrimit të të dënuarve të liruar në shoqëri dhe në monitorimin e këtyre të burgosurve te liruar që paraqesin probleme të veçanta për komunitetin .
Në shtator të vitit të kaluar , unë mësova me kënaqësi se Drejtori i ri i Burgjeve ishte një oficer me reputacion të lartë i cili ishte trajnuar në Mbretërinë e Bashkuar , Zoti Artur Zoto. Më ka bërë përshtypje shpejtësia dhe energjia me të cilat ai dhe ekipi i ri kanë filluar detyrat e tyre aktuale. Zoti Zoto ka patur mundësinë e disa diskutimeve të rëndësishme me homologët britanikë në shërbimin e burgjeve, dhe këto shkëmbime , të vlefshme për të dyja palët , do të vazhdojnë dhe të thellohen në të ardhmen . Unë jam i sigurt se ky vit do të gjenerojë sfida të reja dhe të vështira për shërbimin e burgjeve të Shqipërisë . Por unë jam i sigurt se këto sfida do të përmbushen me sukses , dhe përcjell urimet e mia më të mira për Zotin Zoto dhe ekipin e tij.