Dydyn ni erioed wedi cael cyfle gwell i allforio dramor
Mae gan Lywodraeth y DU fynediad at un o’r rhwydweithiau rhyngwladol mwyaf ymysg sefydliadau hybu masnach.
Dogfennau
Manylion
A ydych chi wedi ystyried allforio nwyddau neu wasanaethau eich cwmni i farchnadoedd rhyngwladol, ond ddim yn siŵr ble i ddechrau? Neu a ydych chi eisoes yn allforio nwyddau neu wasanaethau dramor ond yn awyddus i wneud mwy?
Os mai ‘ydw’ yw eich ateb i unrhyw un o’r cwestiynau hyn, mae Llywodraeth y DU yma i’ch ysbrydoli chi, i roi cyngor i chi ac i’ch helpu chi ar eich taith allforio.
Gallwn ddarparu’r adnoddau sydd eu hangen arnoch i allforio, er enghraifft, cymorth ariannol, cyllid ar gyfer sioeau masnach dramor a manylion darpar brynwyr dramor.
Mae gan Lywodraeth y DU fynediad at un o’r rhwydweithiau rhyngwladol mwyaf ymysg sefydliadau hybu masnach. Mae ein 1,200 o staff ymroddedig mewn 109 o wledydd ledled y byd yn adnodd o’r radd flaenaf ar gyfer busnesau yng Nghymru.
Mae’r daflen amgaeedig yn rhoi manylion ynghylch y cymorth mae Llywodraeth y DU yn ei gynnig, yn ogystal ag enghreifftiau o gwmnïau sydd wedi gweithio gyda ni er mwyn bod yn allforwyr llwyddiannus.
Ni fu erioed amser gwell i gwmnïau yng Nghymru allforio eu cynnyrch a’u gwasanaethau i farchnadoedd newydd.
Rwyf wirioneddol yn gobeithio y bydd eich cwmni yn gallu ymuno â’r miloedd o fusnesau eraill yng Nghymru sydd eisoes yn allforio. Rwyf yn sicr y bydd y deunydd hwn yn eich helpu chi i wneud hynny drwy roi hyder i chi a’ch darbwyllo bod Allforio yn WYCH.
Alun Cairns - Ysgrifennydd Gwladol Cymru